Geloxi 3:3 - Hudani Kielien

³ Ta ijin fuguzhi tai amin Mexihare hhantu Hudai sudoro niuizho.

Geloxi 3:3 Referans Kwoze

Jialatai 2:20

Bi Mexihaghalai hhantu shizijia jiere ijin ghadawo. Ede amiturasanshi bi pusho, Mexiha mii sudoro amiturazho. Bi beye jiere amiturasanshi made orezhi made oluzhi goyane sheisan Hudai kewonni xianxin giesanghala amiturazho.

Loma 6:2

Kenjin ulie olune! Matan zui miende fugudene matugie zui dunda udu daone?

Geloxi 2:20

Ta Mexihare hhantu fuguzhi duyai langan daolise andazhoma, yale dou duyanughunyi daghazhi giesan mutun bu barei, bu ijie, bu shigha giesan guijinlai shunjine?

Yaheiya 5:24

Bi tande shuhuajia kielieye, kien mii kielienyi chenliezhi mii peizhi ireghasan hhei xianxin giese chanqiku amin wine. Zui ulie soughane, fugukuse amitude ijin ireghawo."

Loma 8:2

Amin ogiku Shenlinni guijin Mexiha Ersai tungo giezhi zuiji fuguku guijinse chii andaghawo.

Loma 5:10

Matan Hudai duitou bikude hhe kewonne fugughazhi matanre goudazho, Mexihai aminghala matai genjia jiuine.

2Gelindo 5:14

Ingiekushi Mexihani oreku bijienyi biizho. Nie kun soyuji kunlade oluzhi duya ijiese soyuji kunla duya ijiesanyi bijien mejiene.

Yaheiya 5:21

Ada fugusan kunlai bosi ireghazhi amin ogiku mutun Kewonniye goya duranghalane kunlade amin ogine.

Yaheiya 3:16

Huda duyani kunlade olon orezhi lien niekozi kewonneliuzhe ogiwo. Ingiese jien hhei xianxin giesan kunlai ulie widaghazhi chanqiku amin ogine giezho.

Yaheiya 14:19

Pse goujicha beise duyani kunla mini chujieghe danema, ta mini chujieghene. Bi amitu wo, taye amitu wo.

1Beduru 3:4

Khareidene ta renyi, undantughala sudorone dabala. Eneshi ulie xiuqiraku seighanni wo, Hudai melie zhigui wo.

Matai 11:25

Hhe xienzide Ersa kieliewo, "Asiman zeminni Ezhan, Ada, chii mafan gieghawo. Chi ene shiqinlani agheli, erlintu kunlade niuighazhi ga kewosi mutun kunlade mejieghawo.

Geloxi 3:4

Mexihashi matai amin wo. Hhe xienjikudei ta hhere hhantu fama dunda xienjine.

Xibolai 7:25

Hhe chanqi amiturazhi hhelade oluzhi xiahua giezho. Ingiese jien hhei tungo giezhi Hudai melie iresanlai hhe jiuizhi uzhu kurugha shidane.

Geloxi 2:3

Hhei sudoro soyuji agheli, erlinni boubeilai man ghurazho.

Yaheiya 5:40

Ingieliuzhe ta aminni mii enense ereile ulie irene."

Yaheiya 4:14

Bi ogisan usui use chanqi ulie undasune. Bi ogisan usu hhei sudoro bula gholuzhi izhi usuruzhi khizhezhi hhende chanqiku amin ogine."

Mejieghasan 2:17

Chighin bitu kunla Shenlin jiohuilade kieliesan kielienni chenliendu. Injisan kunlade bi niuighasan manani ogizhi pse chighan tashii ogine. Tashi jiere shini niere huaizho. Jienliesan kunse chugo tanichen kun nieda uwo.'"

1Yaheiya 3:2

Mii orentula, ede matanshi Hudai kesila wo. Jianlai matan matui gholukuni da ulie mejienema, Ersa Mexiha xienjikude matan hhei zhen yanziini chanlase matan hhe mutun gholukui mejiene.

Feilibi 4:7

Ingiese kun lijie gie daku Hudai pinnan Mexiha Ersai sudoro tai zhughe, sumulakui baohu giene.

1Gelindo 15:45

Ji 1 gie kun Adan amitui gholuwo giezhi jinwun jiere huaizhoma, zuihouku Adan amin ogiku ruhher gholuwo.

1Gelindo 2:14

Hudai Ruhher uwotu kunla Hudai ruhher ogisanlai jienlie dane. Hhela enei ben wo giezho, ye dunjire dane. Ene shiqinlai zinie ruhherghala uzhe khizhene.

Loma 5:21

Ingiedene zui qienli bareizhi fugukui ogisan mutun, nenjien qienli bareizhi kunlai gounide sanadene mai Ezhan Ersa Mexihani tungo giezhi chanqiku amin ogizho.

Geloxi 1:5

Xianxin gieku, orekushi tande asiman jiere sunjisan xiwonse irezho. Ene panjikushi ta melieshida zhenzhenji daoli, jiushi gouxioxise chenliesan wo.

2Gelindo 5:7

Matan yan giese chanlakughala ese giezho, xianxin giekughala giezho.

Loma 6:11

Taye zui miende goyane fugusan sanazhi Mexiha Ersai tungo giezhi Hudai miende amitu sana.

Ifuso 3:9

Pse soyujilai zhayaghasan Hudai sudoro eqighanse izhi niuighasan mimitu jihuai olon kunlade man minbai olugha giezho.

1Beduru 4:2

Ingiedene feiliesan udude kunni nefuxinyi pse ulie daghazhi Hudai isi mutun udu daone.