Geloxi 2:8 - Hudani Kielien

⁸ Ta xioxin giezhi kiema tai kunni erlinji piendaku seighan kielienghala bareizhi bu echigha. Eneshi Mexihai daghasan pusho, kunni xigon, duyai langan daolini daghazho.

Geloxi 2:8 Referans Kwoze

1Qimotai 6:20

Qimotaiya, chade kouisanlai chi goude baohu gie. Pse duyani ibari witu kielienlase, goyane zhendaoi mejiene giezhi jianjindukulase pii.

Ifuso 5:6

Enezighan shiqin jiere Hudai hokuruku hhezighan kielien ulie chenliechen kunlai jiere irene. Yama oronde witu kielienghala kiema tai bu piendagha.

Matai 7:15

"Ta jia xienzhilai fangula. Hhela ghoni arasunyi zhozhi tai enende irene, sudoroni wizha zhanghei wo.

Jialatai 4:9

ede ta Hudai tanine, pse tashi Huda tanisan wo. Ta matugie pse hhezighan yama zoin witu bixin langan daolide hoji danlane giezhi daghazho?

Geloxi 2:20

Ta Mexihare hhantu fuguzhi duyai langan daolise andazhoma, yale dou duyanughunyi daghazhi giesan mutun bu barei, bu ijie, bu shigha giesan guijinlai shunjine?

2Qimotai 3:13

Doghun kun, piendachen kun yebeiseye doghunshine. Hhela kunlai piendazho, kunlaye hhelai piendane.

2Beduru 3:17

Ingiese mii orentula, ta enei eqighan mejiese goude xioxin gie. Pse mouxien kunlai codasan tai miidene goya undanlasan oronsene anda boune.

Xibolai 13:9

Ta goyalane yanyanji ghudureku sughasande bu echigha. Kunni zhughe ijiuni xigonde ulie kouidene nenjiende kouizhi khiduzhese gou wo. Hhezighan ijiuni xigonyi daghasanlade yama haochu uwo.

2Yaheiya 1:8

Ta xioxin giezhi bijien giesan wilielai belien bu gholughadene Huda ogiku soyuji jianlini man linla.

Jialatai 4:3

Matanye niekielien wo. Matan kewosi bikude ene duyani langan daoli matai gonjizhoma,

2Gelindo 10:5

Bijien kun zhenjindusan, pse kunni danlazhi Hudai ulie tanighazhi goyane fugiede uzhesan yanyanjilai man widaghane. Yanyanji sumuladanlai man barei iredene Mexihade shunjighane.

Geloxi 2:18

Kunla nanxighan goyane meilade uzhezhi qienxienlani beiikughala tai jianlii bu qianlagha. Imutu kunla goya chanlawo giesande miizho. Nefuxinghalane hanhanji goyane fugiede uzhene,

1Beduru 1:18

Ta mejiene. Tai xienrenla tande chonjizhi ogisan yama zoin witu xigonse tai shuisanshi huailuku antan, miengughala pusho,

Loma 16:17

Gaijiula, bi tai xiahua gieye, ta surusan daolini fandui giezhi tai khudoghozhi banjighachen hhezighan kunlase gholodo.

Ifuso 4:20

Ta Mexihase surusanshi intui pusho.

Jialatai 1:14

Yutaijio fanmiende bi goya minzune nie nasuntu kunlase zui fama wo, mii xienrenla zunjisan xigonde zui rexin wo.

Feilibi 3:2

Ta hhezighan doghunni giesan kunlai fangula. Hhela nogheini xianli, beyene otolusan kun wo.

Matai 16:6

Ersa hhelade kieliewo, "Ta Falisai kun, Sadugai kunlai kuniegheni jinxin giezhi fangula."

Matai 10:17

Ta kunlai xioxin gie. Kunla tai zui fugie fayende jiuine. Hhelai huitanlade mabienzighala eghine.

Geloxi 2:22

Enelai nie injise zoin man wida khine, zinie kun fenfulazhi surughasan wo.

Ifuso 2:2

Hhe shihoude ta ene duyai xigonyi daghazhi asimanyi doghun lilianyi gonjisan hhei daghazhi zui dunda udu daozho. Hhe jiushi kielienyi ulie chenliechen kunlai sudoro wilie giesan ruhher wo.

Tujila 17:18

Da niezhan Ibijiulu, Sidoya ghua paini loushilaye Baolore jianjinduzhi kieliezho, "Ene hulihuduji yan kieliezho?" Pse niezhanla kieliezho, "Hhe hoxianshi niman kunlai nigiedani chonjizho." Ingiezhi kieliekushi Baolo hhelade Ersa fuho giesan daolii jianjizho.

Tujila 17:32

Fugusanse fuho giesan ene kielienyi chenliedene niezhanla hhei uzhezhi xiniezho, niezhanla "Bijien pse chenlieku duran wine." giezhi kieliezho.

1Gelindo 8:9

Ingiese ta xioxin gie, pse tai ziyu xianxin gieku zholientu kunlai zui fanjighane.

1Gelindo 10:12

Ingiese goyane beizhi undanlawo giesanla indan xioxin gie, pse banjine.

Jialatai 5:15

Ta xioxin giezhi nieniene bu zhouzhi bu yenji, pse man widane.

Geloxi 2:23

Uzhese enezighan guijinlashi suibiende beiiku, goyane guide meilade uzheku, goyane zayalaku jiere agheli winekui xianli, shijishan kunni nefuxinni daruku jiere yama zoin uwo.

Xibolai 3:12

Gaijiula, ta xioxin gie, pse tai dunda niezhan kunla doghun zhugheghala xianxin ulie giedene chanqiku Hudase likai giene.