Feilibi 4:6 - Hudani Kielien

⁶ Yamade munan bu giezhi yan shiqindeliuzhe onxian gie, xiahua giezhi kere, mafan gieku zhugheghala ta keresanlane Hudade kielie.

Feilibi 4:6 Referans Kwoze

1Beduru 5:7

Ta munan giekulane man Hudade echigha, hhe tai gonjine.

Matai 6:8

Ta hhela mutun bu gie. Ta xiahua gieku melie ta yan keresei Adatai mejiene."

Geloxi 4:2

Ta jinxin giezhi mafan giekughala izhi onxian gie.

Ifuso 6:18

Yan shihoudeliuzhe Shenlinde kouizhi olon onxian giezhi xiahua gie. Enende oluzhi jinxin giezhi chan zhazhen giezhi soyuji shentulade xiahua gie.

Geloxi 3:17

Ta yan kieliezhi yan gieliuzhe Ezhan Ersani niereghala gie. Hhei tungo giezhi ada Hudade mafan kielie.

Lujia 18:1

Ersa tujiladene izhi ulie beidene onxian giezhi zhughe ulie widakui bilazhi kieliewo.

Lujia 12:22

Ersa tujiladene kieliewo, "Ingiese bi tande kielieye, ta amindene oluzhi yan ijiene, musine giezhi munan bu gie.

Geloxi 3:15

Mexihani pinnan tai zhughei gonji gie. Ene pinnande oluzhi tai uruzhi nie beye gholughawo. Taye chan mafan kielie.

Ifuso 5:20

Yan shiqindeliuzhe mai Ezhan Ersa Mexihani niereghala chan ada Hudade mafan kielie.

Lujia 10:41

Ezhan kieliewo, "Madaya, chi olon wilie giene giezhi munan giezhoma,

Lujia 18:7

Huda sunghuzhi irezhi xieni udu hhei waradasan kunlade Huda gundanni ulie ogidene udazhi banman gienu?

Matai 10:19

Kunla tai jiuikude ta matui, yan kieliekui munan bu gie. Hhe shihoude yan kieliekui tande mejieghane.

Lujia 12:29

Ta ijiezhi ochikude xiahua bu giezhi munan bu gie,

1Gelindo 7:32

Mii duranshi ta yamade munan ulie giesejiu. Bierei ese agisanla Ezhanni shiqinde munan giezhi matugie Ezhanni bayasughakui sumulazho.

1Beduru 4:7

Duya baraku ghujinlawo. Ingiese ta zhughesene xioxin giezhi jinxin giedene onxian gie.

Matai 13:22

Eghesun dunda luisanshi kielienyi chenliewoma, duyai munan gieku, baer miise kielienyi jigheidazhi yama sou dawo.

1Gelindo 7:21

Chii urukude chi hoji danlazhoshi munan bu gie. Ziyushiku jihui bise goude barei.

Matai 6:34

Ingiese ta maghashijiekude munan bu gie. Maghashijiekude maghashijie munan giekui wine. Niuduku chijiani niudushi kuruzho."

1Qimotai 2:1

Ingiese bi chade sughazhi kielieye. Xien soyuji kunlade oluzhi xiahua giezhi onxian gie. Deilazhi kunlade qitao giezhi Hudade mafan kielie.

1Qimotai 5:5

Yama witu guafula Hudade kouizhi xieni udu onxian gienema,