Feilibi 4:18 - Hudani Kielien

¹⁸ Made yanyanji wine, da feiliezho. Ta Ibafuqii tungo giezhi made khughosanlai bi jienliedene kuruzho. Eneshi Huda bayasuzhi jienlieku andatu mure wo.

Feilibi 4:18 Referans Kwoze

Xibolai 13:16

Gouni gieku, nieniedene ogikui bu mata. Imutu xienjide Huda xiqi wo.

Feilibi 4:12

Bi nanxinde matugie giekui mejiene, bayande matugie giekuiye mejiene. Chuduku, oliesuku, bayanni, chaiku, yan shiqin yan qinkondeliuzhe matugie gieku banfai bi suruwo.

2Gelindo 9:12

Ene banman gieku shiqinyi giezhi zinie shentulade chaisei buisan pusho, olon kunlai Hudade mafan kielieku tebie olodoghazho.

Ifuso 5:2

Mexiha matande orezhi matande goyane sheidene Hudade ogisan andatu dunxi, mure danlazhi Hudade ogisan mutun taye yan giese oreku zhugheghala gie.

1Beduru 2:5

Taye amitu tashi mutun nienieji luizhi ruhhertu gie gholu. Ingie zhiguitu buwa danladene Ersa Mexihai tungo giezhi Huda bayasuku mutun jiomuntu mure ogi.

2Qiesalonijia 1:3

Gaijiula, bijien tande oluzhi Hudade chan mafan kieliese indanji wo. Tai xianxin gieku zhughe fugiedazhi, nieniedene oreku zhugheye olodozho.

Loma 12:1

Ingiese gaijiula, bi Hudai ubali xiikughala tai goude fenfulaye. Ta beyene amitu mure danlaghazhi Hudade ogi. Intu mureshi Huda xiqi biku wo, zhiguitu wo. Eneshijiu zhenzhenji beiiku wo.

Tujila 10:4

Geniliu xianxide nie uzhe ayizhi kieliewo, "Ezhan, yan shiqin wo?" Qienxien kieliewo, "Chi onxian giesan, nanxin kunlade banman giesanla Hudai melie echizhi jilawo.

2Gelindo 11:8

Bi psedu jiohuilase gunzi bareidene tande lilian khighase qianlakughala niekielien wo.