Feilibi 2:3 - Hudani Kielien

³ Yan shiqinniliuzhe zinie goyadene oluzhi bu gie, minshenni tanxin bu gie, goyane meilade uzhezhi kunlai goyasene fugiede uzhe.

Feilibi 2:3 Referans Kwoze

Loma 12:10

Zhenzhenji orekughala nieniedene ore. Ranjizhi nieniene zunji.

Jialatai 5:26

Matan goyane undude bu uzhezhi nieniene bu hokughazhi nieniene bu dubilieye.

Ifuso 5:21

Mexihai zunjiku zhugheghala nieniene shunji.

Ifuso 4:2

Yandeliuzhe goyane meilade uzhezhi renyide gie. Rennai giezhi oreku zhugheghala nieniedene ranji.

1Beduru 5:5

Nasuchighan kunla, taye qingiezhi zhanlaolai shunji. Ta man nieniedene oluzhi goyane meilade uzhekui wiqin danlaghazhi pixilie. "Huda goyane undude uzhesan kunlai fandui giene. Goyane meilade uzhesan kunlade nenjien ogine."

Feilibi 2:14

Ta yan shiqin gieliuzhe boxin bu kielie, bu jianjindu.

Jialatai 5:15

Ta xioxin giezhi nieniene bu zhouzhi bu yenji, pse man widane.

1Qimotai 6:4

hhe goyane fugiede uzhezhi yama ulie mejiene, zhonmun uroui asazhi jianjindukude xiqi wo. Ingiese dubiliene, jianjindune, beimiende sugiene, hu inxin giene.

Lujia 18:14

Bi tande kielieye, giedene echikude Huda gounide sanasanshi hhe kun pusho, ene kun wo. Kien goyane undudaghase boghonidaghane. Goyane boghonidaghase undudaghane."

Geloxi 3:8

ede ta hokuku, piqi shuaiku, doghunni, kufurei fanjiku, shizheku kielienlai man widagha.

2Gelindo 12:20

Bi echikude bi xiwon giesande ta ese daizhi ta xiwon giesande bi ese daisei mejiekuse ayizho. Zhenjinduku, dubilieku, piqi shuaiku, goyadene oluku, sugieku, xienhua kielieku, goyane undude uzheku, londaku shiqin winekuse ayizho.

1Gelindo 3:3

Tashi beyenughun wo. Tai sudoro dubilieku, jianjinduku wine. Eneshi beyenughun pushonu? Zhao duyani kunla giesan mutun ese giezhou?

1Gelindo 15:9

Bi shitu dundase zui gani wo. Eqighandei Hudai jiohuii heizho, mii shitu giezhi uruse pei dane.

Loma 13:13

Matan udude gieku mutun yan gieliuzhe donzhende gieye. Lon naduzhi sudoku, lon kijiezhi hu gieku, jianjinduzhi dubilieku enelai bu gieye.

Loma 2:8

Zi goyane guizhi zhendaoni ulie shunjidene gou winii shunjichen kunlade hokuku, faikughala kharulune.

Geloxi 3:12

Tashi Huda sunghusan, zhiguitu, oresan kun wo. Ingiese ta ubali xiiku, gou zhughe, meilade uzheku, renyi, rennai giekui musi.

1Beduru 3:8

Zuihoude kielieye, ta man nie zhughe gholuzhi nieniedene ubali xii, nieniedene ore, renyide giezhi goyane meilade uzhe.