Feilibi 2:16 - Hudani Kielien

¹⁶ Aminni daolii xienjizhi khizhegha. Ingiese bi Mexihani udude goyane belien ese holuzhi belien wilie ese giezho giezhi kuaine.

Feilibi 2:16 Referans Kwoze

1Gelindo 9:26

Ingiese bi muji wizhi ese holuzho, chuidase ulie noughachen kun ulie gholune.

Jialatai 2:2

Bi khireikushi Huda made mejieghazho. Bi hhezighan lindaolai konkonji chujieghedene bi niman kunlade gouxioxi chonjisei kieliezhi minbai olughakushi bi melieshida, ede belien ese holuse giezho.

1Yaheiya 1:1

Hhe dei qiikude bisan aminni kielien giezhi urusan hhei tande kielieye. Bijien hhei chenliezhi daowo, nudundene chujieghezhi daozho, qinsi uzhezhi khaghalane maqizhi daowo.

2Gelindo 1:14

Ingiese Ezhan Ersai udude bijien tai kuaiku mutun taye bijienyi kuaine.

Yaheiya 6:68

Ximun-Beduru kieliewo, "Ezhan, chade chanqiku amin ogiku kielien wine. Bijien pse kienyi daghane?

1Qiesalonijia 3:5

Ingiese bi pse bazilie dadene Qimotaini peizhi tai xianxin gieku matugiezho giezhi daqinlaghale echiwo. Hhe miichen tai miizhi bijien khishulasan wilielani belien gholughakuse ayizho.

Yaheiya 6:63

Kunde amin ogikushi Shenlin wo, beye yama oronde uwo. Bi tande kieliesan kielienshi ruhher wo, aminye enbene.

Lujia 12:8

"Bi pse tande kielieye, kien kunlai melie mini renjise Kunnikewonye Hudai qienxien melie hhei renjine.

Xibolai 4:12

Hudai kielienshi amitu, zoin bitui wo, yanyanji ghua renzitu khudoghose da xidu wo. Lien kunni jinshen ruhherji mouzi gusuide orozhi ghua gholughane. Zhugheni sumulaku zhuyiniliuzhe fenji shidane.

1Beduru 1:23

Tai erchan olusanshi huailuku fureghala pusho, ulie huailuku fureghala wo. Hudai chanqi ulie widaku, amitu kielienghala wo.

1Qiesalonijia 2:19

Mai Ezhan Ersa pse irekude bijien hhei melie panjiku, bayasuku, kuaighaku jianlishi yan wo? Ta pushonu?

Jialatai 4:11

Ingiese bi tande zhughe chilazhi khishulasan belien gholukuse ayizho.

Mejieghasan 22:17

Shenlin shini biereighala, "Ire." giezhi kieliezho. Sonosusanlaye, "Ire." giezhi kielie. Undasusan kunla man ire. Duran bichen kunla man aminni usui belien jienlie.

Tujila 13:26

"Gaijiula, Iburaheimuni houdeila, pse Hudai zunjisan niman kunla, ene jiuiku daolishijiu matande ogisanwo.

Matai 10:27

Bi tande beichazide kieliesei ta mindamin kielie. Ta chighindene chenliesei gie jierese fugiede kielie.

1Gelindo 1:8

Huda tai zuihou kutula khiduzheghazhi mai Ezhan Ersa Mexihani udude ulie kheilaghane.

Feilibi 1:6

Tai dunda gou wilieni kaishi giesan hhe ene wilieni Ersa Mexihani udu kuzhese onchen giekui bi hende xianxin giezho.

Feilibi 1:10

yanshi zui gouni bikui fenjizhi Mexiha ireku udude ganjin, yama ulie sugieghachen kun danla,