2Qiesalonijia 3:5 - Hudani Kielien

⁵ Ezhan tai zhughei uduruzhi Hudai orekude, Mexihani rennai giekude echigha gie!

2Qiesalonijia 3:5 Referans Kwoze

1Yaheiya 4:19

Matan orekushi Huda xien matande orezho.

1Gelindo 8:3

Hudade oresan kunni Huda tanine.

1Qiesalonijia 3:11

Mai Ada Huda, mai Ezhan Ersa moni keighadene bijienyi zhijie tai hhende echigha gie.

Xibolai 9:28

Mexihaye olon kunlai zuini danjine giezhi goyane niefade sidagha giewo. Jianlai ji 2 hui xienjizhi khizhezhi zuini danjikughala gonxi widene hhei hende sagheisan kunlai jiuine.

Loma 8:25

Matan chujieghe dakune onxian giese rennai giezhi panjikuni wo.

1Beduru 4:1

Mexiha ingiezhi beyedene shouku giezhoma, taye imutu zhugheghala goyane ku shouikui zhunbei gie. Beyede shouku giesan kun zuise gonxi sirazho.

Yagebu 2:5

Bi oresan gaijiula, chenlie. Huda duya jieredu nanxin kunlai sunghudene xinyan jiere ese bayazheghawu? Da Hudade oresan kunlade dain giesan hhe gojiani hhelade ese jienlieghawu?

Qido 2:13

Pse matan panjisan futanni udu irekui sagheizho. Hhe shihoude nenlitu Huda, mai jiuichen Ersa Mexihani famani xienjighane.

2Qimotai 4:8

Ede gundanni jianlii made liuizho. Gundanghala panjiku Ezhan hhe udude made ogine. Zinie made ogikui pusho, Hhe pse xienjikui panjichen kunladeye ogine.

1Qiesalonijia 1:3

Bijien mai Ada Hudai melie tai izhigie jilazhi kieliezho. Ta xianxin giekughala giesan wilie, orezhi khishulasan, pse mai Ezhan Ersa Mexihai panjizhi rennai giesei jilazhi onxian giezho.

Jialatai 5:22

Shenlinni jiegoshi, oreku, bayasuku, pinnan, rennai, goude gieku, gou zhughe, kekaoni,

Loma 8:28

Hudade oresan kun, jiushi Huda jihuaghalane uruzhi iresan kunlade shiqinla man hhantulazhi gouni gholukui matan mejiene.

Loma 5:5

Xiwon matai ulie kushidaghakushi Huda matande ogisan Shenlinni tungo giezhi orekune matai zhughede kie durughawo.

Mejieghasan 13:10

Qianla echiku kunyi kenjin qianla echine. Khudoghoghala alaku kunyi kenjin khudoghoghala alane. Ingiese shentulade bixi rennai, xianxin gieku bikui wo.

1Qiesalonijia 1:10

Pse ta asiman jierese ireku Hudai Kewonni sagheizho giene. Hheshi Huda fugusan kun dundase aminne olughasan Ersa wo, jianlai ireku Hudai hokurukuse matanyi jiuine.

2Beduru 3:12

Hudai udui panjizhi ghujighan ire gie. Hhe udu kuzhese asimanyi khan tulie widaghane, asiman jieredulai tulie xiui widaghane.

Mejieghasan 1:9

Bishi tai gaijiu Yaheiya wo. Ersai miende tanre hhantu kunnan shouiku, Hudai gojia, rennai giekude guzide wine. Bi Hudai kieliende oluzhi Ersade ganzhen beiku yenyinghala Bamo giesan haini dao jiere bafanzi souzho.