1Yaheiya 4:6 - Hudani Kielien

⁶ Matanshi Hudanughun wo. Hudai tanichen kun mai kielienni chenliene. Hudanughun pushoshi manughunni ulie chenliene. Ingiezhi hhelashi zhenni onu piendachen bikui mejiene.

1Yaheiya 4:6 Referans Kwoze

Yaheiya 14:17

Eneshi zhendaoni ruhher wo. Duyani kunla hhei chujieghe dane, taniye dane. Ingiese hhei jienlie dane. Ta hhei tani shidane. Hhe tanre hhantu souzho, tai sudoro wine.

Yaheiya 10:27

Mii ghoni mii shenqii chenliene, bi hhelai tanine, hhela mii daghane.

Yaheiya 15:26

"Bi Adane hhense banjichenyi peizhi ireghane. Hheshi Adai hhense iresan zhendaoni ruhher wo. Hhe irese made ganzhen beine.

1Yaheiya 4:1

Mii orentula, ta ruhherlani man xianxin giezhi ulie olune. Hhelashi Hudanughun enbenu pusho bikui ta shiizhi uzhekuni wo. Duya jiere ede olon jia xienzhi khizhezho.

1Yaheiya 4:4

Kewosila, tashi Hudanughun wo. Tani sudoro bisan hhe duyade bisan hhense hen wo. Ingiese ta jia xienzhilase injiwo.

Yaheiya 18:37

Bilado hhende kieliewo, "Ingiese chishi honshan onu?" Ersa kieliewo, "Bishi honshan wo giezhi chi kieliezho. Mii oluzhi duyade iresanshi zhendaode ganzhen beine giezho. Zhendaode beisan kunla mini kielienyi chenliene."

1Gelindo 14:37

Kien goyane xienzhi wo, Shenlinghala hhantu wo giese bi huaisanlashi Ezhanni minlin bikui mejiene.

2Qiesalonijia 1:8

Hudai tani dasan kun, mai Ezhan Ersani gouxioxini ulie shunjichen kunlai faine.

Yaheiya 16:13

Zhendaoni ruhher irese tai uduruzhi soyuji zhendaode echighane. Hhe kieliesanshi goyane sumulasan pusho. Hhe chenliesanlane tande kieliene. Khuinashiku shiqinlaiye tande mejieghane.

1Yaheiya 4:8

Ulie orechen Hudai tani dane. Hudashi oreku wo.

1Qimotai 4:1

Ihou kuse kunla miiku ruhherni, sheitan surughakuni daghazhi xinyanse likai giene giezhi Shenlin mindamin kieliezho.

Yaheiya 13:20

Bi tande shuhuajia kielieye, kun bi peisan kunlai jienliese mii jienliezho. Mii jienliese mii peizhi ireghasan hhei jienliezho."

Yaheiya 8:19

Ingiese hhela asazho, "Adachii khala wo?" Ersa kieliewo, "Ta mii tani dane, adaimiye tani dane. Mii tanise adaimiye tanine."

Lujia 10:22

Soyujilashi man Adami made ogisanwo. Adase chugo kewonni kiema ulie mejiene. Kewon, pse kewon yenyi mejieghasan kunse chugo Adani kiema ulie mejiene."

Yuda 1:17

Mii orentula, mai Ezhan Ersa Mexihani shitula melieshida kieliesan kielienyi ta jila. Hhela tande ingiezhi kieliezho,

2Beduru 3:2

Zhiguitu xienzhila melie kieliesan kielienyi, pse tai shitulai tungo giezhi Ezhan, yeshijiu jiuichen ogisan minlinyi tai jila ireghane giezho.

2Gelindo 10:7

Ta shiqin uzhese zinie mienzii uzhene. Niezhan kun goyaneshi Mexihanughun wo giese hhe goude sumulakui wo, hheshi Mexihanughun mutun bijienshiye Mexihanughun wo.

Loma 11:8

Jinwun jiere jilasan mutun, "Huda hhelade sudoku zhughe ogizho nudunlani chanla dane, chighinlaiye sonosu dazhi eli kuwo."

Loma 1:1

Bishi Ersa Mexihani hoji Baolo wo. Hudai gouxioxini zhomen chonjighane giezhi mii uruzhi iredene shitu danlaghawo.

Yaheiya 20:21

Ingie Ersa pse hhelade kieliewo, "Ta pinnan onu? Adami mii peisan mutun biye tai peine."

Yaheiya 10:16

Made ene khudonde wiku ghoni da wine. Hhelaiye bi uduruzhi irene. Hhela mii shenqii sonosudene man hhantulazhi nie adulachen kun gonjine."

Yaheiya 8:23

Ersa hhelade pse kieliewo, "Tashi zemin jierese iresan wo, bishi asiman jierese iresan wo. Tashi duyadedu wo, bishi duyadedu pusho.

Yaheiya 10:3

Ghoni adulachen kun irese wijienyi sagheisan kun wijienyi niene, ghonilaye hhei shenqii tanine. Hhe ghonine nierese uruzhi khizheghane.

1Yaheiya 5:19

Matanshi Hudanughun bikui, duyashi man Ibilisii kha doura bikui matan mejiene.