1Yaheiya 4:4 - Hudani Kielien

⁴ Kewosila, tashi Hudanughun wo. Tani sudoro bisan hhe duyade bisan hhense hen wo. Ingiese ta jia xienzhilase injiwo.

1Yaheiya 4:4 Referans Kwoze

Loma 8:31

Ingiese matan enezighan shiqinde yan kieliene? Huda matande banman giese kien fandui giene?

1Yaheiya 5:4

Hudase iresan kesila duyase inji shidane. Mai xianxin giekughala injine.

Loma 8:37

Ingieliuzhe matande oresan Ezhanni tungo giezhi ene soyuji shiqin jiere suibiende injine.

1Yaheiya 4:16

Huda matande orekui matan mejiezho, xianxinye giezho. Hudashi oreku wo. Orechen kun Hudai sudoro beizho. Hudaye hhei sudoro beizho.

1Gelindo 2:12

Matan jienliesanshi duya jieredu ruhher pusho, Hudase iresan ruhher wo, ingiese Huda matande ogisan nenjienlai matan mejiene.

1Yaheiya 5:19

Matanshi Hudanughun bikui, duyashi man Ibilisii kha doura bikui matan mejiene.

1Yaheiya 4:13

Huda matande Shenlinne ogizho. Ingiese matan Hudai sudoro, Huda matanyi sudoro beisei mejiene.

Ifuso 6:10

Zuihoude kielieye, ta Ezhanyi miende hhei fugie liliande kouizhi khiduzhe.

Ifuso 3:17

Xianxin giekughala Mexiha tai zhughede souzhi tai oreku dunda genzi bareighazhi undanlagha gie.

Mejieghasan 12:11

Gaijiula lunni injikushi ghoni ghughanyi chusun, pse goyalane ganzhen beisan daolighala wo. Hhela amindene ulie orezhi fugukude kuzho.

1Yaheiya 3:24

Kien Hudai minlinyi zunjise hhe Hudai sudoro beizho. Hudaye hhei sudoro beizho. Huda mai sudoro beisei hhe ogisan Shenlinghala mejiene.

Yaheiya 12:31

Ede duyani panjiku shihou kuzhewo. Ene duyani touzii tou khighane, jiushi Ibilisi wo.

Yaheiya 17:23

Bi hhelai sudoro wo, Chi mii sudoro wo, hhelai man nie gholughane. Ingiese duyai kunlai chi mii peizhi ireghasanyi, pse chi made oresan mutun hhelade oresanyi mejieghane.

1Yaheiya 4:6

Matanshi Hudanughun wo. Hudai tanichen kun mai kielienni chenliene. Hudanughun pushoshi manughunni ulie chenliene. Ingiezhi hhelashi zhenni onu piendachen bikui mejiene.

2Gelindo 6:16

Mechi nigiedaghala matugie hhantulane? Matanshi chanqiku mechi wo. Zhen Huda kieliesan mutun, "Bi hhelai dunda souzhi hhelare laiwon giene. Bi hhelade Huda danlane. Hhela made bexin danlane."

1Yaheiya 2:13

Oqio kunla, bi tande xin huaikushi ta dei qiikude bisan hhei tanine. Nasuchighan kunla, bi tande xin huaikushi ta Ibilisise injiwo.

1Gelindo 6:13

Ijiuni kielide oluzho, kieli ijiunide oluzho giezhoma, Huda ene ghualai widaghane. Beyeshi lon kijiekude giesan pusho, Ezhande oluzhi giesan wo, Ezhan kunni beyede oluzho.

Ifuso 2:2

Hhe shihoude ta ene duyai xigonyi daghazhi asimanyi doghun lilianyi gonjisan hhei daghazhi zui dunda udu daozho. Hhe jiushi kielienyi ulie chenliechen kunlai sudoro wilie giesan ruhher wo.

Yaheiya 16:11

Panjikuni fanmiende kieliekushi ene duyani touzini ijin panjiwo."

2Gelindo 4:4

Ene duyai Ibilisi enezighan xianxin ulie giechen kunlai nudunyi sugho gholughazhi gouxioxii gonni ese chanlaghazho. Ene gouxioxide Mexihai famani kieliezho. Mexihashi Hudai yanzi wo.

Yaheiya 14:30

"Ene duyani touzi ede irewo. Ingiese bi tanre kielien kielieku shihou oloncha widazho. Hhe mini yama gie danema,

1Yaheiya 2:1

Mii kesilaya, bi enei tande huaikushi tai zui ulie fanjighane giezho. Kien zui fanjise Adai melie matande nie banjichen wine. Hheshi nie gundan kun, Ersa Mexiha wo.