1Yaheiya 4:1 - Hudani Kielien

¹ Mii orentula, ta ruhherlani man xianxin giezhi ulie olune. Hhelashi Hudanughun enbenu pusho bikui ta shiizhi uzhekuni wo. Duya jiere ede olon jia xienzhi khizhezho.

1Yaheiya 4:1 Referans Kwoze

1Qiesalonijia 5:21

Yandeliuzhe shiizhi uzhe, gounii barei,

2Beduru 2:1

Eqighandei bexinlai dunda jia xienzhila khizhesan mutun jianlai tai dundaye jia loushila khizhene. Hhela ghulazhi kunni widaghaku daolini ireghane. Hhela goyai shuisan Ezhanni ulie renjizhi widakude holune.

1Qimotai 4:1

Ihou kuse kunla miiku ruhherni, sheitan surughakuni daghazhi xinyanse likai giene giezhi Shenlin mindamin kieliezho.

2Yaheiya 1:7

Duya jiere olon piendachen kun khizhezho. Hhela Ersa Mexiha beye gholuzhi iresei ulie renjine. Hhelashi piendachen kun wo, Mexihani duitou wo.

1Gelindo 14:29

Hudai kielienyi deilazhi kieliekude ghua ghuran kun kielie. Psedu kunla chenliedene pandon gie.

1Yaheiya 2:18

Kewosila, ede duya baraku shihou wo. Mexihani duitou irekui ta chenliezhi daozho. Ede Mexihani duitoula olon khizhewo. Ingiese matan duya baraku shihoui mejiene.

Lujia 12:57

"Ta yale alinie olusei fenji dane?

Lujia 21:8

Hhe kieliezho, "Ta xioxin giezhi kunlai bu piendagha. Olon kunla mii niereghala iredene bishi hhe enbene, ede shihou kuzhewo giese ta bu dagha.

2Qimotai 3:13

Doghun kun, piendachen kun yebeiseye doghunshine. Hhela kunlai piendazho, kunlaye hhelai piendane.

Mejieghasan 2:2

Chi giesan, khishulasan, rennai giesei bi mejiene. Doghun kunlai ulie roulieseiye mejiene. Goyaneshi shitu wo giezhoma, shijishan pushotulai chi kaoyen giedene jianini khizheghazho.

1Gelindo 12:10

Niezhan kunlade nenlitu shiqin gieku, niezhan kunlade Hudai kielienyi kielieku, niezhan kunlade ruhherlani fenjiku, niezhan kunlade psedu kielien kielieku, niezhan kunlade psedu kielienyi fanyi gieku nenli ogizho.

Tujila 20:29

Bi yolase mouxien zhanghei tai dunda orezhezhi ghonilai shanjikui bi mejiene.

Make 13:21

Hhe udude kunla tande uzhe, Mexiha enende wo, uzhe, hhende wo giese ta xianxin bu gie.

Tujila 17:11

Biliyani kunla Qiesalonijia kunlase sixian keifan giezho. Daolini rexinde jienliezhi niudunie xianxide jinwunni chaizhi ene daoli oluzhou ese oluzho giezho.

1Qiesalonijia 5:20

Hudai kielienyi kieliese uzhezhi bu xinie.

2Qiesalonijia 2:2

Ezhanni udu ijin kuzhewo giezhi kunla kieliese ta suibien bu gojioluzhi bu jinda. Hhelade kenen Shenlin mejieghazho, loushila jianjizho, pse shitulai xin wo giezhi maochun giene.

1Yaheiya 2:7

Mii orentula, ede bi tande huaisanshi shini minlin pusho. Eneshi ta dei qiikude jienliesan khuichen minlin wo. Ene khuichen minlinshi ta chenliezhi daosan kielien wo.

3Yaheiya 1:11

Mii orentu, doghunnii bu dagha, gounii dagha. Gouni giesanlashi Hudanughun wo, doghunni giesanla Hudai uzhezhi ese daozho.