1Yaheiya 3:7 - Hudani Kielien

⁷ Kewosila, ta goyane bu piendagha. Gundande giesan kunshi Ersa Mexiha mutun gundan kun wo.

1Yaheiya 3:7 Referans Kwoze

1Yaheiya 2:29

Hhe gundan bikuni ta mejiene. Ingiese gundande giesan kunlashi man Hudase iresan kewosi bikuiye mejiene.

Loma 2:13

Guijinni chenliese Hudai melie gounide ulie sanane, guijinni zunjise gounide sanane.

1Yaheiya 3:3

Kien hhei kouizhi enei panjise goyane Ersa Mexiha mutun ganjinraghane.

1Yaheiya 2:26

Bi ene shiqinlani tande huaise tani piendachen kunlai zhiizhi huaizho.

1Yaheiya 2:1

Mii kesilaya, bi enei tande huaikushi tai zui ulie fanjighane giezho. Kien zui fanjise Adai melie matande nie banjichen wine. Hheshi nie gundan kun, Ersa Mexiha wo.

Tujila 10:35

Alinie gojiai kunlaliuzhe Hudai zunjizhi olusei giese Huda jienliene.

Ifuso 5:9

Gonni jiegoshi yanyanji gouni, gundanni, zhenni wo.

1Beduru 2:24

Hhe qinsi beyeghalane shizijia jiere mai zuini danjidene mai zui dunda udu ulie daoghazhi gounide udu daoghawo. Hhe shan deiladene ta goudawo.

1Gelindo 6:9

Gou witu kunla Hudai gojiai jienlie dakui ta ulie mejienu? Goyane bu pienda, lon kijiechen, nigiedai beiichen, piofen giechen, ere kun biozi danlachen, tunxinlien giechen,

Yagebu 2:19

Huda niekozi wo giezhi chi xianxin giese oluzho. Sheitanlaye hhei xianxin giedene ayizhi pugharazho.

Feilibi 1:11

Ersa Mexihani kouizhi gou wilielai olon giedene kuaiku, zanjikuni Hudade ogi giezho.

Matai 5:20

Bi tande kielieye, tai gouni jinwun hanjia, Falisai kunlase ulie daose jiedui asiman gojiade oro dane."

Yagebu 1:22

Ta goyane piendazhi kielienyi zinie chenliechen bu gholudene zunjichen gholu.

Xibolai 7:2

Iburaheimu eghinduzhi zhanjisan soyujilasene ushireini hhende ogizho. Maijixidei niereni tou 1 gie isishi gundan honshan wo, pse Salen honshan wo, jiushi pinnantu honshan wo.

Xibolai 1:8

kewonne kieliese, "Huda, chii baozoshi chanqi izhiku wo. Chi gundannighala goyane gojiani gonjizho.

Ifuso 5:6

Enezighan shiqin jiere Hudai hokuruku hhezighan kielien ulie chenliechen kunlai jiere irene. Yama oronde witu kielienghala kiema tai bu piendagha.

1Yaheiya 3:18

Kesila, matan orese zi amande bu kieliedene xindun giezhi shixinde gieye.

1Yaheiya 4:17

Oreku mai dunda ingiezhi chengun oluwo. Ersa Mexiha matugiese matanye duyade qingiene. Ingiese matan panjiku udude yamase ayikui uwo.