1Yaheiya 3:2 - Hudani Kielien

² Mii orentula, ede matanshi Hudai kesila wo. Jianlai matan matui gholukuni da ulie mejienema, Ersa Mexiha xienjikude matan hhei zhen yanziini chanlase matan hhe mutun gholukui mejiene.

1Yaheiya 3:2 Referans Kwoze

Feilibi 3:21

Hhe yanyanjii goyadene shunjighasan fugie nenlighala matanyi bixin beyeni goya famatu beyene mutun niekielien gholughane.

Geloxi 3:4

Mexihashi matai amin wo. Hhe xienjikudei ta hhere hhantu fama dunda xienjine.

2Gelindo 3:18

Matan man shoujin ese khaghasan khizhaghala Ezhanni famani uzhezhi, Ezhanyi yanzi mutun bienjizhi yebeiseye fugie famatu gholuzho. Ene Ezhanyi ruhherse irezho.

1Gelindo 13:12

Matan ede belijide uzhesan mutun qinchude ese uzhezhoma, hhe xienzi kuse mienduimien uzhene. Bi ede mejiesanshi ezighan woma, hhe xienzi kuse Ezhan mii man mejiesan mutun bi man mejiene.

Loma 8:29

Huda eqie mejiesan kunlai kewonne yanzi mutun gholughane giezhi pse eqie jinjiwo. Ingiezhi kewonne olon gaijiu dunda fugie kewon danlaghane giezho.

1Gelindo 15:49

Matande turanughunyi yanzi wineku mutun jianlai asimannughunyi yanzi wine.

Mejieghasan 22:4

hhei ungiei chanlane. Hhei niere hhelai manlou jiere wine.

2Beduru 1:4

Enezighanyi tungo giezhi Huda zhiguitu, fugie dainni matande ogizho. Ingiedene nefuxinse iresan duyani qida olukuse tai likai gieghazhi Hudai tejiende hhantulaghazho.

1Gelindo 2:9

Jinwun jiere jilasan mutun, "Hudade oresan kunlade Huda zhunbei giesanshi nudunghala uzhezhi ese daosan wo, chighinghala chenliezhi ese daosan wo, kunni zhugheye sumulazhi ese daosan wo."

1Yaheiya 3:1

Ta uzhe, Ada matande matugiezhi orezho. Huda matanyi goyane kewosi wo giezhi uruzho. Matanshi hhei kesila enbene. Duyani kunla matanyi tani dakushi Hudai tani dazho.

Jialatai 4:6

Tashi kewosi wo, Huda Kewonne ruhherni peizhi mai zhughede teise matan Hudai Aba! Ada giezhi urune.

Loma 8:18

Bi uzhese edeku shouku gieku jianlai matande ireku famaghala bilazhi ulie olune.

Jialatai 3:26

Ta man Mexiha Ersai xianxin giekughala Hudai kewosi gholuwo.

Yaheiya 17:24

Ada, chi made ogisan hhela bi khalashi khala bizhi mii famani hhelade uzhegha. Ene mienzishi duyai zhayaghaku melie chi made orezhi ogisan wo."

Matai 5:8

Zhughe ganjintu kunlade fuqi wine, hhela Hudai chujieghene.

1Yaheiya 2:28

Ingiese mii kesila, ta Ersa Mexihai sudoro bei. Ingiese Ersa Mexiha xienjikude matan hhei melie yamase ayizhi shizhekui uwo.

Xibolai 9:28

Mexihaye olon kunlai zuini danjine giezhi goyane niefade sidagha giewo. Jianlai ji 2 hui xienjizhi khizhezhi zuini danjikughala gonxi widene hhei hende sagheisan kunlai jiuine.

2Gelindo 4:17

Bijienyi zhanshi jieredu gongien kunnan jianlai ireku hashu witu chanqiku fugie famani chenjighane.

1Yaheiya 5:1

Kien Ersashi Mexiha wo giezhi xianxin giese hheshi Hudase iresan kewosi wo. Adade oresan kun hhei kewosideye orene.

Lujia 17:30

"Kunnikewon xienjiku ududeye ingiene.

Lujia 20:36

Hhela pse ulie duya ijiene, qienxien niekielien wo. Hhelashi fuho giechen wo, Hudai kesila wo.

Yaheiya 1:12

jien hhei jienliezhi niereini xianxin giesan kunlade Hudai kewosi danlaku qienli ogiwo.

Yaheiya 11:52

Zinie Yutai kunlade pusho, gochude sousan Hudai kesilai hhantulaghazhi nie gholughane giezhi fugukui kieliezho.

Loma 8:16

Shenlin qinsi matanyi ruhherre hhantu matanshi Hudai kewosi wo giezhi ganzhen beizho.

Loma 8:19

Zhayaghasanla jirezhi Hudai kesila xienjizhi khizhekuni panjizho.

1Yaheiya 2:7

Mii orentula, ede bi tande huaisanshi shini minlin pusho. Eneshi ta dei qiikude jienliesan khuichen minlin wo. Ene khuichen minlinshi ta chenliezhi daosan kielien wo.

1Yaheiya 3:10

Kienshi Hudai kesila, Ibilisii kesila bikui ingiezhi mejiene. Gundande ulie giezhi gaijiuladene ulie orese Hudanughun pusho.

1Yaheiya 3:21

Mii orentula, mai zhughede gui ulie giese Hudai melie yama ayikui uwo,

Mejieghasan 2:28

Eneshi bi adasene linlasan qienlighala niekielien wo. Bi pse eqiemaghaku hodunni hhende ogine.