1Yaheiya 2:16 - Hudani Kielien

¹⁶ Duya jieredulashi man beyeni nefuxin, nudunni nefuxin, baerni kuaiku wo. Enelashi Adase iresan pusho, duyase irezho.

1Yaheiya 2:16 Referans Kwoze

Loma 13:14

Khareidene Ezhan Ersa Mexihai musi. Zui gieku durande jihui bu ogizhi nefuxinni bu dagha.

Jialatai 5:17

Beyeni nefuxin Shenlinghala zodui giezho, Shenlinye beyeghala zodui giezho. Ene ghuala nieniene zodui giezhi ta duralasan shiqinni ulie gieghane.

Ifuso 2:3

Eqighandei matan man hhela mutun mai beyei nefuxinyi daghazhi udu daozho. Zui gieku duran, sumuladanni daghazhi giezho. Matan kunlare niekielien wo, olu bouzheghase Huda faichen kun wo.

Yagebu 3:15

Ene aghelishi asiman jierese iresan pusho. Duya, nefuxin, sheitanse iresan wo.

1Beduru 2:11

Mii orentula, tashi duyade zhanshi jiere sousan niman kun wo. Bi tande goude fenfulaye, ruhherghala eghinduku beyeni nefuxinni bu gie.

2Beduru 2:10

Tebieshi beyeni zannan nefuxinni daghasan kunla, pse qienlini yamacha ulie teisan kunlai genjia ingiene. Hhela jionaoghazhi goyane fugiede uzhezhi asiman jieredu famatulase ulie ayidene sugienema,

Qido 2:12

Ene nenjien mai donlien giezhi xienlian witu zhugheni, duyani nefuxinni widaghazhi ene duyade xioxinde, gundande, xienliande udu daoghazho.

2Beduru 2:18

Hhela yama oronde wiku fugie kielien kieliezhi hu gieku nefuxinghala hhezighan codasan shenhose jian likai giesan kunlai miizho.

1Beduru 1:14

Ta shunjiku kewosi danlazhi eqighanku mutun yama mejie dazhi nefuxin giekulai bu dagha.

Qido 3:3

Yenlai matanye men wo, kielien ulie chenliene, miizho, yanyanji nefuxin, xianshou giekude hoji danlawo. Mouxien, dubilieku dunda udu daozho, chou bareizhi nieniene henjizho.

Matai 5:28

bi tande kielieye, biereini uzhezhi hu sumulase ijin zhughedeni piofen giewo.

Lujia 4:5

Ibilisi hhei uduruzhi khireidene nie shanjien giekude duyani soyuji gojialani man uzheghawo.

Jialatai 5:24

Mexiha Ersani kunla beyeji nefuxin gieku duranne hhantu shizijia jiere ghadawo.

Matai 4:8

Ibilisi pse hhei uduruzhi tebie undu ula jiere khireidene duyani soyuji gojia, pse gojialani henni man uzheghazhi

1Gelindo 10:6

Fashen giesan ene shiqinla matande jingao giezhi hhela mutun doghun shiqinni bu neii giezho.

Yagebu 4:16

Ingieliuzhe ta goyane undude uzhezhi kuaine. Qingiezhi kuaikushi man doghunni wo.