1Yaheiya 1:8 - Hudani Kielien

⁸ Matande zui uwo giezhi kieliese goyane piendazho, mai sudoro zhendao uwo.

1Yaheiya 1:8 Referans Kwoze

Loma 3:23

Jien kunla zui fanjidene Hudai famade dai dazhoma,

Yagebu 3:2

Matan dajiala go fanmiende cowu fanjine. Nie kun kielien jiere yama cowu ulie fanjise hheshi hulun kun wo. Goya hunshenne man kunzhi gie shidane.

1Yaheiya 2:4

Kien "Hhei tanine." giezhi kieliedene hhei minlinyi ulie zunjise ghudan kieliezho, zhendao hhei sudoro uwo.

1Yaheiya 1:10

Matan zui uye fanjizho giezhi kieliese Hudai ghudanchi danlaghazho. Hhei kielien mai sudoro uwo.

Jialatai 6:3

Kun yama pushodene goyane hen wo giese goyane piendazho.

Yagebu 1:26

Kun goyane xienlian wo giedene kielienne gonji dase goyane goya piendazho. Ene kunni xienlian yama oronde uwo.

1Qimotai 6:5

Hhelai zhughe fuzhi sudoroni zhendao uwo, izhi ulie beidene onghonodune. Hhela jiomunni baer zhenjiku banfa danlaghazho.

1Gelindo 3:18

Kienliuzhe goyane bu pienda. Tai dunda kun goyane ene duyade agheli wine giezhi sumulase benni gholu. Ingiese aghelitu gholune.

2Yaheiya 1:2

Tande orekushi zhendaoni yenyin wo. Ene zhendao mai sudoro wine, chanqi matanre hhantu wo.

1Yaheiya 1:6

Matan Hudaghala laiwon giezho giezhi kieliedene kharanide yose ghudan kieliezho, zhendaoi ese zunjizho.

Yagebu 1:22

Ta goyane piendazhi kielienyi zinie chenliechen bu gholudene zunjichen gholu.

2Qimotai 3:13

Doghun kun, piendachen kun yebeiseye doghunshine. Hhela kunlai piendazho, kunlaye hhelai piendane.

3Yaheiya 1:3

Gaijiula kharei iredene chii zhughede zhendao wine, pse chi zhao zhendao mutun giezho giezhi zhenmin giese bi hende bayasuzho.

2Beduru 2:13

Hhela gou wini giedene goyai jiere gou wini ireghazho. Hhela udu hu giese bayasukui wo giezho. Tanre hhantu ijiekude piendakui giezhi bayasuzho. Hhelashi goujia, cheiqisan wo.

Yaheiya 8:44

Tashi tai ada Ibilisise iresan wo. Adatai yan duralase ta yan giene. Hheshi dei qiisanse kun alachen wo. Ibeizi zhennide ulie beine. Zhughedeni zhenni uwo. Hheshi ghudanchi wo, ghudanchini touzi wo. Ingiese hhe ghudan kieliese hhei xinbin wo.

Loma 3:10

Jinwun jiere jilasan mutun, "Gou kun uwo, nieliuzhe uwo.

1Yaheiya 4:20

Kien, "Hudade orene." giezhi kieliedene gaijiulane henjise ghudan kieliezho. Chanla shidaku gaijiuladene ore dase chanla daku Hudade ore dane.