1Yaheiya 1:7 - Hudani Kielien

⁷ Hhe goyane gon dunda biku mutun matanye gon dunda yose matan nienierene laiwon giezho. Pse hhei kewon Ersani chusun mai zuini man waghazhi arughane.

1Yaheiya 1:7 Referans Kwoze

Ifuso 5:8

Ta eqighandeishi kharani woma, edeshi Ezhanyi miende gon wo. Ta yan giese gonni kewosi mutun gie.

Loma 13:12

Xieni daozhi ogheine giezho. Ingiese matan kharanide giesan shiqinlai jiedene gieghantu baohu gieku majiani musiye.

Ifuso 1:7

Mexihai miende fugie nenjienghalane Kewonne chusunyi jiageghala matai shuizhi codasanni mienliewo.

Xibolai 9:14

Mexiha chanqiku Ruhherni tungo giezhi goyane goujida zannan wizhi Hudade ogise hhei chusun fugughaku shiqinse tai lianxinni zhiguishighazhi tai chanqiku Hudai genjia ulie shunjighanu?

Mejieghasan 7:14

Bi hhende kieliewo, "Mii gujiu, chi mejiene." Hhe made kieliewo, "Enezighan kunla zeinan dundase khizhezhi ghoni ghughanyi chusun hhelai jienni waghazhi chighanshighazho."

1Yaheiya 1:5

Hudashi gon wo. Hheni sudoro kharani goujida uwo. Eneshi bijien Ezhanse chenliedene tande chonjizhi ogisan xioxi wo.

1Gelindo 6:11

Tai dunda niezhan kunla eqighandei intui giezhi daozhoma, ede Ezhan Ersa Mexihani niere, pse mai Hudai ruhherni tungo giezhi tai ijin waghazho, zhiguishighazho, gounide sanazho.

1Beduru 1:19

Mexihani zhiguitu chusunghala wo. Hoxian goujida uye chaizhi ese cheiqisan ghoni ghughanyi chusunyi xianli.

Yaheiya 12:35

Ersa kieliewo, "Gon tai dunda oloncha widazho. Gon bikude ta gon dunda yodu. Pse kharani kuzhese tai khane. Kharanide yochen kun khala echikune ulie mejiene.

1Yaheiya 5:6

Hheshijiu usu, chusunghala iresan Ersa Mexiha wo. Zinie usughala iresan pusho. Usu, chusunghala irewo. Enende Shenlin ganzhen beine. Shenlinshi zhendao wo.

1Yaheiya 1:3

Bijien chanlasan, chenliesanne tande kieliekushi tai bijienre laiwon gieghane giezho. Matanyi laiwonshi Ada, hhei kewon Ersa Mexihare laiwon giekuni wo.

Mejieghasan 12:11

Gaijiula lunni injikushi ghoni ghughanyi chusun, pse goyalane ganzhen beisan daolighala wo. Hhela amindene ulie orezhi fugukude kuzho.

1Qimotai 6:16

Zinie hhe ibeizi ulie fugune, kun shigha daku gon dunda souzho. Kiema hhei chujieghezhi ese daozho, ye chujieghe dane. Zunzhun gieku, pse chanqiku qienlini hhende ogi. Amine!

1Yaheiya 5:8

Shenlin, chusun, usu wo. Ene ghurulie niekielien ganzhen beine.

Yagebu 1:17

Yanyanji gouni, onqienni nenjienlashi man jierese iresan wo. Gonqini Adai hhense irezho. Hhe goujida ulie bienjine, izhi niekielien wo.

Yaheiya 1:29

Khuichuduni Ersa hhelai hhende iresei Yaheiya chanladene kieliewo, "Uzhe, duyai kunlai zuini widaghaku Hudai ghoni ghughan wo!

3Yaheiya 1:4

Bi chenliese kesilami zhao zhendao mutun giezho giese enense bayasukui uwo.

2Yaheiya 1:4

Bi uzhese chii niezhan kesila Adani minlinyi zunjizhi zhendaode yozho. Ingiese bi hende bayasuzho.

Matai 6:12

Bijiende codasan kunlai bijien rouliesan mutun bijien codasei roulie.

Qido 2:14

Hhe matande oluzhi goyane duya ijiekushi soyuji uhunnise mai shuizhi ganjinraghadene goyadene bexin danlaghazhi rexinde gouni gieghane giezho.