1Beduru 4:6 - Hudani Kielien

⁶ Ene yenyin jiere fugusan kunladeye gouxioxini chonjikushi beye miende hhelai kun mutun panjine giezhoma, ruhher miende Huda mutun amituraghane giezho.

1Beduru 4:6 Referans Kwoze

Loma 8:2

Amin ogiku Shenlinni guijin Mexiha Ersai tungo giezhi zuiji fuguku guijinse chii andaghawo.

1Beduru 3:19

Hhe echidene ruhherghalane bafanzide khasan ruhherlade daoli chonjizho.

Jialatai 5:25

Matan Shenlinni kouizhi udu daose Shenlinni kouizhi giekuni wo.

Matai 24:9

"Hhe shihoude kunla tai barei echidene heizhi alane. Mii yenyinghala go minzula tai henjine.

Jialatai 2:19

Bi guijinni tungo giezhi guijinse fugudene Hudade amiturawo.

Mejieghasan 14:18

Pse nie qienxien sidagha gieku teizise khizhezhi nenli bizhi khanni gonjizho. Xidu liendao bareisande fugie shenqighala waradazhi kieliezho, "Putou bolu momoreizho. Xidu liendaoghalane ghaduliezhi zemin jieredu putoui ghura."

1Beduru 1:12

Hhela ene wiliei giese goyadene ese giezho, tande oluzhi giesei Huda hhelade mejieghazho. Ene gouxioxishi chonjichen kunla asiman jierese peizhi ireghasan Shenlinyi nenlighala ede tande chonjizhi ogiwo. Ene shiqinlai qienxienlaye hende uzheku duran wo.

1Beduru 3:18

Mexihaye zuini yenyinzhe 1 huide duya ijiewo. Ingiezhi gou kun gou witu kunyi deilawo. Ingiekushi Hudai melie tai echighane giezho. Beyeghala kieliese hhe duya ijiewo, ruhherghala kieliese aminne oluwo.