1Beduru 4:11 - Hudani Kielien

¹¹ Jianjichenla indan Hudai kielienyi jianjikuni wo. Ushilachenla indan Huda ogisan lilianghala ushilakuni wo. Ingiese yan gieliuzhe Ersa Mexihai tungo giezhi Hudade kuaikui ireghane. Kuaiku, qienlini chanqi izhi hhende ogi. Amine.

1Beduru 4:11 Referans Kwoze

1Gelindo 10:31

Ingiese ta ijie, ochi yan gieliuzhe Hudai kuaine giezhi gie.

Ifuso 6:10

Zuihoude kielieye, ta Ezhanyi miende hhei fugie liliande kouizhi khiduzhe.

1Beduru 4:10

Ta zhao Huda tande ogisan nenjien mutun nieniene ushilazhi Huda ogisan yanyanji nenjienni gou gonjia danla.

Tujila 7:38

Ene Musa hontandedu Isilie kunlare hhantu wo. Mai xienrenghala hhantu Xinaishan jiere hhende kielien kieliesan qienxienyi tungo giezhi amin ogiku kielienyi jienliedene matande chonjizhi ogiwo."

Ifuso 4:29

Zannan kielienni nie amanda bu khizheghazhi heshide kunlade banjiku kielien kielie. Ingiese chenliesan kunde haochu wine.

Loma 3:2

Go fanmiende wine. Xien Hudai kielienyi hhelade ogiwo.

Yagebu 1:19

Bi oresan gaijiula, enei mejie, kienliuzhe chenliekude ghujighan, kieliekude lalaghan, hokukude lalaghan.

Geloxi 4:6

Ta kielien kieliese dansunghala andatughaku mutun chan renyide kielie. Ingiese jien kunde matugie huida giekui mejiene.

1Gelindo 12:4

Ogisan nenlila buxian woma, manshi nie Shenlin ogisan wo.

1Beduru 2:5

Taye amitu tashi mutun nienieji luizhi ruhhertu gie gholu. Ingie zhiguitu buwa danladene Ersa Mexihai tungo giezhi Huda bayasuku mutun jiomuntu mure ogi.

Yuda 1:25

Mai jiuichen niekozi Hudade mai Ezhan Ersa Mexihai tungo giezhi kuaiku, wifen, nenli, qienli zui melieshida, ede, pse chanqi izhi wine gie! Amine.

Xibolai 5:12

Imegheichade ta loushi danlakui woma, dou Hudai daolini jichui kunla tande sughaku biyo wine. Ta zinie neizi ijiene, khidunni ijie dazho.

1Qimotai 6:16

Zinie hhe ibeizi ulie fugune, kun shigha daku gon dunda souzho. Kiema hhei chujieghezhi ese daozho, ye chujieghe dane. Zunzhun gieku, pse chanqiku qienlini hhende ogi. Amine!

1Qimotai 1:17

Hhe chanqiku Honshan, ulie fuguku, chanla daku, zi niekozi Hudade zhigui, kuaikui chanqi izhi ogi. Amine!

1Gelindo 3:10

Zhao Huda made ogisan nenjienghala bi nie hen guntou mutun jichui daizho, psedu kun jiereni gie giezhoma, jien kun matugie giekui xioxin gie.

Matai 6:13

Bijienyi shiikude bu echighazhi Ibilisii khase khizhegha. Gojia, qienli, famashi chanqi chinughun wo. Amine!'

1Beduru 5:11

Qienlini chanqi izhi hhende ogi. Amine!

Yagebu 1:26

Kun goyane xienlian wo giedene kielienne gonji dase goyane goya piendazho. Ene kunni xienlian yama oronde uwo.

Feilibi 2:11

Jien kunlai amanla Ersa Mexihashi Ezhan wo giezhi chenren giedene Huda Adade kuaikui ireghawo.

Ifuso 5:20

Yan shiqindeliuzhe mai Ezhan Ersa Mexihani niereghala chan ada Hudade mafan kielie.

1Gelindo 6:20

fugie jiageghala agizhi iresan wo. Ingiese ta beyeghalane Hudai kuai.

Loma 11:36

Soyujila man hhense khizhezhi hhende kouizhi hhende oluzho. Kuaikui chanqi hhende ogi! Amine!

Feilibi 1:11

Ersa Mexihani kouizhi gou wilielai olon giedene kuaiku, zanjikuni Hudade ogi giezho.

2Gelindo 9:13

Ta Mexihai gouxioxii chenren giezhi shunjizhi hhelade, pse olon kunlade dafande ogiku wiliei hhela kaoyen giedene Hudai kuaizho.

Loma 16:27

Ersa Mexihai tungo giezhi zi niekozi aghelitu Hudade chanqi kuaikui ogi. Amine!

Yaheiya 13:31

Yuda khizhi echisenu Ersa kieliewo, "Ede Kunnikewonni kuaiku kuzhewo. Kunnikewonni tungo giezhi Hudaiye kuaiwo.

Loma 12:3

Bi made ogisan nenjienghala ta jien kunlade kielieye, goyane texien undude bu uzhe. Goude sumulazhi Huda tande ghughazhi ogisan xianxin gieku fenlianghala goyane heshide uzhe.

2Gelindo 2:17

Bijien olon kunla mutun Hudai daolii baer huiku dunxi ese danlaghazho. Bijien jianjise Huda peisan mutun Hudai melie Mexihai kouizhi shixinji giezho.

Ifuso 1:19

pse Huda fugie lilianghalane matan xianxin giesan kunlade xienjighasan hhei nenli matu fugie bikui mejie giezhi onxian giezho. Ene nenlishi

1Qiesalonijia 2:4

Khareidene bijien kieliekude Huda bijienyi chenren giezhi gouxioxini deilaghasan kun wo giezhi kunlai bayasughane ese giezho. Mai zhughei uzhesan Hudai bayasughane giezho.

Qido 2:1

Chii kieliese chi olusan daolide heshini jianji.

Qido 2:15

Enelai chi kunlade sugha. Qienline bareidene kunlade sughazhi kheilazhi kielie. Kunlai goyane gajide bu uzhegha.

Xibolai 13:7

Tande Hudai kielienyi jianjizhi tai udurusanlai jila. Hhela zuihou kurutula giesanlaini goude uzhezhi xianxin gieseini daghazhi gie.

1Beduru 2:12

Ta niman kunlai dunda goude gie. Ingiese ta doghunni giezho giezhi sugiesan kunla ta goude giesei uzhedene Huda panjiku udude hhei kuaine.

1Beduru 4:16

Mexihani tuji danlazhi shouku giese bu shizhedene ene nierei yenyinzhe Hudai kuai.