1Beduru 2:24 - Hudani Kielien

²⁴ Hhe qinsi beyeghalane shizijia jiere mai zuini danjidene mai zui dunda udu ulie daoghazhi gounide udu daoghawo. Hhe shan deiladene ta goudawo.

1Beduru 2:24 Referans Kwoze

Matai 8:17

Ingiekushi Ezhan Isaiya xienzhii tungo giezhi kieliesan kielien mutun gholughane giezho, "Hhe matanyi bixinni deilawo. Matanyi gienlai danjiwo."

Loma 6:11

Taye zui miende goyane fugusan sanazhi Mexiha Ersai tungo giezhi Hudai miende amitu sana.

Mejieghasan 22:2

chenshini geidou dundase daozho. Moron lianmiende aminni mutun wine. 12 yan alima soune, nie sara 1 hui soune. Mutun lachen gojialai goudaghane.

1Yaheiya 2:29

Hhe gundan bikuni ta mejiene. Ingiese gundande giesan kunlashi man Hudase iresan kewosi bikuiye mejiene.

Yagebu 5:16

Ingiese ta nieniene zuini renjizhi nieniedene oluzhi onxian giema, tai gien goudane. Gou kun onxian giese zoin fugiede wine.

Xibolai 9:28

Mexihaye olon kunlai zuini danjine giezhi goyane niefade sidagha giewo. Jianlai ji 2 hui xienjizhi khizhezhi zuini danjikughala gonxi widene hhei hende sagheisan kunlai jiuine.

Jialatai 3:13

Jien mutun jiere gualasanlai kharane giezhi jinwun jiere jilasan mutun Mexiha matande oluzhi kharakui shouizhi guijinni kharakuse matai shuiwo.

Loma 6:2

Kenjin ulie olune! Matan zui miende fugudene matugie zui dunda udu daone?

Geloxi 3:3

Ta ijin fuguzhi tai amin Mexihare hhantu Hudai sudoro niuizho.

Loma 6:13

Ta beye jieredu yama iyanzii zuide ogizhi gou winide jiaji bu danlagha. Khareidene fugusan kun dundase aminne olusan kun wo giezhi goyane Hudade ogi. Beye jieredulane man Hudade ogizhi gou jiaji danlagha.

Yaheiya 1:29

Khuichuduni Ersa hhelai hhende iresei Yaheiya chanladene kieliewo, "Uzhe, duyai kunlai zuini widaghaku Hudai ghoni ghughan wo!

Loma 7:6

Ede matanyi banlasan guijinse matan fuguzhi andawo. Ingiese matan Ezhanni shunjise uroughala giesan guijinni khuichen banfaghala ulie giene, Shenlinni shini banfaghala giene.

1Yaheiya 3:7

Kewosila, ta goyane bu piendagha. Gundande giesan kunshi Ersa Mexiha mutun gundan kun wo.

Loma 6:7

Fugusan kun zuise andazho.

Loma 6:16

Ta goyane kiende ogizhi kienyi shunjise kiende hoji danlakui ta ulie mejienu? Zuini hoji danlase fugune, Hudai shunjichen hoji danlase gouni gholune.

2Gelindo 6:17

Ezhan kieliezho, "Ingiese ta hhelai dundase khizhezhi hhelase danxinra. Zannan dunxilai bu shighama, bi tai jienliene.

Tujila 5:30

Mai xienrenni Huda ta mutun jiere guaidene alasan Ersai aminne olughawo.

Lujia 4:18

"Ezhanni Ruhher mini jiere wine. Mii sunghuzhi jiahui kunlade gouxioxini chonjighawo. Hhe mini peizhi kunlade man kielieghawo. Bareisan kunlai andaghane. Nudun sugho olusan kunlai goudaghane. Qifulasan kunlai pse ulie qifulaghane. Huda jiuiku shihou kuzhewo."

Matai 5:20

Bi tande kielieye, tai gouni jinwun hanjia, Falisai kunlase ulie daose jiedui asiman gojiade oro dane."

Xibolai 12:13

Kondene oluzhi moni giezhi zhidagha, ingiese dogholosan shighara ulie banjizhi goudane.

Tujila 13:29

Ingiezhi jinwun jiere hhei zhiizhi kieliesanla man gholuwo. Ingiedene hhei mutun jierese agi bouzhe mezade teiwo.

Tujila 10:35

Alinie gojiai kunlaliuzhe Hudai zunjizhi olusei giese Huda jienliene.

Xibolai 7:26

Intu zhiguitu, doghunnii wiku, zannannii wiku, zuirense ghugha keisan, asimanlase undudasan zui fugie buwa matande jian heshi wo.

Geloxi 2:20

Ta Mexihare hhantu fuguzhi duyai langan daolise andazhoma, yale dou duyanughunyi daghazhi giesan mutun bu barei, bu ijie, bu shigha giesan guijinlai shunjine?

Loma 6:22

Ede tai zuise andaghazhi Hudai hoji danlaghawo. Tai haochushi zhigui wo. Jiegoshi chanqiku amin wo.

Tujila 10:39

Bijien hhe kun Yutai kunni oronde, Yelusalende giesan shiqinlade ganzhen beine. Kunla hhei mutun jiere guaidene alawo.

Matai 27:26

Ingiese Bilado Balabai andaghawo. Ersai mabienzighala eghidene kunlade jiuizhi shizijia jiere ghada giezho.

Ifuso 5:9

Gonni jiegoshi yanyanji gouni, gundanni, zhenni wo.

Yaheiya 19:1

Ingiedene Bilado mabienzighala Ersai eghighawo.

Feilibi 1:11

Ersa Mexihani kouizhi gou wilielai olon giedene kuaiku, zanjikuni Hudade ogi giezho.

Make 15:15

Ingiese Bilado bexinlai bayasughazhi Balabai andaghawo. Ersai mabienzighala eghidene kunlade jiuizhi shizijia jiere ghada giezho.

1Gelindo 15:3

Bi eqighandei jienliesan zui zhunyo daolini tande chonjizhi ogiwo. Jiushi jinwun jiere kieliesan mutun Mexiha mai zuide oluzhi duya ijiewo,

Geloxi 2:14

Guijin jiere mai zhazhi kunzhi giezhi jilasanlai moizhi widaghawo. Shizijia jiere ghadazhi widaghawo.

Xibolai 10:5

Ingiese Mexiha duyade irekude Hudade kieliezho, "Sidagha gieku dunxi, murelai chi ese keredene mii beyeni mure danlaghane giezhi zhunbei giewo.

Xibolai 10:10

Ene isi mutun Ersa Mexiha beyene 1 huide sidagha giezhi matanyi zhiguishighawo.