1Beduru 1:12 - Hudani Kielien

¹² Hhela ene wiliei giese goyadene ese giezho, tande oluzhi giesei Huda hhelade mejieghazho. Ene gouxioxishi chonjichen kunla asiman jierese peizhi ireghasan Shenlinyi nenlighala ede tande chonjizhi ogiwo. Ene shiqinlai qienxienlaye hende uzheku duran wo.

1Beduru 1:12 Referans Kwoze

Yaheiya 15:26

"Bi Adane hhense banjichenyi peizhi ireghane. Hheshi Adai hhense iresan zhendaoni ruhher wo. Hhe irese made ganzhen beine.

Ifuso 3:10

Ingiekushi ede jiohuii tungo giezhi asiman jiere gonjisan, qienli bareisanlade Hudai yanyanji aghelilai mejieghane giezho.

1Gelindo 2:10

Ingiezhoma, matande Huda Shenlinni tungo giezhi mejieghawo. Shenlin yanniliuzhe mejiene, lien Hudai chijia isiniye mejiene.

Xibolai 4:2

Hhelade gouxioxii chonjiku mutun matandeye chonjizhoma, hhela daolini chenliekude xianxin giekughala ese jienliezho. Ingiese chenliesan hhelade yama oronde uwo.

Make 16:15

Pse hhelade kieliewo, "Ta qienxiade man echizhi gouxioxii soyuji zhayaghasanlade chonji.

1Beduru 1:25

Zinie Hudai kielien chanqi wine." Ene kielienshi tande chonjisan gouxioxi wo.

Mejieghasan 5:11

Bi chanlazhi sonosuse baozo, amitu ojien, zhanlaolai zhouwide olon qienxienlai shenqi wine, hhela olonde shuzi uwo.

2Gelindo 6:6

bijien ganjinde giezhi erlin, rennai gieku, renyi, Shenlin, zhenzhenji oreku,

2Gelindo 1:22

Hhe matai jiere zhanzi taizhi Shenlinni mai zhughede ogizhi yajin daruwo.

Loma 15:19

Ghudureqi, fugie shiqinyi nenlighala, pse Hudai Ruhheryi nenlighala giesan wo. Bi Mexihai gouxioxii Yelusalense izhi Ililigude man chonji kurughawo.

Tujila 2:33

Huda hhei undudaghazhi borun miendene soughawo. Ada dain giesan Shenlinni hhe jienliedene kie bouzheghawo. Eneshi ta chujieghezhi sonosusan wo.

Xibolai 2:4

Hudaye ghudureqi, fugie shiqin, yanyanji nenlitu shiqinghala, pse duranghalane kunlade ghughazhi ogisan Shenlinni nenjienghala hhantu ganzhen beiwo.

Jialatai 1:16

niman kunlade Ersai chonjighane giezhi kewonne made bayasuzhi uzheghazho. Ingiekude bi kunlare shanlian ese gie,

Jialatai 1:12

Hheshi bi kunlase jienliesan pusho, kunla sughasanye pusho, Ersa Mexiha mejieghasan wo.

Loma 10:15

Kiemei ese peise matugie chonjine? Jinwun jiere jilasan mutun, "Gouxioxii chonjisan kunlai koronlon zhengiejia seighan wo!"

Loma 1:17

Gouxioxi jiere Hudai gundanni khizhezho. Ene gundanni kaishi giezhi baratula xianxin giekughala giene. Jinwun jiere kieliesan mutun, "Gou kun xianxin giekughala amiturane."

Lujia 15:10

Bi tande kielieye, nie zuiren geizhen giese Hudai qienxienla hhende oluzhi ingiezhi bayasune."

Matai 11:25

Hhe xienzide Ersa kieliewo, "Asiman zeminni Ezhan, Ada, chii mafan gieghawo. Chi ene shiqinlani agheli, erlintu kunlade niuighazhi ga kewosi mutun kunlade mejieghawo.

1Qiesalonijia 2:9

Gaijiula, bijien khishulazhi shouku giesei ta mejiene. Bijien tande Hudai gouxioxini chonjikude ta kiemade achan ulie ogine giezhi xieni udu wilie giezho.

Lujia 9:6

Ingie tujila go chenshi, aghinlade echizhi Hudai kielienyi chonjizhi gien goudaghazho.

Lujia 2:26

Duya ijieku melieshida kenjin Ezhan kieliesan Mexihani uzhene giezhi Shenlin mejieghawo.

Matai 16:17

Ersa hhende kieliewo, "Ximun-Bayena, chade fuqi wine! Enei chade mejieghasanshi kun pusho, asiman jieredu adami wo.

Matai 11:27

Yanniliuzhe Adami made ogiwo. Adase chugo kiema kewonni mejie dane. Kewon, pse kewon yenyi mejieghasan kunse chugo kiema Adai mejie dane.

Xibolai 11:13

Enezighan kunlade man xianxin gieku bizhi fuguwoma, dain giesei jienlie dazho. Gholose dain giesei chanladene bayasuzhi jienliene giezho. Pse goyalane duya jieredu toreichen, zhanshi sousan kun wo giezhi chenren giezho.

Loma 1:15

Ingiese bi ta Lomade sousanladeye gouxioxini chonjine giezhi hende duralazho.

Tujila 16:10

Baolo zhoujin mutun chanlase bijien deigo Maqidunde echine giezho. Bijien jiejin giese Huda bijienyi uruzhi hhe oronni kunlade gouxioxini chonjighane giezho.

Tujila 10:44

Beduru kielien kieliekude daoli chenliesan jien kunlai jiere Shenlin bouzhewo.

Tujila 8:25

Beduru Yaheiyaghala Ezhanyi kielienni kieliezhi ganzhen beidene Yelusalende khareiwo. Idou mo jiere Samaliyani go aghinlade gouxioxii chonjizho.

Tujila 4:31

Hhela onxian gie baluse hhantulasan oron gojiolu qii, hhelade man Shenlin duruzhi danzine fugiedagha, Hudai kielienni kielie qiiwo.

Tujila 4:8

Qingiekude Bedurude Shenlin duruzhi hhelade kieliewo, "Bexinlai noyen, zhanlaolaya,

1Qimotai 3:16

Matanyi xinyanni mimi chijia wo. Enende yama kieliekuni uwo. Hhe kunni beyeghala khizhewo. Shenlin ganzhen beizhi hheshi gundanni wo giezho. Qienxienla hhei chanlawo. Hhei olon minzulade chonjidene Duyani kunla xianxin giewo. Famani dunda jienlie khireiwo.

1Beduru 4:6

Ene yenyin jiere fugusan kunladeye gouxioxini chonjikushi beye miende hhelai kun mutun panjine giezhoma, ruhher miende Huda mutun amituraghane giezho.