Titus lạgitʼ Pạul Apostolakʼ ciṭhi 3:7 - সান্তালী বাইবেল

⁷ Jemon jaejug jion reakʼ aste Isorakʼ sanamakʼren ạidạriko bon hoyokʼ. Noa do eken Isorakʼ dayate dhorom mentebon lekha ocoakana.

Santali Common Language New Testament

⁷ Jemon jaejug jion reakʼ aste Isorakʼ sanamakʼren ạidạriko bon hoyokʼ. Noa do eken Isorakʼ dayate dhorom mentebon lekha ocoakana.

Titus lạgitʼ Pạul Apostolakʼ ciṭhi 3:7 Referans Kwoze

Romiko lạgitʼ Pạul Apostolakʼ ciṭhi 8:17

Ar gidrạko bon hoyakan khan, enḍekhan Isor acʼren gidrạko okaṭakʼ emokʼ reakʼe gokʼatʼko tahẽkan abo hõ ona bon ńama. Mạsige Isor ṭhen khon onae ńama ar abo hõ uni sãote ona bon ńama, ente Mạsi sãote bon harket sasetlen khan abo hõ uni sãote ṭhonokren bhạgiyạdar bon hoyokʼ.

Romiko lạgitʼ Pạul Apostolakʼ ciṭhi 3:24

Menkhan Jisu Mạsi do manwako kại khon chaḍaoko reakʼe bondobos akada ar ona chaḍaokʼ hotete pạtiạukʼko do daya dan lekate dhorom menteye ataṅetʼkoa.

Titus lạgitʼ Pạul Apostolakʼ ciṭhi 2:11

Isorakʼ oka daya hotete kại khon bańcao ńamokʼ ona do sanam manwako ṭhenge sodor akana.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Galathiko lạgitʼ Pạul Apostolakʼ ciṭhi 2:16

Menkhan enhõ noa bon baḍaegea, Isor do manwa ạn-ạrikoe manaoetʼ iạte dhorom mente bae aṅgocea, bickom Jisu Mạsire pạtiạukʼ hotetegeye aṅgocea. Onate abo hõ Mạsire bon pạtiạu akana, jemon ạn-ạriko manao iạte do baṅ bickom Jisu Mạsire pạtiạukʼ iạte dhorom mente bon aṅgocokʼ; ente ạn-ạri manao iạte okoe hõ dhorom mente ohoko aṅgoclena.

Romiko lạgitʼ Pạul Apostolakʼ ciṭhi 11:6

Isor do dayategeye bachao dohoakatʼko khan, enḍekhan ona do jãhãn kạmi reakʼ jo do baṅkana. Ar onkage hoylen khan daya do daya mente baṅ tahẽkokʼa.

Galathiko lạgitʼ Pạul Apostolakʼ ciṭhi 3:29

Mạsirenpe hoyakante Abraham bõsren hoponko hõpe hoyakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoyakana.

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạuakana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Romiko lạgitʼ Pạul Apostolakʼ ciṭhi 3:28

ente bon baḍaegea, Isor do biswạs hotete manwa do dhorom menteye ataṅea, menkhan ạn-ạriko manaote do baṅa.

1 Patras 3:7

Onkage ape hõ E jãwãeko, ape do bujsujte aperen bạhuko tulucʼ tahenpe. Onko do aperen nijor soṅgeten kanako, ar onko hõ ape tulucʼ Isorakʼ daya reakʼ dan lekate jionko ńama. Onate onko manotkope jemon apeakʼ koejoṅ alo akoṭokʼtape.

Ibriko 11:9

Isor do okaṭakʼ disạm Abraham emae lạgitʼe gokʼade tahẽkana uni do biswạs iạtege bedisiạ hoṛ lekate onḍeye berelena. Ar uni sãote okoe do inạ mitʼ gokʼakʼren bhor reakʼ bhạgiạdarko tahẽkan Isạhak ar Jakob leka uni hõ tạmbukoreye ḍerakʼkan tahẽkana;

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Ibriko 6:17

Isor oka emokʼ lạgitʼe gokʼletʼ, ar okoe onako ńam, onko do noa kiriạ hotete ạḍi pusṭạute udukʼakoe menleda je, uni okaṭakʼe ṭhik akatʼ ona do ar baṅ bodolokʼa. Onate uni do kiriạ hoteteye sạbudkeda okae ṭhik dohoakatʼ ona do hoyokʼgea mente.

Galathiko lạgitʼ Pạul Apostolakʼ ciṭhi 4:7

Onate ar golam dope baṅkana, menkhan hoponko kanape. Ar hoponkope hoyakan khan enḍekhan Isor oka emokʼ lạgitʼe gokʼakawatʼpe onaren ạidạriko kanape.

Romiko lạgitʼ Pạul Apostolakʼ ciṭhi 4:4

Kạmikate okaṭakʼ kuṛại ńamokʼ, ona do dan do baṅkana, menkhan paona kana.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Mark 10:17

Jisu do arhõ horteye oḍok calakʼkan tahẽkanre mitʼṭen hoṛ do uni ṭhene ńir hecʼena ar ikhuṛumenteye menkeda, “E Guru, am do mitʼṭen bhage hoṛ kanam. Lạiyạńme, jaejug jion ńam lạgitʼ iń do cetʼiń cekaea?”

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.