Titus lạgitʼ Pạul Apostolakʼ ciṭhi 2:5 - সান্তালী বাইবেল

⁵ ar apnartetʼko sambṛaokʼma, napaeko tahenma, gharońjko disạima, dayakʼkoko hoyokʼma ar jãwãe gobolreko tahenma, jemon okoe hõ Isorakʼ katha aloko bemanot.

Santali Common Language New Testament

⁵ ar apnartetʼko sambṛaokʼma, napaeko tahenma, gharońjko disạima, dayakʼkoko hoyokʼma ar jãwãe gobolreko tahenma, jemon okoe hõ Isorakʼ katha aloko bemanot.

Titus lạgitʼ Pạul Apostolakʼ ciṭhi 2:5 Referans Kwoze

Kolossiko lạgitʼ Pạul Apostolakʼ ciṭhi 3:18

E bạhuko aperen jãwãeko tabere tahenpe, ente Probhu Isorren hoṛ lekate noa do lek kangea.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

Genesis 3:16

Ona tayom uni maejiue metadea, “Bhạrti hoṛmom tahenre amakʼ kosṭo do arhõń ḍher ocoytama. Am do bedonte gidrạm janamea. Ar jãwãe lạgitʼem jaljalaokʼa, ar uni do am cetanre mạlike hoyokʼa.”

Ephesiko lạgitʼ Pạul Apostolakʼ ciṭhi 5:33

Menkhan ona katha do tahẽocoakʼge. Ape mimitʼko aperen bạhuko apnar leka dulạṛkope ar bạhu hõ onka leka acʼren jãwãeye manotema.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

1Timothi 6:1

Okoe golamiko khạṭaokʼkan onko sanamkoge akoren kisạ̃ṛko manot ocokʼlek menteko bujhạukoma, jemon okoe hõ Isorakʼ ńutum ar aboakʼ sikhạuna aloko nindạu daṛeakʼ.

Kạhtukko 7:11

Uni doe bạṛicʼ maejiu kana, ar ãṭ aṛaṅte kathae roṛeda, uniyakʼ jaṅga do oṛakʼre baṅ tahẽ thirokʼkantaea;

1 Korinthiko 14:34

onkage maejiuko hõ manḍer jarwakʼre hapegeko tahenma, ente onko do katha roṛ reakʼ hukum baṅ emakatʼkoa. Moseyakʼ ạn-ạrire cetʼ lekae menetʼ onkage jemon gobolreko tahen.

1 Korinthiko 11:3

Iń doń menjoṅ kana jemonpe baḍae baṅma, mitʼke mitʼ herelkoren matha do Mạsige, ar maejiuren matha do jãwãetetʼ, ar Mạsiren matha do Isorge.

Romiko lạgitʼ Pạul Apostolakʼ ciṭhi 2:24

Sonot sostorre olakana, “Ape iạtege boṅgan hoṛ jạtrenko do Isorakʼ ńutumko henostawakʼ kana.”

Aposkạmi 9:39

Unre Patras do unkin soṅgeteye calaoena. Ar onḍeye seṭeren khan ona cetan koṭha kandhateko idikedea. Unre sanam rạnḍi maejiuko do Patras beṛhaete teṅgokate rarakʼko ehopʼena ar Dorkas jiwetʼe tahẽkanre okako aṅgrop ar eṭakʼ kicricʼkoe benao akatʼ tahẽkan onakoko udukʼadea.

Sereńko 74:10

E Isor, bạiriko do ar tinạkʼ dinko landa dhudhutʼa? Jaejugge cetʼ onko do amakʼ ńutumko nindạutama?

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”

Genesis 18:9

Onko do Abrahamko kulikedea, “Amren bạhu Sara do okare menaea?” Uniye menkeda, “Tạmbu bhitrire menaea.”

Romiko lạgitʼ Pạul Apostolakʼ ciṭhi 14:16

Apeakʼ bhageakʼ do okoe hõ alo jemonko neṅghaotape.

Titus lạgitʼ Pạul Apostolakʼ ciṭhi 2:4

Enḍekhan juạn maejiukoko lại cetʼ daṛeakoa jemon onko do akoren jãwãetetʼ ar gidrạkoko dulạṛko,