Titus lạgitʼ Pạul Apostolakʼ ciṭhi 1:9 - সান্তালী বাইবেল

⁹ Isorakʼ pạtiạr katha, okaṭakʼ iń cetʼ akawade, ona do kajakte sapʼ dohoy jạruṛaea, jemon sạriyakʼ sikhnạt reaṅe porcar daṛeakʼ ar okoe ona upạrteko teṅgokʼ onko jemon bhulkoe udukʼ daṛeako.

Santali Common Language New Testament

⁹ Isorakʼ pạtiạr katha, okaṭakʼ iń cetʼ akawade, ona do kajakte sapʼ dohoe jạruṛaea, jemon sạriakʼ sikhnạt reaṅe porcar daṛeakʼ ar okoe ona birudreko teṅgokʼ onko jemon bhulkoe udukʼ daṛeako.

Titus lạgitʼ Pạul Apostolakʼ ciṭhi 1:9 Referans Kwoze

2 Thessalonikiko 2:15

Onate E boehako, teṅgo ṭak akae tahenpe, ar aleakʼ ciṭhite se kathate okaṭakʼle lại cetʼ akawatʼpe ona sapʼ doho akae tahenpe.

2Timothi 1:13

Iń ṭhen khon okam ańjomakatʼ ona sạriyakʼ reakʼ sikhnạt do nạmuna lekate sapʼ dohoyme; ar Mạsi Jisu tulucʼ jopoṛao iạte aboakʼ ontorre oka dulạṛ ar biswạs janam akan ona sapʼ dohojoṅme.

1Timothi 6:3

Jãhãe hoṛ judạwakʼe lại cecetʼ khan ar sạriyakʼ kathako, metakʼme aboren Probhu Jisu Mạsiyakʼ kathako ar Isor bhokti sikhạunako bae aṅgoc enḍekhan uni do bạḍạiteye phulạu akana.

1Timothi 1:10

loṭghuṭiko, jojognako, hoṛ kiriń-ạkhrińko, eṛe katha roroṛko, eṛe goha emokʼko, sạri sikhnạt upạrte eṭakʼ jãhãnakʼko kạmikan onkanko lạgitʼge noa do emakana.

Johan sodor 3:3

Onate okam ńamakatʼ arem ańjomakatʼ ona disạime ar manaome, ar ona khon mon ạcurtam. Ar jagwar bam tahen khan iń do kombṛo lekań hijukʼa, ar tinreń hijukʼa ona do baḍaege bam baḍae daṛeakʼa.

1Timothi 1:15

Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.

Titus lạgitʼ Pạul Apostolakʼ ciṭhi 2:1

Am do nonka cetʼakome jemon amakʼ katha tulucʼ sạri cecetʼakʼ reakʼ juri tahen.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

2Timothi 4:3

Nonkan okteko hijukʼa tinre hoṛko do sạriyakʼ reakʼ sikhnạt bako sahao daṛeakʼa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

1 Thessalonikikko 5:21

Bhageakʼ sapʼ doho joṅpe,

Kạhtukko 23:23

Sạriyakʼ kirińme ar ona do alom ạkhrińa; Hẽ, ạkil, sikhạuna ar buj baṛe kiriń joṅme.

Jobakʼ 2:3

Unre Probhu Isor do Soetane metadea, “Ińren guti Job secʼem kheyal akada? Dhạrtire uni lekan ar celege bạnukʼkoa. Uni do bin dusạn are dhoromgea. Uni do ińe botorạń kana ar bạṛicʼakʼ khon sạṅgińreye tahenkana. Ar ńit hạbicʼ uni do jãhãnakʼ bae dos akatʼre hõ ạuṛiyakʼte uniyakʼ bạṛicʼ lạgitʼem uskurediń kana.”

Johan sodor 3:11

Iń do ạḍi usạrageń daraekana. Amakʼ oka menakʼtam ona do sapʼuricʼ akae tahenme, okoe hõ amakʼ jitạukʼ reakʼ kuṛại do alo jemonko recʼme.

Johan sodor 2:25

Eken apeakʼ okaṭakʼ menakʼ, ona do iń ạuriń hijukʼ hạbicʼ kajakte sapʼ dohokakʼpe.

Jihudạwakʼ ciṭhi 1:3

E dulạṛiạ gateko, kại khon sanamko oka bańcao bon ńamakatʼ ona bańcao reaṅ olape lạgitʼ ạḍi gagoj mon tahẽkantińạ. Menkhan enhõ Mạsi dhorom biswạsre, one okaṭakʼ Isor do acʼren hoṛko jaejug lạgitʼe emakatʼko, ona lạgitʼ mon murukte jemonpe lạṛhại ar ona udgạupe lạgitʼge noa ciṭhi olokʼ reakʼ jạruṛiń bujhạukeda.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

2Timothi 2:2

Aema gohako talare ińakʼ mocate okako cecetʼakʼem ańjomakatʼ ona sapʼ dohoy lạgitʼ am do nonkan hoṛko jimạwakome one okoe do eṭakʼko hõko cetʼ daṛeako.

1Timothi 4:9

Noa katha do sạrikangea ar sanam secʼte ataṅ reakʼ hõ lek kana.

1Timothi 1:19

Ona sãote biswạs ar bhage bibek dohojoṅme. Adom hoṛ do bibek reakʼ katha bako ańjometʼkante biswạsre tạkicʼakʼko janam ocoyeda.

Aposkạmi 18:28

Uni do sonot sostor khone sạbudkeda Jisu kangeae Mạsi do ar sanamko samaṅre ạḍi jothat reakʼe lạiyatʼkote Jihudikoe bhagaoketʼkoa.

Jobakʼ 27:6

Dhoromiń sapʼ uricʼ akada, ar bạń aṛakʼ gotʼkakʼa. Tinạkʼ din jiwetʼ iń tahen unạkʼ din inạkʼ bibek do iń bae dusiyińạ.

1 Korinthiko 14:24

Menkhan sanamko nạbi lekate kathakope roṛ ar jãhãe bin pạtiạuicʼ se manḍer bahreren hoṛ bhitriteye bololen khan enḍekhan uni do joto hoṛakʼ kathate apnar kại reaṅ cehaonae ńama ar onako katha hotetege acʼakʼ ontorreye bicạrokʼa.

2Timothi 3:14

Menkhan am do okaṭakʼem cetʼakatʼ ar khạṭi montem biswạs akan onare ṭarhao akae tahenme, ente okoeko ṭhen khonem cetʼakatʼ ona mam baḍaege.