Sosolhayic̕ 9:7 - সান্তালী বাইবেল

⁷ Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Sosolhayic̕ 9:7 Referans Kwoze

Sosolhayic̕ 10:19

Bhoj daka do rạskạ ocome lạgitʼ; darkha rasa do jiwi hulạs ocoy lạgitʼ; ar ṭaka-poesa do sanamakʼe jogaoa.

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Sosolhayic̕ 8:15

Onate iń do jion reakʼ rạskạkʼ iń sarhaokeda, ente siń cando latarre jom-ńũ ar rạskạ chaḍa manwawakʼ bhage mente do ar cetʼge bạnukʼa. Enḍekhan siń cando latarre Isor emakʼ manwa jion reakʼ dinkore uniyakʼ kạmire rạskạge uniren gate do.

Sosolhayic̕ 5:18

Ona tayomiń bujhạukeda, siń cando latarre manwa tinạkʼ din jiwetʼe dohoyede onate jom-ńũ ar kajak khaṭao talate tirpitokʼ tahenge uni lạgitʼ do bhage ar lek kana, ente uniyakʼ kuṛại do ona kangea.

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Johan 4:50

Jisu do uniye metadea, “Do calakʼme, hoponme doe bogeyena.” Ar uni kạmiyạ hoṛ do Jisuakʼ kathare pạtiạuenteye calaoena.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Mark 7:29

Jisui menkeda, “Katha do bhagegem menakada, Do calakʼme; ar ńelme, bạṛicʼ jiu do hoponeram khone oḍok calao akana.”

Numeri 6:20

Ona tayom naeke do dolek samaṅokʼakʼ lekate Probhu Isor samaṅreye dolaoa. Noa do sonotakʼ jinis kana ar ona do naekeyakʼge hoyokʼa. Ona chaḍa dolao akatʼ koṛam reakʼ jel ar samaṅ akatʼ bulu hõ naekeyakʼ hoyokʼtaea. Noako hoylen tayom uni nạsri hoṛ do darkha rasae ńũ daṛeakʼa.

Sosolhayic̕ 7:14

Suk dinkore rạskạkʼme; menkhan duk dinre do niạko katha hudisokʼme, Isor cetʼleka suke dohoakatʼ onkage duk hõe dohoakada, jemon manwa do acʼakʼ tayom din reakʼ cetʼge aloe baḍae daṛeakʼ.

Sosolhayic̕ 11:8

Jãhãe manwa ḍher din jiwetʼe tahen khan uni do onako dinreye rạskạ joṅma. Menkhan ńut reakʼ kathako hõ jemone disạima, ente onako do ḍhergea. Ar darakanakʼ jotoge ạuṛiyakʼgea.

Rut reakʼ kạhini 3:7

Boas do jom ńũkateye tirpiten khan uni do puńji akatʼ anaj reakʼ mitʼ aṛere senkateye giticʼena. Ar Rut do hape hapete senkate uni cetan khon oyonakʼ ocokʼkate onḍeye giticʼena.