Sosolhayic̕ 9:18 - সান্তালী বাইবেল

¹⁸ Lạṛhại reakʼ sajbaj khon ạkil do sorosgea, menkhan mitʼṭen kại hoṛ do ạḍi utạr boge kạmiye bạṛija.

Sosolhayic̕ 9:18 Referans Kwoze

Josuạ 7:5

Nagraha reakʼ phaṭok khon Ae nagraharen hoṛko do Israelkoko khudạu idiketʼkote Sabarim reakʼ tapol jaegare onkoren pegel turui hoṛko gocʼketʼkoa. Onate Israelkoakʼ mon reakʼ jor do rạputʼentakoa.

Josuạ 7:1

Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.

Sosolhayic̕ 9:16

Onateń menkeda, “Daṛe khon ạkilge sorosa,” Menkhan reṅgecʼ hoṛkoakʼ ạkil do nihạ̃tokʼ kana ar uniyakʼ katha do celege bako ańjomleda.

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

Josuạ 22:20

Okako jinis do ḍahao maraokʼ reakʼ kan ona reaṅ Sera hopon Akan do bepạtiạricʼe hoylente Probhu Isorakʼ edre goṭa Israelko cetanre cetʼ baṅ paṛaolena? Uni do acʼakʼ kại iạte eskar do bae gocʼlena.’ ”

2 Rapajko 21:2

Probhu Isor do Israelko samaṅ khon okoe jạtrenkoe laga ńirletʼko tahẽkan Manase do onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

Sosolhayic̕ 2:13

Ińiń ńelkeda, ńut khon marsal cetʼleka sorosge, onkage bebuj khon ạkil hõ sorosgea.

Sosolhayic̕ 7:12

Ṭaka poesa lekage ạkil doe rukhiyạgea, tobe ạkil reakʼ sorostetʼ do hoyokʼkana ạkil do ạkilan hoṛakʼ jiwiye rukhiyạitaea.

1 Samuel 14:30

Bạiriko ṭhen khon luṭakʼ jomakʼko khon teheń hoṛkoko jom daṛeakʼ khan ạḍi bhage hoekokʼa, ar Philisṭiko do arhõ ḍher bon gocʼ daṛekekoa.”

Jobakʼ 35:8

Amakʼ dusṭạmi do eken manwawakʼgeye khutiya. Ar amakʼ dhorom do eken onkogeye bhạlạikoa.

Sosolhayic̕ 7:19

Gel goṭecʼ disạm cakʼlaoko nagraha tinạkʼ bako daṛe ocoy ạkil do mitʼṭen ạkilanicʼ hoṛ ona khon hõ bạ̃ṛtiye daṛe ocoyea.

Sosolhayic̕ 10:1

Gocʼ rõ do cetʼleka so sunum seageye so ocoy, onkage thoṛa bebujtetʼ do ạkil ar manote muchạu giḍiya.

Sosolhayic̕ 10:10

Ṭeṅgocʼ bhotṛoge khan ar baṅ laser khan onare daṛe do ḍherge lagaokʼa, menkhan ạkil do kạmi leṭecʼ lạgitʼgeye goṛowama.