Sosolhayic̕ 9:12 - সান্তালী বাইবেল

¹² Okoe hõ bae baḍaea tinreye gujukʼa mente. Cetʼleka hako do jhạlireko aṭkaokʼ ar cẽṛẽ do jhampare onkage muhin do manwa cetanre ackage hijukʼa ar muhinreye paṛaoakʼ.

Sosolhayic̕ 9:12 Referans Kwoze

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Kạhtukko 29:6

Bedhorom hoṛ do acʼakʼ kại gunạkʼte jhampareye paṛaokʼa, menkhan Isor botorae hoṛ doe rạskạkʼa are sereńa.

2Timothi 2:26

Onate onko do Soetanakʼ jhạli khonko ńir paskaokʼa, ente Soetan do acʼakʼ sana purạu lạgitʼge onkoe sapʼ dohoakatʼko tahẽkana.

2 Korinthiko 6:2

Isor do sonot sostorreye menakada, “Batar jokhecʼ iń do amakʼ kathań ańjomketʼtama ar kại khon bańcaokʼ reakʼ dinreń goṛo akatʼmea.” Ńelpe, oktetetʼ do ńitokʼkangea, ar teheńge bańcao ńam reakʼ din kana.

Kạhtukko 6:15

Ona iạte ackage uni cetanre muhin do hijukʼa; ar ṭuṅ ghuṛirege uni doe marao utạrokʼa, ar bae beretʼ daṛeakʼa.

2 Patras 2:12

Menkhan bin buj janwarko leka okoe do sobhabtege sapʼocokʼ ar gocʼ ocokʼ lạgitʼko janam akan, noko eṛe cecetʼko hõ onko lekage. Onko do okaṭakʼ bako bujhạu akatʼ ona reaṅ bạṛicʼ kathako roṛa. Ar akoakʼ bạṛicʼakʼrege onko doko ḍahao maraokʼa.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

Luk 12:39

Oṛakʼ kisạ̃ṛe baḍae khan oka ghuṛi kombṛoe hijukʼa, enḍekhan uni do jagware tahẽkokʼa ar oṛakʼre kombṛo ohoe bolo ocolea.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

Jesaea 30:13

Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Sosolhayic̕ 3:19

Ente manwakore okako hoyokʼ janwarkore hõ onakoge hoyokʼa. Janwar cetʼleka gujukʼ hoyokʼtae onkage manwa hõ gujukʼ hoyokʼtaea. Unkinakʼ sahẽtʼ do mitʼ lekangea. Niạ babotre janwar ar manwa talare cetʼ begarge bạnukʼa; ente sanamakʼ do ạuṛiyakʼgea.

Sosolhayic̕ 9:13

Iń do siń cando latarre ạkil reaṅ nonkan mitʼṭecʼ iń ńelkeda ar ińakʼ bujre ona do sorosakʼge tahẽkana.

Jesaea 24:18

Okoe hoṛ botoranakʼ saḍe ańjomkateye ńirjoṅ uni do ghaḍlakʼreye khańjokʼa, ar okoe ghaḍlakʼ khone rakabokʼ uni do pạsireye sapʼ ocokʼa. Serma reakʼ khiṛkiko jhijokʼa ar dhạrti reakʼ rehetʼ do dal dalaokʼa.

Hosea 9:8

Nạbi do ińren Isor sãote Ephrayimren hohorhoyicʼe hoyakanre hõ uniyakʼ sanam horrege pạsi do oḍao akana ar uniren Isorakʼ oṛakʼre uni upạrte do kurudge.

Kạhtukko 24:22

ente onko cetanre maraokʼ do acʼkage hijukʼa, Probhu Isor ar raj ṭhen khon cetʼlekan muhin hijukʼ ona do okoeye baḍaea?

Sosolhayic̕ 8:8

Hoe cetʼleka okoehõ bako sapʼ ṭarhao daṛeakʼ ar lạṛhại jokhecʼ cetʼleka okoehõ chuṭi bako ńam, onkage gujukʼ din cetanre okoeyakʼ hõ ektiạri do bạnukʼa. Bedhoromkoakʼ bedhoromtetʼ hõ ona khon do bae rukhiyạ daṛeakoa.

Jeheskel 32:3

“ ‘Iń Probhu Isorgeń menetʼkana, iń do am cetanre jhạliń pasnaotińạ, hẽ, jạt jạtrenko sãotege ar onko do ińakʼ jhạliteko or rakapʼmea.

Hosea 7:12

Ar onko tinreko senokʼa unre iń do onko cetanre jhạliń capada; ar coṭren cẽṛẽko leka onkoń or pheḍkoa. Israelko ṭhen cetʼ leka roṛ hoylen onkage onko doń sạjạikoa.