Sosolhayic̕ 9:10 - সান্তালী বাইবেল

¹⁰ Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Sosolhayic̕ 9:10 Referans Kwoze

Kolossiko lạgitʼ Pạul Apostolakʼ ciṭhi 3:23

Jãhãnakʼgepe cekae, manwako lạgitʼ do alo, bickom Probhu Isor lạgitʼpe onkayetʼte mon ar ontorte kạmipe,

Ephesiko lạgitʼ Pạul Apostolakʼ ciṭhi 5:16

Apeakʼ tire bhage kạmi reakʼ okaṭakʼ ạt menakʼ ona do purạte kạmire lagaope, ente noa piṛhi do bạṛicʼgea.

Romiko lạgitʼ Pạul Apostolakʼ ciṭhi 12:11

Probhu Isor secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhu Isorakʼ kạmire lạgiyạ paṛao akan tahenpe.

Sereńko 6:5

Gocʼlenre do ohoń disạ daṛelema; ar patal purire do okoeye gun manao joharama?

1 Korinthiko 9:24

Ape do cetʼ bape baḍaea ńir haparao enecʼre jotokogeko seledokʼa, menkhan eken mitʼ hoṛge kuṛại doe ńama? Onate ape hõ nonka dạṛpe jemon kuṛạipe ńam daṛeakʼ.

Sosolhayic̕ 11:6

Am do setakʼ jokhecʼ itạ er me, ar ạyupʼ jokhecʼ hõ amakʼ ti doe onkaema, ente oka okte reakʼ kạmi jo bahakʼa se banarge soman hoyokʼa, ona do bam baḍaea.

Jirimiạ 29:13

Ape do ontorte baḍaeyiń reakʼ tinrepe ahkaokʼa unre ińpe baḍae daṛeạńạ.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

1 Korinthiko 9:26

Onate ạuṛiyakʼ do bạń dạṛeda. Ar okoe hoeye daletʼkan onka do bạń kuhạueda.

Johan 9:4

Okoeye kol akadiń, uniyakʼ do siń tahenrege kạmi hoyokʼ tabona. Ńindạ daraekana unre okoe hõ bako kạmi daṛeakʼa.

Johan 4:34

Unre Jisui metatʼkoa, “Okoeye kol akadiń uniyakʼ sanaleka calakʼ ar uniyakʼ kạmi purạutaege hoyokʼ kana ińakʼ jomakʼ do.

Sosolhayic̕ 11:3

Rimil do dakʼte perecʼge tahen khan ona do dhạrtire dakʼe dul ruạṛa. Dare do utạr ar dạkhin jãhãsecʼge bhinḍạṛokʼ, ona do inạ ṭhạ̃irege tahenkana.

Nehemiạ 4:2

Uni do acʼ sãoten hoṛko ar Samariạren lạṛhại phạdko samaṅreye menkeda, “Noko nijor Jihudiko do cetʼko cekayeda? Noko do cetʼ arhõ benao ruạṛ lạgitʼko muruk akada? Isorakʼ goṛo ńam lạgitʼ cetʼ janwarkoko samaṅkoa? Onko do cetʼ mitʼ dintegeko sạta? Jobra ḍạṅ khon cetʼ jiwetʼ dhiriko oḍok ocoya? Onako ma rapakʼ roṅgo akan coṅ!”

Nehemiạ 4:6

Pạcri tinạkʼ usulokʼ ona reakʼ adha hạbicʼle gathao akada, ente hoṛko do akoakʼ goṭa monte niạko kạmi akada.

1 Bõsbudạ 22:19

Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

1 Korinthiko 16:10

Ńelpe, Timothiye hecʼlen khan apeko talare jemon bin botorteye tahẽdaṛeakʼ, ente cetʼleka Probhu Isorakʼ iń kạmikan onkage uni hõe kạmikana.

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

Numeri 13:30

Unre Mose samaṅre okoeko hoṛ onḍeko tahẽkan Kaleb do onko hape ocoketʼkoteye metatʼkoa, “Onḍe senkate disạm bon dokholgea. Ona do khạṭige bon daṛeakʼa.”

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

1 Samuel 10:7

Niạko cinhạ hoylenre am do okaṭakʼ cekae lektam onagem onkaea; Isor do am sãoteye tahena.

Jobakʼ 21:13

Onko do suk nirạite dinko khemaoeda ar sulukte Sheolteko calakʼkana.

Jesaea 38:10

Ińiń menleda, “Ińakʼ bahaokʼ reakʼ adha dinkorege cetʼ iń do Sheol reakʼ duạrte bolokʼ hoyokʼtińạ? Ar ińakʼ sarecʼ bochorko khon do cetʼ iń eṛe ocokʼa?”

Jobakʼ 10:21

Iń do usạrage ńut ar moron dhund disạmteń calakʼa; ar tishõ bạń ruạṛ hijukʼa.

Jobakʼ 10:22

Ona do kaṛaṅ ńutakʼ disạm kana, moron dhund reakʼ disạmge; onḍe do marsal reakʼ rãtge bạnukʼa.”

Kạhtukko 3:28

Goṛowako lạgitʼ daṛe tahentam khan okoe hõ alom metakoa, “Do calakʼme, ar tayomte hijukʼme, gapań emama.”

Mathae 20:7

“Onko doko metadea, ‘okoe hõ kạmire bako lagaoletʼlea.’ “Uni doe metatʼkoa, ‘Do, ape hõ ińakʼ darkha bagwante senkate kạmipe.’

Johan 5:4

Ar mitʼṭen serma goḍet do okte oktere ona pukhrire pheḍkate dakʼe laṛao oṭokakʼkan tahẽkana ar ona tayom pạhilre okoe ona dakʼreye pheḍ maṛaṅokʼ uni do joto lekan rog khone boge utạrokʼkan tahẽkana. Ar rugiko do dakʼ laṛaokʼ reakʼko koyokʼ horetʼ tahẽkana.