Sosolhayic̕ 9:1 - সান্তালী বাইবেল

¹ Ona iạte iń do niạko reaṅiń hudiskeda ariń ńelkeda, dhorom ar ạkilan hoṛko ar onkoakʼ kạmi do jotoge Isorakʼ tire menakʼa. Okoehõ bako baḍaea onko samaṅre cetʼ menakʼa mente- dulạṛ se edre.

Sosolhayic̕ 9:1 Referans Kwoze

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Sosolhayic̕ 8:14

Dhạrtire ar mitʼṭen ạuṛiyakʼ do hoyokʼkana, bedhoromkoakʼ kuṛại do dhorom hoṛgeko ńama, ar dhorom hoṛkoakʼ kuṛại do bạṛicʼ hoṛko ńameda. Ińiń meneda noa hõ ạuṛiyakʼgea.

Jobakʼ 12:10

Uniyakʼ tirege sanam jiwiyankoakʼ jiwi do menakʼa; sanam manwakoakʼ sãhetʼ hõ uniyakʼ tirege menakʼa.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Jesaea 26:12

E Probhu Isor, suluk baṛe teṅgo aleme; ente okale ceka daṛeakatʼ ona sanamakʼge am do ale lạgitʼem kạmi akatʼa.

Kạhtukko 16:3

Amakʼ kạmiko do Probhu Isorge soprotaeme; onate amakʼ ponthako ṭarhaokʼtama.

Sereńko 31:5

Amakʼ tire ińakʼ jiwiń jimạyetʼtińạ, ente E Probhu, pạtiạranicʼ Isor, amgem chaḍao akadińạ.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

Sosolhayic̕ 10:14

Bebujko do ḍher kathako roṛa, menkhan cetʼ darae kana ona do celege bako baḍaea, ar tayomte cetʼ hoyokʼa ona do manwa okoeye lạiyaea?

Sosolhayic̕ 8:16

Ạkil ńam lạgitʼ ar dhạrtire oka hoyokʼkan ona bujhạu lạgitʼ iń do tinreń moneyada unreń ńelkeda, mitʼṭen hoṛakʼ mẽtʼ jodi siń ńindạ beṅgetʼge tahentae rehõ uni do siń cando latarre Isor okae ceka akatʼ ona purạte bae bujhạu daṛeakʼa. Ar manwa do ona sendra ńam lạgitʼ joto lekanakʼe kurumuṭulere hõ ona do bae sendra ńam daṛeakʼa. Mitʼṭen ạkilan hoṛ ona doe baḍaegea menteye menlere hõ enhõ uni do purạte ona bae bujhạu daṛeakʼa.

Sosolhayic̕ 7:25

Ona iạte iń do mon iń murukkeda jemon ạkil ar jotowakʼ tayomre oka goṭawakʼ menakʼ onań baḍae daṛeakʼ ar biḍạu ar khoj hataokateń ńel daṛeakʼ, ariń bujhạu daṛeakʼ, bạṛicʼakʼ do bebujtetʼ kana mente ar bebujtetʼ do khepawakʼge.

Sosolhayic̕ 7:15

Ińakʼ noa ạuṛiyakʼ dinkoreń ńelakada, mitʼṭen dhorom hoṛ do acʼakʼ dhoromtetʼreye gujukʼ kana, ar mitʼṭen bedhorom hoṛ do acʼakʼ bạṛicʼakʼre ḍher dine bahaokʼ kana.

Sosolhayic̕ 1:17

Ona tayom iń do bud, ạkil ar bebuj reaṅ bujhạu lạgitʼ iń kurumuṭukan tahẽkana. Ar onateń bujhạukeda, hoe tayomte ńir calakʼkan chaḍa ar cetʼge baṅkana;

Sereńko 73:3

Ńelkedạń, bedhoromko do ạḍi sukre menakʼkoa, ar onko bạḍại hoṛko ńelte ińakʼ mẽtʼ do jolokʼkan tiń tahẽkana;

Sereńko 10:14

Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Jobakʼ 5:8

“Menkhan iń do Isorakʼ goṛogeń hataokea, ar uni ṭhen ińakʼ arjiń dohokea.

Sereńko 119:109

Ińakʼ jiwi do jao ghuṛi cuputʼkateń calakʼkanre hõ, enhõ amakʼ hukum do bạń hiṛińa.

Sosolhayic̕ 9:6

Onkoakʼ dulạṛ, kurud ar hiskạ do laharege caba akana; siń cando latarre jãhãnakʼge hoyokʼ onare onkoakʼ do jãhãn bakhrage bạnukʼtakoa.

Jirimiạ 43:6

Noko do onko herel hoṛko, maejiuko, gidrạko ar rajren hoponerako tahẽkana, one Babel rajren rurukhiyạ dolren subedar Nebusaradan do Gedaliạwakʼ tire onkoe doho oṭoletʼko tahẽkan. Noko sãote Jirimiạ nạbi ar Baruk hõe tahẽkana.

Jobakʼ 27:12

Ape sanamkoge coṅ noakope ńeletʼkan, enḍekhan noa ạuṛiyakʼ katha do cedakʼpe roṛeda?

Sosolhayic̕ 8:7

ente jãhãe manwa tinre bako baḍaea cetʼ hoyokʼa mente unre okoe hõ bako lại daṛeaea ona do tinre hoyokʼa.