Sosolhayic̕ 8:8 - সান্তালী বাইবেল

⁸ Hoe cetʼleka okoehõ bako sapʼ ṭarhao daṛeakʼ ar lạṛhại jokhecʼ cetʼleka okoehõ chuṭi bako ńam, onkage gujukʼ din cetanre okoeyakʼ hõ ektiạri do bạnukʼa. Bedhoromkoakʼ bedhoromtetʼ hõ ona khon do bae rukhiyạ daṛeakoa.

Sosolhayic̕ 8:8 Referans Kwoze

Sereńko 89:48

Okoe kanae uni daṛean hoṛ do, okoe do jiwetʼge menae ar bae gujukʼ? Nonkan okoe menakʼkoa, okoe do patal puri khon apnarteye rukhiyạ daṛekokʼ? (Sela)

Jobakʼ 14:5

Manwakoakʼ bahaokʼ din do niṭ dohoakante; uniyakʼ candoko reakʼ lekhawakʼem ṭhik dohoakada; ar uniyakʼ simạnakom ṭhik dohoakatʼte, uni do ona bae parom daṛeakʼa.

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Sosolhayic̕ 3:21

Manwa jiu do cetan secʼ ar janwar jiwi do ot latar secʼ calakʼa ona do okoeye baḍaea?

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

2 Korinthiko 13:4

Uni do nijorreye kurus ocolena, menkhan Isorakʼ daṛete jiwetʼ menaea. Ale do uni sãote mitʼakantele nijorakana, menkhan ape lạgitʼ Isorakʼ daṛete uni tulucʼ jiwetʼle tahena.

1 Korinthiko 15:43

Ona do bemanot lekate hasare topa ocokʼa, menkhan ṭhonokre jiwetʼ beretʼ ocokʼa; nijorre erogokʼa ar jorre jiwetʼ beretʼ ocokʼa.

Jesaea 28:18

Moron tulucʼ okaṭakʼpe bondobos akatʼ ona do bạtilokʼa; ar Sheol sãote oka bondobospe bandhao akatʼ ona hõ baṅ ṭikạukʼtapea. Maraokʼ reakʼ cạbuk pheḍ hijukʼre, ape do onatepe dal ocokʼa.

Jobakʼ 34:14

Uni do eken acʼakʼ kathageye hudisle khan ar acʼren jiu ar sahẽtʼ do acʼ ṭhengeye ruạṛ idile khan,

2 Samuel 14:14

Otre dakʼ dul giḍile khan cetʼleka ona ar baṅ hạr ruạṛokʼ onkage abo hõ bon gujukʼa. Menkhan Isor do jiwi bae hataoa bickom nonkae bebostaea jemon ocokʼ giḍi akade hoṛ acʼ khon pharakre aloe tahen.

2 Rapajko 7:15

Unkin do jordan gaḍa hạbicʼkin sendraketʼkoa ar unkin do senkatekin ńelkeda Aramrenko do ampa ạmpiko dạṛketʼte akoakʼ sanam jinisko ar kicricʼko horreko bạgi giḍi oṭoada. Ar unkin kol ocolenkin hoṛ do sen ruạṛkate jotowakʼ khobor rajkin lạiyadea.

Sosolhayic̕ 8:13

Menkhan bedhoromko do Isor bako botoraekante bhạlại do baṅ hoyokʼtakoa ar onkoakʼ bahaokʼ din do umul lekage hoyokʼtakoa.

Kạhtukko 12:3

Bedhoromakʼte jãhãe hoṛakʼ jionrege kajaktetʼ do baṅ tahena, menkhan Isor botorae hoṛakʼ jion reakʼ rehetʼ do kajak tahena.

Sosolhayic̕ 9:12

Okoe hõ bae baḍaea tinreye gujukʼa mente. Cetʼleka hako do jhạlireko aṭkaokʼ ar cẽṛẽ do jhampare onkage muhin do manwa cetanre ackage hijukʼa ar muhinreye paṛaoakʼ.

Jesaea 47:10

Am do amakʼ ona dusṭami cetanrem bhorsakʼkana arem meneda, ‘celehõ bako ńeńel kana.’ Amakʼ ạkil ar bidiạge am dokin bhaṅgṭao akatʼmea; ente mone monetem meneda, ‘eken iń eskarge minạńa, iń chaḍa ar okoehõ bạnukʼkoa.’