Sosolhayic̕ 8:5 - সান্তালী বাইবেল

⁵ Okoe uniyakʼ hukume dohoyetʼ uni do cetʼ bạṛicʼakʼge baṅ paṛaoaea. Ạkilan hoṛkoakʼ mon do ṭhik okte ar kạmi reakʼ dharakoe baḍae oroma.

Sosolhayic̕ 8:5 Referans Kwoze

Ibriko 5:14

Okoekoakʼ umer hoyakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.

Aposkạmi 4:19

Patras ar Johan dokin roṛ ruạṛkeda, “Apeakʼ hukum liń manaoa se Isorakʼ hukumko liń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.

Luk 20:25

Adoe metatʼkoa, “Enḍekhan okaṭakʼ maharajakʼkan ona do maharajge emkataepe ar okaṭakʼ Isorakʼkan ona do Isorge emaepe.”

1 Bõsbudạ 12:32

Esakhar gusṭiren bar sae mukhiyạko. Onko do budan hoṛko tahẽkana arko bujhạu daṛeakʼkan tahẽkana Israelko tinre cetʼ cekae hoyokʼtakoa mente. Onko sãoteko do ako taberen ako gusṭiren hoṛkogeko tahẽkana.

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.

Hosea 5:11

Ephrayim do acʼakʼ kusileka michạwakʼe pańjayeda uni doe santao ocokʼkana ar bicạrreye lebetʼ gańjao ocoakana.

Sosolhayic̕ 10:2

Ạkilankoakʼ mon do bhage hor secʼ ruạṛa, menkhan bebujkoakʼ ontor do bhul horte calakʼa.

Sosolhayic̕ 8:2

Ińakʼ sopolha do niạge, rajakʼ hukum bataotaeme, ente am do Isor samaṅre onagem kiriạ akana.

Sosolhayic̕ 2:14

Ạkilan hoṛakʼ do mẽtʼ menakʼtaea, menkhan bebuj hoṛ do ńutreye dãṛãnkana; menkhan iń do niạgeń bujhạu daṛeada, unkin bana hoṛakʼ mucạtʼ dosa do mitʼgea.

Kạhtukko 17:24

Buj menakʼtae hoṛ do ạkile moneyakʼ kana, menkhan khaṭo bujan hoṛakʼ mon do beṛhaeteye beṅgetʼ ạcura.

Exodus 1:17

Menkhan unkin dhạ̃i buḍhi do Isor kin botoraekan tahẽkana. Onate unkin do Misor rajakʼ hukum leka kạmi baṅkate koṛa hoponko jiwetʼkin dohoketʼkoa.

Kolossiko lạgitʼ Pạul Apostolakʼ ciṭhi 1:9

Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

Sereńko 119:6

Enḍekhan amakʼ sanam hukumkoń manao iạte iń do bạń lajao ocokʼa.

Kạhtukko 12:21

Dhorom hoṛkoakʼ jionre bạṛicʼakʼ do baṅ hoyokʼa, menkhan bedhoromkoakʼ jionre bạṛicʼakʼte perecʼ tahena.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.