Sosolhayic̕ 8:13 - সান্তালী বাইবেল

¹³ Menkhan bedhoromko do Isor bako botoraekante bhạlại do baṅ hoyokʼtakoa ar onkoakʼ bahaokʼ din do umul lekage hoyokʼtakoa.

Sosolhayic̕ 8:13 Referans Kwoze

Sosolhayic̕ 6:12

Manwawakʼ goṭa jionre uni lạgitʼ bhageakʼ do okoeye baḍaea? Uni do acʼakʼ thoṛa ar baṅ tahẽ utạrakʼ dinko umul lekae khemaoeda. Ar uniye sen len khan siń cando latarre oka hoyokʼ ona do okoeye lại daṛekea?

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Jobakʼ 14:2

Uni do baha lekae saṛokʼkana ar ona tayom doe tolmojokʼa; uni do umul lekae ńir calakʼkana, ar bae tahenkana.

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Jesaea 57:21

Ińren Isore meneda, “Bedhoromko lạgitʼ do jãhãn sulukge bạnukʼa.”

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

Johan 5:29

Okoe bhageakʼko kạmi akatʼ onko do jion ńam lạgitʼko beredokʼa, ar okoe bạṛicʼakʼ kạmikote okteko khemao akatʼ onko do sạjạiyokʼ lạgitʼgeko beredokʼa.

Jesaea 30:13

Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Sereńko 144:4

Manwa ma eken sahẽtʼ leka ar uniyakʼ dinko do umul leka parom calakʼkana.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Sereńko 39:5

Am do ińakʼ dinko bar muṭ ganem doho akatʼtińạ. Amakʼ mẽtʼre ińakʼ jion do cetʼhõ baṅkana. Sạrige michạgeako mitʼke mitʼ manwa do jãhãtinạkʼgeye teṅgo uricʼ akanre hõ. (Sela)

Sereńko 11:5

Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

Jobakʼ 21:30

Bedhorom hoṛ do muhinre bańcaoko ńama ar edrekʼ dinre hõ rukhiyạko ńama?

Jobakʼ 20:5

dusṭạmikoakʼ hulạs joṅ do thoṛa ghạṛi lạgitʼ kana. Ar bedhoromkoakʼ rạskạ do eken mitʼ ripitʼ lạgitʼ kana;

Jobakʼ 18:5

“Bedhoromicʼakʼ diuhe do ĩṛĩjokʼtaea; Uniyakʼ seṅgel lepʼ do baṅ jolokʼa.

Sosolhayic̕ 3:14

Ińiń baḍaea Isor jãhãnakʼgeye cekae ona do jaejug hạbicʼ tahena; cetʼge ona tulucʼ do baṅ juṭujokʼa ar cetʼge ona khon hõ baṅ badokʼa. Isor doe nonka akada jemon manwa uniko botorae.

Sosolhayic̕ 5:7

Ḍher kukmu ńel ar ḍher katha roṛ do ạuṛiyakʼgea, menkhan am do Isor botoraeme.

Sosolhayic̕ 7:15

Ińakʼ noa ạuṛiyakʼ dinkoreń ńelakada, mitʼṭen dhorom hoṛ do acʼakʼ dhoromtetʼreye gujukʼ kana, ar mitʼṭen bedhorom hoṛ do acʼakʼ bạṛicʼakʼre ḍher dine bahaokʼ kana.

Sosolhayic̕ 7:18

Niạ banar sopolhage sapʼ dohoyme, okaṭakʼ hõ alom aṛakʼ giḍikakʼa; okoe hoṛ Isore botorae uni do jãhãnakʼge ạḍi do bae bạ̃ṛtiya.

Sosolhayic̕ 8:8

Hoe cetʼleka okoehõ bako sapʼ ṭarhao daṛeakʼ ar lạṛhại jokhecʼ cetʼleka okoehõ chuṭi bako ńam, onkage gujukʼ din cetanre okoeyakʼ hõ ektiạri do bạnukʼa. Bedhoromkoakʼ bedhoromtetʼ hõ ona khon do bae rukhiyạ daṛeakoa.

Jesaea 65:20

Onḍe do nunu gidrạko hõ bako gujukʼa, se haṛam hoṛ hõ bahaokʼ din ạuri cabakʼtako hạbicʼ bako gujukʼa. Ar jãhãe mitʼsae bochor umerreye gocʼlenre hõ uni do juạn mentegeye bikạukʼa; ar okoe mitʼsae bochor bae bańcaokʼ uni do sarapanicʼe hoyokʼa.

Sereńko 37:1

Am do bạṛicʼ hoṛko iạte alom jal jalaokʼa, se behok kạmiyetʼkanko ńelte alom hiskạkʼa;

Jirimiạ 44:10

Teheń hạbicʼ hõ apeakʼ ontor do dukte bape rạputʼletʼtapea se ińhõ bape botoradińa; ar aperen hapṛamko ṭhen okaṭakʼ niạmkoń ematʼko tahẽkan ona hõ bape manaoakada.