Sosolhayic̕ 8:12 - সান্তালী বাইবেল

¹² Kạkại hoṛ mitʼsae bạṛicʼakʼe kạmi ar ḍher dine bahaokʼre hõ ińiń baḍaea Isor botoraekan hoṛ do bhạlại hoyokʼtakoa.

Sosolhayic̕ 8:12 Referans Kwoze

Sereńko 37:11

Menkhan mạ̃hir hoṛko do disạmko ạidạri joṅa; ar asambheṛ bhorko ńamte onko doko hulạsokʼa.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

Sosolhayic̕ 7:15

Ińakʼ noa ạuṛiyakʼ dinkoreń ńelakada, mitʼṭen dhorom hoṛ do acʼakʼ dhoromtetʼreye gujukʼ kana, ar mitʼṭen bedhorom hoṛ do acʼakʼ bạṛicʼakʼre ḍher dine bahaokʼ kana.

Sosolhayic̕ 3:14

Ińiń baḍaea Isor jãhãnakʼgeye cekae ona do jaejug hạbicʼ tahena; cetʼge ona tulucʼ do baṅ juṭujokʼa ar cetʼge ona khon hõ baṅ badokʼa. Isor doe nonka akada jemon manwa uniko botorae.

Romiko lạgitʼ Pạul Apostolakʼ ciṭhi 9:22

Ṭhik onkage Isor do acʼakʼ edre ar daṛe udug lạgitʼe monejoṅkan tahẽkana; enrehõ okoe hoṛko upạrte acʼakʼ edre sodore menletʼ, onkoakʼ do ạḍi soborikateye sahaoketʼtakoa. Ente onko hoṛkoakʼ kuṛại do moron tahẽkana.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Sosolhayic̕ 7:18

Niạ banar sopolhage sapʼ dohoyme, okaṭakʼ hõ alom aṛakʼ giḍikakʼa; okoe hoṛ Isore botorae uni do jãhãnakʼge ạḍi do bae bạ̃ṛtiya.

Sosolhayic̕ 5:16

Niạ hõ ạḍi duk reakʼ bepar kana, manwa cetʼlekae hijukʼ onkage ruạṛ calakʼ hoyokʼtaea; onate uniyakʼ lab do cetʼtae? Uni do hoe lạgitʼgeye khaṭaokʼ kana.

Kạhtukko 13:21

Bạṛicʼakʼ do kạiyanko tayomteye ńir hijukʼa, menkhan bhạlại do Isor botoraekoakʼ kuṛại kana.

Sereńko 115:13

Uni do acʼ botoraekan kạṭicʼ lạṭu sanamkoe bhorakoa.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Sereńko 96:9

Probhu Isorakʼ ṭhonokte perecʼ sonot reakʼ katha hudiskate uni manotepe; dhạrtiren sanam hoṛko, ape do uni samaṅre thar tharaokʼpe.

1 Bõsbudạ 16:30

E dhạrtiren sanam hoṛko, ape do uni samaṅre thar tharaokʼpe. Dhạrti do khạndri khon bạisại akana, ona do tisge baṅ ḍikạ ḍakekʼa.

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

Dosar Biboron 12:25

Ape ar ape tayom jemon aperen hopon ar hoponerakoakʼ bhạlại hoyokʼtako onate ape do mãyãm alope joma; inạ khan Probhu Isorakʼ mẽtʼãhã samaṅre ṭhikakʼ hoyokʼa.

Exodus 1:20

Isor do unkin dhạ̃i buḍhikine bhạlạiyketʼkinạ. Ar Israelkoakʼ lekha do ḍher idikʼtege tahẽyena ar onko doko daṛe idiyena.”

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Dosar Biboron 12:28

Ape ar aperen hoponko ar hoponerako jemon jao okte bhạlại hoyokʼtako onate iń emakʼ noako hukum joton salakʼ manaope, ente onape onkale khan aperen Probhu Isorakʼ mẽtʼre ṭhikakʼpe kạmiya.

Sereńko 128:2

Am do apnar tite khaṭaoakʼ reakʼ jogeye joma ar sukem ńama ar bhạlại hoyokʼtama.

Sosolhayic̕ 5:7

Ḍher kukmu ńel ar ḍher katha roṛ do ạuṛiyakʼgea, menkhan am do Isor botoraeme.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Jobakʼ 35:15

Am do arhõm meneda, uni do edrete sạjại bae emokʼa ar dusṭạmi secʼ do beṅgetʼ hõ bae beṅgeda.

Kạhtukko 28:14

Okoe hoṛ behok lạgitʼ jao okteye botorokʼkan uni doe bhạgangea, menkhan okoe acʼakʼ ontorre keṭejtae ar behok lạgitʼ bae botorokʼ kan uni do muhinreye paṛaokʼa.

Jirimiạ 44:10

Teheń hạbicʼ hõ apeakʼ ontor do dukte bape rạputʼletʼtapea se ińhõ bape botoradińa; ar aperen hapṛamko ṭhen okaṭakʼ niạmkoń ematʼko tahẽkan ona hõ bape manaoakada.