Sosolhayic̕ 7:9 - সান্তালী বাইবেল

⁹ Amakʼ mon do alom kạhĩs ocoytama, ente kạhĩs do bebujkoakʼ koṛamre gạḍiạu akan tahena.

Sosolhayic̕ 7:9 Referans Kwoze

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Kạhtukko 14:17

Naseyakʼte raṅgaokʼ hoṛ do lelhayicʼ lakae kạmiya, menkhan bujhạntar hoṛ doe jiwi hataṛa.

Kạhtukko 16:32

Okoe usạrate bae raṅgao hodokʼ uni do lạṛhại bir khon hõe bhagegea; okoe nagrahae hatetʼkan ona khon okoe apnare sambṛaokʼkan unigeye bhagea.

Mark 6:19

Ona iạte Herodiạ do Johan cetanre ạḍi raṅgao tahẽkantaea. Ar uni do Johan gojeye menetʼ tahẽkana,

Jona 4:9

Menkhan Isor do Jonae metadea, “Ona dare ńutumte pit caṛhaokʼ kantam dom ṭhiketʼgea?” Jonae menkeda, “Hẽ gujukʼ hạbicʼ pit caṛhaokʼkantiń doń ṭhiketʼgea.”

2 Samuel 19:43

Israelren hoṛko do Jihudạrenko metatʼkoa, “Ale do gel gusṭikoren kanale ar onate Dạud raj cetanre ape khon ḍher ạidạri menakʼtalea. Menkhan ape do cedakʼ nonkape nindạuketʼlea? Aboren raj ruạṛ ạguiye reakʼ katha alege cetʼ pạhilte bale roṛleda?” Menkhan Israelren hoṛko khon Jihudạren hoṛkoakʼ kathage bạ̃ṛti keṭecʼ tahẽkana.

2 Samuel 13:22

Ar Absalom hõ Amnon do boge bạṛicʼ cetʼge bae metadea. Amnon do uniren miserae nosṭokedete Absalom do uni kurudaye ehopʼena.

2 Samuel 13:28

Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”

Mark 6:24

Kuṛi do senkate eṅgattetʼe kulikedea, “Iń do cetʼiń khoja? Uniren eṅgattetʼe menkeda, “Johan bạbạptisicʼakʼ bohokʼ koeyeme.”

2 Samuel 13:32

Menkhan Dạudren dadattetʼ Simeyaren hopon Jonadab doe menkeda, “E ińren mạlik alom hudisa, joto raj kũạrgeko gocʼ ocoakana mente; eken Amnon motogeye gocʼ ocoakana. Ona reakʼ karon do hoyokʼkana, one oka hilokʼ Amnon do Absalomren misera Tamare nosṭolede enhilokʼ khonge Absalom do noae goṭa akatʼ tahẽkana.

Genesis 4:8

Mitʼ din ṭạnḍirekin tahẽkanre Kain do Habel sãote kathae roroṛkan tahẽkanre uni do acʼren boeha Habel cetanre tiye tulketʼte uniye gocʼkedea.

Kạhtukko 14:29

Okoe usạrate bae raṅgaokʼ uni doe budan hoṛkana, menkhan usạrate raṅgao godokʼicʼ do lelha hoṛ lekanae.

Sosolhayic̕ 7:10

“Nahakʼ khon Sedaeakʼ dinkoge cedakʼ bhage tahẽkana?” Niạ katha do alom kuliya, ente budan hoṛkoakʼ nonka kukli do baṅ sajaokʼa.

Kạhtukko 25:8

Hare phare kacahạrite do alom calakʼa, ente mucạtʼre am aḍepaseren hoṛ lajaoreye paṛao ocolem khan unre cetʼem cekaea?

Jona 4:3

Ńitokʼ do E Probhu Isor, ińakʼ jiwi baṛe hataotińme, ente ińakʼ jiwetʼ tahen khon gujukʼge bhagetińạ.”

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”