Sosolhayic̕ 7:6 - সান্তালী বাইবেল

⁶ Ṭukucʼ latarre jạnum sahan cetʼ leka oṭejokʼ; bebujkoakʼ landa hõ onkage. Noa hõ ạuṛiyakʼgea.

Sosolhayic̕ 7:6 Referans Kwoze

Sereńko 118:12

Dumur lekageko tudrạu esetʼ akadińạ; ar jạnum jhạuạ reakʼ seṅgel leka onko do usạrateko ĩṛicʼgotʼena. Probhu Isor ńutumte iń do khạṭigeń marao cabakoa.

Sereńko 58:9

Apeakʼ ṭukucʼre seṅgel reakʼ ãc ạuri paṛaokʼrege uni do rohoṛ ar jạnum sahanko birbão hoeteye oṭaṅ idiya.

Sosolhayic̕ 2:2

Ińiń menkeda, “Landare hõ bebuj menakʼa, ar hesecʼ sekrejokʼre hõ baṅ cetʼ porho!”

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Luk 6:25

Hae ape bi akanko do! Ape do reṅgecʼpea. Hae ape landakanko do! Ape dope dukokʼa arpe rakʼjoṅa.

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Kạhtukko 29:9

Budan hoṛ do khaṭo bujan hoṛ upạrteye mambla lekhan uni bebujicʼ doe landaya ar baṅkhane raṅgaokʼa, ar onate cetʼ miṭ maṭge baṅ hoyokʼa.