Sosolhayic̕ 7:26 - সান্তালী বাইবেল

²⁶ Ińiń ńelkeda, gujukʼ khon hõ uni maejiu doe haṛhatʼgea, uniyakʼ mon do mitʼṭecʼ jhampa ar jhạli leka ar uniyakʼ tikin do sikṛige. Ar okoe hoṛ Isore kusi ocoye uni do uniyakʼ ti khon apnartetʼe rukhiyạkʼa, menkhan kại hoṛ do jhạlireye paṛaokʼa.

Sosolhayic̕ 7:26 Referans Kwoze

Kạhtukko 22:14

Eṭakʼ maejiu reakʼ moca do khạndri khạndṛuṅ kana; ar Probhu Isore raṅgaoae kan hoṛ do onaregeye ńurokʼa.

Sosolhayic̕ 2:26

Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Kạhtukko 2:16

Ạkilge am do loṭghuṭi reakʼ ti khone rukhiyạmea, ar sebel sebel kathaye roṛetʼkan bạṛicʼ maejiuakʼ ti khon hõ.

Kạhtukko 9:18

Menkhan uni do bako baḍaea, gocʼ hoṛko onḍe menakʼkoa mente; ar uni maejiuren neota hoṛ do Sheol reakʼ khạndṛuńreko tahenkana.

Exodus 10:7

Unre Pharaoren kạmiyạko do uniko metadea, “Noko hoṛ do ar tinạkʼ din aboakʼ jhampa lekako tahena? Onko jemon akoren Isorko sewa daṛeae onate sen ocoakome. Am do cetʼ bam bujhạu daṛeakʼ kana, Misor do dhaṅ dhaser cabakʼkana mente?”

Kạhtukko 6:23

ente noako hukum do diuhe leka, noa sikhnạt do marsal leka, ar ḍanṭao reakʼ nisṛạu do jion reakʼ horge.

Kạhtukko 6:24

Noako do bạṛicʼ maejiuakʼ ti khon, ar ạ̃nạ̃ṛi maejiuakʼ cikạ̃ṛ cikạ̃ṛ katha khone rukhiyạmea.

Sosolhayic̕ 7:27

Sosolhayicʼe meneda, “Ńelme, jotowakʼ tayomre oka goṭawakʼ menakʼ ona ńela mente iń do dhape dhap lahakate adomakʼ bisoekoń baḍaekeda.

Genesis 19:35

Nonkate unkin do ona ńindạ hõ apattetʼkin bul ocokedea ar huḍińicʼ do apattetʼ sãoteye giticʼmitʼena. Ar uni huḍińicʼ kuṛi do tinreye giticʼena are beretʼena ona do apattetʼ bae disạleda.

Genesis 39:9

Noa oṛakʼre iń cetante ar celege bạnukʼkoa. Ar am do uniren bạhu kanam, onate eken am chaḍa ar sanamkoge iń tabereye dohoakatʼkoa. Ar iń do cekate nonkan bạṛicʼ kạmiń kạmite Isor upạrteń kại daṛekea?”