Sosolhayic̕ 7:18 - সান্তালী বাইবেল

¹⁸ Niạ banar sopolhage sapʼ dohoyme, okaṭakʼ hõ alom aṛakʼ giḍikakʼa; okoe hoṛ Isore botorae uni do jãhãnakʼge ạḍi do bae bạ̃ṛtiya.

Sosolhayic̕ 7:18 Referans Kwoze

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Luk 11:42

“Hae ape Phạrusiko do! Ape do eken podina, tejpat ar mitʼke mitʼ aṛakʼ sakam reakʼ gel hạṭiń reakʼ mitʼ hạṭińge Isorpe emae kana, menkhan dhorom bicạr ar Isorakʼ dulạṛ secʼ do bape moneyakʼkana. Onate sedaeakʼko pańjae são sãote tayom reakʼakʼko hõ pańjae lek tapea.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Sosolhayic̕ 11:6

Am do setakʼ jokhecʼ itạ er me, ar ạyupʼ jokhecʼ hõ amakʼ ti doe onkaema, ente oka okte reakʼ kạmi jo bahakʼa se banarge soman hoyokʼa, ona do bam baḍaea.

Sosolhayic̕ 8:12

Kạkại hoṛ mitʼsae bạṛicʼakʼe kạmi ar ḍher dine bahaokʼre hõ ińiń baḍaea Isor botoraekan hoṛ do bhạlại hoyokʼtakoa.

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Sosolhayic̕ 3:14

Ińiń baḍaea Isor jãhãnakʼgeye cekae ona do jaejug hạbicʼ tahena; cetʼge ona tulucʼ do baṅ juṭujokʼa ar cetʼge ona khon hõ baṅ badokʼa. Isor doe nonka akada jemon manwa uniko botorae.

Kạhtukko 8:20

Iń do dhorom reakʼ horteń taṛameda, ar dhorom bicạr reakʼ horreń dãṛãnkana.

Sosolhayic̕ 5:7

Ḍher kukmu ńel ar ḍher katha roṛ do ạuṛiyakʼgea, menkhan am do Isor botoraeme.

Sosolhayic̕ 8:13

Menkhan bedhoromko do Isor bako botoraekante bhạlại do baṅ hoyokʼtakoa ar onkoakʼ bahaokʼ din do umul lekage hoyokʼtakoa.

Kạhtukko 12:21

Dhorom hoṛkoakʼ jionre bạṛicʼakʼ do baṅ hoyokʼa, menkhan bedhoromkoakʼ jionre bạṛicʼakʼte perecʼ tahena.