Sosolhayic̕ 7:14 - সান্তালী বাইবেল

¹⁴ Suk dinkore rạskạkʼme; menkhan duk dinre do niạko katha hudisokʼme, Isor cetʼleka suke dohoakatʼ onkage duk hõe dohoakada, jemon manwa do acʼakʼ tayom din reakʼ cetʼge aloe baḍae daṛeakʼ.

Sosolhayic̕ 7:14 Referans Kwoze

Sosolhayic̕ 3:22

Onateń ńelkeda, nijakʼ kạmire rạskạkʼ chaḍa ar bhage jãhãnakʼ do manwa lạgitʼ bạnukʼa. Onage uniyakʼ kuṛại do, ente uniyakʼ gujukʼ tayom cetʼ hoyokʼtae ona do okoeye udukʼ daṛekea?

Sosolhayic̕ 3:4

rakʼjoṅ okte ar landae okte, homor halaṅ okte ar enecʼ lạgitʼ okte,

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Dosar Biboron 28:47

Sanamakʼ sareṛakʼko tahẽkan jokhecʼ rạskạ salakʼ aperen Probhu Isor bape sewawade tahẽkante ape do tetaṅ ar ạḍi ṭonṭa talate aperen bạirikope sapʼsorakoa ente Probhu Isorge ape upạrte onkoe kolkoa. Uni do mẽṛhẽtʼ reakʼ arãṛ tarenreye gokʼapea ape ạuripe marao utạrokʼ hạbicʼ.

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jakob 5:13

Ape modre cetʼ jãhãe duke jomeda? Uni doe koejoṅ ma. Jãhãe sukre menaea?

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Mikạ 6:9

Ạkilan hoṛ do Probhu Isorko botoraekana. Ma ańjompe, Probhu Isor do nagraharen hoṛkoe hohoako kana. Uni doe meneda, “Ape do sạjại reakʼ ṭheṅga secʼ ar okoe do onae niṭ akatʼ uni secʼ moneyakʼpe.

Jirimiạ 23:20

Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.

Sereńko 119:71

Okaṭakʼ kosṭoń ńamakatʼ ona do iń lạgitʼ bhagege hoyakana; onate iń do amakʼ ạnkoń cetʼ daṛe akawada.

Sereńko 40:3

Uni do ińakʼ mocare nãwã sereńe emadińạ, aboren Isorakʼ sarhaoakʼ sereńge. Ḍher hoṛkoakʼ mẽtʼrege ona do paṛaokʼa ar monre botor hecʼakoa; onko do Probhu Isorreko bhorsakʼa.

Jesaea 42:25

Onate uni do acʼakʼ jolokʼkan edre ar lạṛhại reakʼ botor do Israel cetanreye dulkeda. Onate seṅgel do beṛhaete jol rakapʼena, enhõ uni do bae bujhạuleda; seṅgel do uniyakʼ hoṛmore lagaoena, enhõ uni do bae moneyada.

Sosolhayic̕ 12:8

Sosolhayicʼe meneda, “Ạuṛiyakʼgea, ạuṛiyakʼgea, jotoge ạuṛiyakʼgea!”

1 Rapajko 8:47

unre ona disạmre akoakʼ monko ạcurtako arko kastaokʼte nehõrokʼteko men, ‘ale dole kại akada, arle behok akada ar bạṛicʼ hortele taṛam akada,’ enḍekhan onkoakʼ koejoṅ ańjomtakome.

Dosar Biboron 8:5

Ar niạ katha apeakʼ ontorre baḍae dohokakʼpe, baba cetʼleka hopone ḍanṭaoe onkage aperen Probhu Isor hõ apeye ḍanṭaopea.

Dosar Biboron 26:11

Ape ar gharońjrenko Probhu Isor oka bhage bhageakʼ jiniskoteye bhor akawatʼpe onate ape do, Liwiko ar ape talare menakʼko upriạ hoṛko sãotepe rạskạ joṅa.

Jobakʼ 2:10

Menkhan Job do uniye metadea, “Am do mitʼṭen dundhi maejiu leka katham roṛeda. Abo do cetʼ Isor ṭhen khon eken bhạlạige bon ataṅa, ar be bhạlạiyakʼ do baṅa?” Niạko hoyenre hõ Job do acʼakʼ kathate bae kạileda.

Sosolhayic̕ 8:7

ente jãhãe manwa tinre bako baḍaea cetʼ hoyokʼa mente unre okoe hõ bako lại daṛeaea ona do tinre hoyokʼa.

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Sosolhayic̕ 10:14

Bebujko do ḍher kathako roṛa, menkhan cetʼ darae kana ona do celege bako baḍaea, ar tayomte cetʼ hoyokʼa ona do manwa okoeye lạiyaea?

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Sosolhayic̕ 5:17

Uni do jiwetʼ jonomge ńutreye tahenkana ar edre are kạhĩsokʼ kana.

Rak̕joṅ 3:38

Maraṅ Isorakʼ moca khonge cetʼ bhalạiyanakʼ ar bin bhạlạiyanakʼ cetʼ baṅ oḍokokʼ kana?