Sosolhayic̕ 7:12 - সান্তালী বাইবেল

¹² Ṭaka poesa lekage ạkil doe rukhiyạgea, tobe ạkil reakʼ sorostetʼ do hoyokʼkana ạkil do ạkilan hoṛakʼ jiwiye rukhiyạitaea.

Sosolhayic̕ 7:12 Referans Kwoze

Kạhtukko 8:35

Ente okoe ińe ńameńkan uni do jione ńama ar Probhu Isor ṭhen khon dayae ńama.

Kạhtukko 3:18

Okoe uniye sabe onko ṭhen do jion dare leka; ar okoe unireko sapʼ kajak akae tahen onko do bhorko ńama.

Kạhtukko 2:7

Uni do khạṭi ontorren hoṛko lạgitʼ bude jogao dohoyeda; ar dhoromte okoeko calakʼkan, onkoren ḍhale hoyokʼte

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 12:50

Ińiń baḍaea uniyakʼ hukum do jaejug jion kana. Onate okako kathań roṛetʼkan ona do Babawakʼ hukum lekageń roṛeda.”

Kạhtukko 11:4

Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Bikʼcạrko 9:15

Unre jạnumanakʼ dare do onkoe metatʼkoa, ‘Aperen raj mente sạrigepe teṅgoyiń khan enḍekhan dela hijukʼte ińakʼ umulre asray hataope. Ar bape onkae khan enḍekhan jạnum jhạuạ khon seṅgel oḍok hijukʼte Lebanon reakʼ debdạru darekoe joma.’

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Jesaea 33:6

Piṛhi cetan piṛhi uni do onkoren rurukhiyạyicʼ, babańcaoicʼ, ạkil ar buj reakʼ daṛe kanae. Probhu Isor botoraege onkoakʼ dhon do.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Kạhtukko 9:11

Buj doe menede, “Iń hotete am do ḍher dinem bahaokʼa, ar bochor reakʼ dinkoge juṭucʼama.

Kạhtukko 2:11

Amakʼ boge bạṛicʼ bujhạu reakʼ daṛegeye rukhiyạmea, ar buj do ame pahramea.

Sereńko 57:1

Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Jobakʼ 1:10

Am do cetʼ uni beṛhaete ar uniyakʼ oṛakʼ ar okako menakʼtae ona beṛhaete cetʼ bam esetʼ ạcurakadea? Am do unim bhor akawadea, onate uniren ạsul janwarkote disạm do perecʼ akana.

Dosar Biboron 32:47

Ape lạgitʼ noa do ạuṛi katha baṅkana, menkhan apeakʼ jion kangea. Jordan gaḍa tinrepe paromokʼa ar ona disạmpe dokhola unre noako kathape dohoya ar ḍher din jiwetʼpe tahena.”

Jesaea 30:2

Iń sãote sopolha baṅkate Misorteko calakʼ kana; onko do goṛo ńam lạgitʼ Pharaoakʼ asrayko hataoeda ar Misor reakʼ umulreko hirlạkʼ kana.

Kạhtukko 14:20

Reṅgecʼ hoṛ do acʼren peṛako hõ bako kusiwaea, menkhan kĩsạ̃ṛ hoṛren do aema gateko tahena.

Sosolhayic̕ 2:13

Ińiń ńelkeda, ńut khon marsal cetʼleka sorosge, onkage bebuj khon ạkil hõ sorosgea.

Sosolhayic̕ 7:19

Gel goṭecʼ disạm cakʼlaoko nagraha tinạkʼ bako daṛe ocoy ạkil do mitʼṭen ạkilanicʼ hoṛ ona khon hõ bạ̃ṛtiye daṛe ocoyea.

Sosolhayic̕ 9:16

Onateń menkeda, “Daṛe khon ạkilge sorosa,” Menkhan reṅgecʼ hoṛkoakʼ ạkil do nihạ̃tokʼ kana ar uniyakʼ katha do celege bako ańjomleda.

Sosolhayic̕ 9:18

Lạṛhại reakʼ sajbaj khon ạkil do sorosgea, menkhan mitʼṭen kại hoṛ do ạḍi utạr boge kạmiye bạṛija.

Sosolhayic̕ 10:19

Bhoj daka do rạskạ ocome lạgitʼ; darkha rasa do jiwi hulạs ocoy lạgitʼ; ar ṭaka-poesa do sanamakʼe jogaoa.