Sosolhayic̕ 6:7 - সান্তালী বাইবেল

⁷ Manwawakʼ joto lekan khaṭaoakʼ do uniyakʼ lacʼ lạgitʼ kana, enhõ uniyakʼ reṅgecʼ do tishõ baṅ cabakʼtaea?

Sosolhayic̕ 6:7 Referans Kwoze

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Kạhtukko 16:26

Reṅgecʼ do manwa artetʼgeye khaṭao ocoyea; ar uniyakʼ reṅgecʼ iạteye onka ocoyea.

Mathae 6:25

“Noa iạteń metapekana, bańcao tahen lạgitʼ cetʼpe joma se cetʼpe ńũiya se hoṛmo lạgitʼ cetʼpe horokʼ-bandea ona do alope dạndikʼa. Jiwi do eken jom ar ńũi lạgitʼ do baṅkana, ar hoṛmo hõ horokʼ bandekʼ lạgitʼ do baṅa.

Luk 12:19

Ar ińakʼ jiwiń metawakʼa, E jiwi ḍher bochor lạgitʼ bae dohoakan acel pacel dhon menakʼtama. Onate ma jirạukʼjoṅme, jomme, ńũiyme ar hesecʼ sekrecʼjokʼte din ṭalaome.’

Sosolhayic̕ 6:3

Jãhãe hoṛren mitʼsae hopon ar hoponerako tahentae ar ḍher din jiwetʼe tahen, menkhan jionre suk bae bhog ar lek leka topa hõ bako topaye enḍekhan jãhãtinạkʼ bochorge jiwetʼe tahen ińiń menkea ona khon bickom gocʼ hopon ar hoponerakoakʼ janamge bhagekokʼa.

Sosolhayic̕ 5:10

Okoe hoṛ ṭaka poesae dulạṛetʼkan uni do ṭaka poesate tisge bae bikʼa. Okoe hoṛ dhon duribe dulạṛetʼkan uni do acʼakʼ arjaoakʼte tisge bae tirpitokʼa. Noa hõ ạuṛiyakʼgea.

Sosolhayic̕ 6:8

Lelha hoṛ khon ạkilan hoṛ do cetʼteye sorosa? Eṭakʼko samaṅre cetʼleka calakʼ hoyokʼ onae baḍaekate mitʼṭecʼ reṅgecʼ hoṛakʼ do cetʼ porho?

Sosolhayic̕ 1:8

Jotowakʼge ạcur ạcurte hijukʼa ar nijorokʼ kana; onako manwa do bae lại caba daṛeakʼa. Mẽtʼ do ńeńelte bae tirpidokʼa, ar lutur hõ ańjomte baṅge perejokʼa.

Sosolhayic̕ 5:9

Enhõ cas reakʼ jumiko rukhiyại lạgitʼ mitʼṭen raje tahẽlen khan disạm lạgitʼ do bhage hoyokʼa.