Sosolhayic̕ 6:3 - সান্তালী বাইবেল

³ Jãhãe hoṛren mitʼsae hopon ar hoponerako tahentae ar ḍher din jiwetʼe tahen, menkhan jionre suk bae bhog ar lek leka topa hõ bako topaye enḍekhan jãhãtinạkʼ bochorge jiwetʼe tahen ińiń menkea ona khon bickom gocʼ hopon ar hoponerakoakʼ janamge bhagekokʼa.

Sosolhayic̕ 6:3 Referans Kwoze

Jobakʼ 3:16

Okoe bale gidrạ siń reakʼ marsal bae ńelakatʼ, lacʼre gocʼ akan uni bale gidrạ leka otre cedakʼ bạń hosor giḍi ocolena?

Jirimiạ 22:19

Gadha cetʼ lekae topa ocokʼ onkage uni hõe topa ocokʼa; uni do Jerusalem reakʼ phaṭok duạr bahrete or idikateko giḍikaea.”

Sosolhayic̕ 4:3

Menkhan nukin bana hoṛ khon uniyakʼ obosta do arhõ bhagegea okoe ńit hõ ạuriye janamokʼ ar siń cando latarre behokakʼko ạuriye ńel.

2 Rapajko 9:35

Menkhan hoṛko do uni topaye lạgitʼko senen khan bohokʼ khạpri, ti ar jaṅga chaḍa ar cetʼge bako ńamletʼtaea.

Genesis 47:9

Jakobe menkeda, “Noa dhạrtire thoṛa dinren hoṛ lekate ińakʼ umer do mitʼ sae pegel bochor paromena. Menkhan onako din reakʼ lekha do ḍher din baṅkana, ona do duktege parom akana. Tobe thoṛa dinren hoṛ lekate ińren hapṛamko tinạkʼ dinko khemao akatʼ unạkʼ din iń do bạń khemao akada.”

Mathae 26:24

Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoykokʼtaea.”

Jirimiạ 36:30

Ona iạte am reaṅ iń Probhu Isorgeń meneda, Dạudakʼ siṅghạsonre duṛubokʼ lạgitʼ amren do celege jiwetʼ bako tahena; amakʼ mạ̃ṛĩ do bahrete giḍi ocokʼa siń reakʼ setoṅ lạgitʼ ar ńindạ reakʼ rataṅ lạgitʼ.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Kạhtukko 17:6

Goṛom gidrạko do haṛam hoṛkoren mukuṭ leka, ar baba do acʼren hoponkoren ṭhonok kanako.

Sereńko 58:8

Cetʼleka goṅgha do calakʼ calakʼtegeye chanokʼkan onkage onko hõko chanokʼma; onko do eṅgatakʼ kukhire gocʼ akan gidrạ lekanako one okoe do marsal bako ńelńam.

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Ester 5:11

Ona tayom uni do onko ṭhen acʼakʼ dhon durib reakʼ katha, acʼren hoponkoakʼ katha, ar oka pontha iạte raj ṭhen khon manote ńamketʼ ar cekate eṭakʼ cetan hudạren hoṛko ar kạmiyạko khone maraṅ ocoyena ona joto katha do gorbokate lại akoe ehopʼena.

2 Bõsbudạ 11:21

Rehobiam do acʼren eṭakʼ bạhuko ar chuṭi erako khon Absalomren hoponera Maka do ạḍi bạ̃ṛtiye dulạṛede kan tahẽkana. Uniren do jotote gel irạl bạhuko ar turui gel chuṭki erako, bargel irạl hoponko ar turui gel hoponerako tahẽkantaea.

1 Bõsbudạ 28:5

Uni do aema hoponkoe emadińa, ar onko hoponińko modre Probhu Isorakʼ rajosṭi Israelakʼ siṅghạsonre duṛubokʼ lạgitʼ uni do ińren hopon Solomone bachao akawana.

2 Rapajko 10:1

Samariạre Ahabren eaegel hoponko tahẽkana. Jihu do ciṭhi olkate Samariạte Jisriyelren subedarko ṭhen, murubbiko ṭhen ar Ahabren bõs rurukhiyạko ṭhene kolkeda. Uniye olkeda,

Genesis 33:5

Tayomte Esau do onko maejiu ar gidrạko secʼe beṅgetʼketʼteye kulikedea, “Am sãote noko doko okoe kana?” Jakobe menkeda, “Isor do dayate amren guti noko gidrạkoe emakadea.”

Sosolhayic̕ 6:4

Uni gocʼicʼ hopon do khamakha hecʼkate ńutrege bidại hataokea ar ńutrege uniyakʼ ńutum do dapalkokʼa.

Jobakʼ 3:11

“Cedakʼ lacʼre tahenrege bạń gocʼlena? Kukhi khon oḍoktora cedakʼ bạń gocʼlena?