Sosolhayic̕ 6:2 - সান্তালী বাইবেল

² Isor do jãhãe manwa nunạkʼ dhon, sompotti ar manote danae kana, one uni khojogokʼakʼ cetʼge baṅ tahenkan, menkhan Isor do suk bhog lạgitʼ ektiạri bae emakawadea, menkhan eṭakʼ mitʼ hoṛ do ona reakʼ suke joma. Noa do ạḍi duk reakʼ kangea, ar ạuṛiyakʼgea.

Sosolhayic̕ 6:2 Referans Kwoze

Sosolhayic̕ 5:19

Ona chaḍa Isor do tinre manwa dhon duribe danaea unre uni do ona jom lạgitʼgeye danae kana, uni do apnarakʼ kạmikate hesecʼ sekrecʼjokʼ lạgitʼ mitʼ hĩse emaekana. Noa jotoge Isorakʼ dan kana.

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Sereńko 73:7

Itil iạte onkoakʼ mẽtʼ do lonḍo lonḍo caba akantakoa; onkoakʼ mon reakʼ bạṛicʼ hudisko do sareṛ akana.

1 Rapajko 3:13

Ona chaḍa am oka bam koeyakatʼ ona hõń emam kana. Iń do nonkan dhon-durib ar manotiń emama one am lahaten cele rajakʼge baṅ tahẽkan ar am tayom hõ baṅ tahentakoa.”

Rak̕joṅ 5:2

Aleakʼ ạidạriko do bidisiạkoakʼ tire jimạ akana, ar aleakʼ oṛakʼ do eṭakʼ jạtren hoṛko em ocoakana.

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

Hosea 7:9

Bidisiạko do uniyakʼ daṛeko jom akatʼtaea, menkhan uni do ona bae bujhạu daṛeakʼkana. Uniyakʼ bohokʼ reakʼ upʼ do hanḍe nanḍe ponḍ akantaea, ar ona hõ bae kheyal akada.

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Sosolhayic̕ 5:16

Niạ hõ ạḍi duk reakʼ bepar kana, manwa cetʼlekae hijukʼ onkage ruạṛ calakʼ hoyokʼtaea; onate uniyakʼ lab do cetʼtae? Uni do hoe lạgitʼgeye khaṭaokʼ kana.

Sosolhayic̕ 4:8

Mitʼṭen hoṛ doe eskargea-uniren do gidrạ hõ bạnukʼkotaea; ar boeha hõ bạnukʼkotaea; enhõ uniyakʼ khaṭaokʼ reakʼ ses do bạnukʼtaea ar dhon duribte hõ mẽtʼ do baṅ tirpitokʼ kantaea. Uni doe kuliyana, “Okoe lạgitʼ iń khaṭaokʼ kana? Ar hesecʼ sekrecʼjokʼ khon do cedakʼ iń pharak akana?” Niạ do ạuṛiyakʼgea, ar haron bạḍkana.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

2 Bõsbudạ 1:11

Unre Isor do Solomone metadea, “Amakʼ mon reakʼ sana do bhagegea. Am do dhon-durib, sonman se bạirikoakʼ gujukʼ hõ bam khoj akada, se ḍher dinem bahaokʼ reakʼ hõ bam khoj akada. Ona khon boroṅ amren okoe hoṛko cetanreń raj akatʼme onko ḍanṭaoko lạgitʼ bud ar ạkilgem khoj akada.

1 Bõsbudạ 29:28

Uni do ḍher bochor jiwetʼ tahẽkanre dhon ar mane arjawan tahẽkana ar ạḍi haṛam umerreye gocʼena. Uniren hopon Solomon do acʼ apat bodolteye rajena.

1 Bõsbudạ 29:25

Probhu Isor do sanam Israelkoakʼ mẽtʼre Solomone maraṅkedea ar nonkan ṭhonoke danadea noa lahare Israelren cele rajge bako ńamleda.

Bikʼcạrko 18:10

Arpe senlen khangepe ńela, onḍenko hoṛ do mitʼṭecʼ maraṅ jaegare khạtirjomako girobasokʼ kana. Isor do apeakʼ tire ona jaegae jimạ akawatʼpea. Ar dhạrti reakʼ okaṭakʼ reakʼ okulạn hõ onḍe do bạnukʼ anaṅ.”

Dosar Biboron 28:43

“Ape talare girobasokʼan eṭakʼ jạtren hoṛ do ape khonko usulokʼa ar ape dope copotʼ ocokʼa.

Dosar Biboron 28:33

Bin oprom jạtren hoṛko do apeakʼ jumi reakʼ phosol ar apeakʼ khaṭaoakʼ reakʼ kuṛạiko joma ar ape do jiwetʼ jonompe santao ocokʼa.

Sosolhayic̕ 5:13

Siń cando latarre mitʼṭecʼ ạḍi bạṛicʼakʼ iń ńel akada- kisạ̃ṛ hoṛ do ḍher dhonko doho jogaogea menkhan sesre ona reakʼ do lokshan hoyokʼa.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Sosolhayic̕ 5:18

Ona tayomiń bujhạukeda, siń cando latarre manwa tinạkʼ din jiwetʼe dohoyede onate jom-ńũ ar kajak khaṭao talate tirpitokʼ tahenge uni lạgitʼ do bhage ar lek kana, ente uniyakʼ kuṛại do ona kangea.