Sosolhayic̕ 5:8 - সান্তালী বাইবেল

⁸ Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Sosolhayic̕ 5:8 Referans Kwoze

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Sosolhayic̕ 3:16

Iń do siń cando latarre ar mitʼṭen bepariń ńelkeda, hok bicạr ar dhorom jaegare hõ bedhorom do menakʼgea.

Sereńko 82:1

Isor do acʼakʼ bạisi talareye teṅgo akana; uni do disạm cakʼlaoko tala khon onkoe bicạretʼkoa are hukumako kana;

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Luk 1:76

E bachatiń, am do coṭ utạricʼ Isorren nạbiyem ńumogokʼa, ente am do uniyakʼ hor tear lạgitʼ uni laha lahatem calakʼa.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Luk 1:32

Uni do maraṅe hoyokʼa. Ar maraṅ Isorren Hopone ńumogokʼa. Probhu Isor do uniren hapṛam Dạudakʼ siṅghạsone emaea.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Sakariạ 8:6

Ar okako hoyokʼ ona do noko jạtren sarecʼ jiwetʼ tahen hoṛko ṭhen do oho hoedaṛelena mente hudiskokʼa, menkhan iń ṭhen baṅ hoyokʼakʼ do bạnukʼa. Iń phạdkoren Probhu Isorge noa katha doń meneda.

Mikạ 2:9

Ińren hoṛkoren maejiuko do onkoakʼ oṛakʼ duạr khonpe laga ńiretʼkoa. Ińakʼ bhor khon onkoren hopon ar hoponerako jaejugpe recʼetʼkoa.

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Amos 5:12

Ińiń baḍaea apeakʼ behokʼakʼko do tinạkʼ ḍhertapea ar apeakʼ ghạṭko hõ tinạkʼ bạ̃ṛtitapea mente! Ape do dhorom hoṛpe santaoetʼkoa ar ghuspe jomeda; ar nagraha reakʼ phaṭok duạr ṭhen reṅgecʼ hoṛkoakʼ hok reakʼ do bape bicạretʼa.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Jesaea 3:15

Cetʼ iạte ińren hoṛ dope lebetʼ kucạ akatʼkoa ar reṅgecʼ hoṛ dope lebetʼ gańjao akatʼkoa?” Niạ katha do phạdkoren Probhu Isorgeye meneda.

Kạhtukko 8:17

Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.

Sereńko 95:3

Probhu kangea maraṅ Isor do; sanam debotako cetanre uni kangeae maraṅ raj.

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Sereńko 55:9

E Probhu Isor, onko do marao cabakom, onkoakʼ roṛ do gaḍbaḍao ocoytakome; ente nagrahare iń do jor julum ar lạṛhạiyiń ńel akada.

1 Johan 3:13

E boehako, dhạrtiren hoṛko kurudapere ape do alope hahaṛakʼa.

1 Patras 4:12

E gateko, ńitokʼ do biḍạu seṅgel talate calakʼ hoyokʼ kantapete hahaṛakʼ tulucʼ alope hudisa je, apere ạnạṛi jãhãnakʼ hoyokʼkana mente.

Romiko lạgitʼ Pạul Apostolakʼ ciṭhi 11:33

Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Kạhtukko 24:12

Amem menle khan, “Ale do cetʼge bale baḍaea,” Menkhan okoe mone tulạ aṭkaretʼ uni do cetʼ amakʼ katha bae baḍaea? Okoe amakʼ jiwiye rukhiyạyetʼ uni do cetʼ ona bae baḍaea? Uni do mimitʼ manwako akoakʼ kạmi leka kuṛại do cetʼ bae emakoa?

Sosolhayic̕ 5:9

Enhõ cas reakʼ jumiko rukhiyại lạgitʼ mitʼṭen raje tahẽlen khan disạm lạgitʼ do bhage hoyokʼa.

Sosolhayic̕ 7:7

Ạkilan hoṛe julum khan uni do bebujicʼ lekae hoyokʼa, ar ghus do buje nosṭoea.

Sosolhayic̕ 8:9

Siń cando latarre jãhãnakʼge hoyokʼ ona ạribạndhi kateń ńelkeda, mitʼṭen hoṛ do eṭakʼko cetanre ektiạriye calaoeda ar onate onkoe duk ocoyetʼkoa.

Jeheskel 18:18

Menkhan uniren apattetʼ do apnarakʼ kại iạtegeye gujukʼa, ente uni do jor julumkate ṭakae ạdạiyetʼ tahẽkana, boehawakʼ jiniskoe kombṛoyetʼ tahẽkana ar acʼren hoṛko talare behokakʼe kạmiyetʼ tahẽkana.

2 Bõsbudạ 26:10

Uniren do latar buru ṭoṭhakore ar bilạn ṭạnḍikore ạḍi utạr ạsul janwarko tahẽkantaea; ar onate uni do hahaṅkarre usul usul pahra oṛakʼkoe benaokeda ar aema kuńkoe la ocokeda. Uniren hoṛko do bhage hasareko cas abadetʼ tahẽkana ar burure darkha bagwanko benaoetʼ tahẽkana, ente uni do cas baskoe kusiyakʼkan tahẽkana.

Jobakʼ 24:23

Uni do bedhoromko khạtirjomae jirạu ocokoa, menkhan uniyakʼ mẽtʼ do onkoakʼ hore ńel horetʼtakoa.