Sosolhayic̕ 5:2 - সান্তালী বাইবেল

² Amakʼ mocate katha do usạrate alom roṛgoda; ar Isor ṭhen hako pako jãhãnakʼ katha hõ alom roṛa. Isor do sermare menaea ar am do dhạrtire, onate amakʼ katha do jemon thoṛage hoyokʼ.

Sosolhayic̕ 5:2 Referans Kwoze

Mathae 6:7

“Apepe koejoṅre boṅgan hoṛ jạtrenko leka ạuṛiyakʼ do alope boktaokʼa. Ente onko doko hudisa, bạ̃ṛti katha roṛle khan Isor do koejoṅe ańjomtakoa.

Kạhtukko 10:19

Ḍher kathare bedhorom do baṅ okulạnokʼa, menkhan okoe mocae ḍanṭaoetʼtae uni doe budangea.

Jesaea 55:9

Sermako cetʼleka dhạrti khon ḍher coṭge, onkage ińakʼ horko hõ apeakʼ horko khon ḍher sạṅgińgea, ińakʼ hudisakʼko hõ apeakʼ hudisakʼko khon ḍher coṭgea.

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

Sosolhayic̕ 5:7

Ḍher kukmu ńel ar ḍher katha roṛ do ạuṛiyakʼgea, menkhan am do Isor botoraeme.

Genesis 18:27

Abrahame menkeda, “Ńelme, dhuṛi ar torocʼ chaḍa am samaṅre iń do celegeń baṅkana, enhõ iń do dilkate ińren Probhu Isor sãote kathań roṛeda.

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

Sosolhayic̕ 5:3

Ḍher bhabna cintạ tahẽlen khan hoṛko cetʼleka kukmũko ńel onkage ḍher katha roṛle khan bebujtetʼ hõ oḍok hijukʼa.

Kạhtukko 20:25

Begor hudiste usạrate Probhu Isor lạgitʼ jãhãnakʼ manotakʼ do manwa lạgitʼ jhampa kangea.

Genesis 28:20

Noa tayom Jakob do kiriạkateye menkeda, “Ińakʼ noa daṛan horre ińe rukhiyạyiń, ar ińakʼ horokʼ lạgitʼ kicricʼe imạń,

Sereńko 115:3

Aboren Isor do sermare menaea; uni do acʼakʼ sana lekageye kạmikana.

Genesis 18:32

Unre Abrahame menkeda, “Ińren Probhu Isor do alo baṛeye ạṛisokʼma, iń do ar mitʼ dhaoiń meneda, onḍe eken gel hoṛko ńamokʼ?” Uniye menkeda, “Onko gel hoṛko iạte iń do ona nagraha bạń maraoa.”

Genesis 18:30

Abrahame menkeda, “Ińren Probhu Isor do ińakʼ kathate aloe ạṛisokʼma. Onḍe jodi pegel dhorom hoṛko ńamokʼ?” Uniye menkeda, “Pegel dhorom hoṛko ńamlen khan ona do bạń maraoa.”

Bikʼcạrko 11:30

Jiptha do niạ menkate Probhu Isor ṭhen mitʼṭecʼe manotketʼteye menkeda, “Ińakʼ tire Amonrenkom jimạleko khan Amonrenko sãote lạṛhạire jitạukate oṛakʼ iń ruạṛ hijukʼre daramiń lạgitʼ okoeye oḍok hijukʼ unige Probhu Isorrene hoyokʼa. Ar unige mitʼṭecʼ jeredokʼ samaṅokʼakʼ menteń samaṅea.”

Mark 6:23

Herod do kuṛi ṭhen kiriạyenteye menkeda, “Jãhãnakʼgem koeyeń onageń emama, metakʼme ińakʼ adha rajosṭi hõń emama.”

Genesis 28:22

Ar noa dhiri oka do cinhạ khunṭi lekań teṅgoketʼ nonḍege Isorakʼ oṛakʼ do hoyokʼa. E Isor, jãhãnakʼgem imạń ona reakʼ gel hĩs reakʼ mitʼ hĩs do amiń emama.”

Levitikus 5:4

“Begor sontorteye kiriyạkʼ nonkan jãhãnakʼ reaṅ jãhãe begor hudiskate boge-bạṛicʼe kiriạkʼ enḍekhan begor baḍaeteye onka akatʼre hõ uni do dusireye paṛaokʼa.

Sosolhayic̕ 10:12

Ạkilan hoṛakʼ moca kathare do daya menakʼa, menkhan bebujicʼ do acʼakʼ moca kathateye marao ocokʼa.

Sosolhayic̕ 10:13

Uniyakʼ katha reakʼ etohopʼrege bebujtetʼ tahenkana, ar mucạtʼre do purạte lelhatetʼ tahenkana.