Sosolhayic̕ 5:18 - সান্তালী বাইবেল

¹⁸ Ona tayomiń bujhạukeda, siń cando latarre manwa tinạkʼ din jiwetʼe dohoyede onate jom-ńũ ar kajak khaṭao talate tirpitokʼ tahenge uni lạgitʼ do bhage ar lek kana, ente uniyakʼ kuṛại do ona kangea.

Sosolhayic̕ 5:18 Referans Kwoze

Sosolhayic̕ 2:24

Enḍekhan manwa lạgitʼ jom-ńũ ar apnarakʼ kạmire rạskạjoṅ chaḍa bhage ar cetʼge bạnukʼa. Ińiń ńelkeda niạ sanamakʼ do Isor ṭhen khonge hijukʼ kana,

Sosolhayic̕ 3:22

Onateń ńelkeda, nijakʼ kạmire rạskạkʼ chaḍa ar bhage jãhãnakʼ do manwa lạgitʼ bạnukʼa. Onage uniyakʼ kuṛại do, ente uniyakʼ gujukʼ tayom cetʼ hoyokʼtae ona do okoeye udukʼ daṛekea?

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Sosolhayic̕ 8:15

Onate iń do jion reakʼ rạskạkʼ iń sarhaokeda, ente siń cando latarre jom-ńũ ar rạskạ chaḍa manwawakʼ bhage mente do ar cetʼge bạnukʼa. Enḍekhan siń cando latarre Isor emakʼ manwa jion reakʼ dinkore uniyakʼ kạmire rạskạge uniren gate do.

Sosolhayic̕ 2:10

Ińakʼ mẽtʼre oka bhageakʼ iń hudisetʼ tahẽkan onageń kạmiyetʼ tahẽkana; ar joto lekan rạskạwakʼregeń seletʼ mitʼlena. Jotowakʼ kạmirege mon do kusikʼkan tahẽkana, ar niạge ińakʼ sanam khaṭaoakʼ reakʼ kuṛại tahẽkana.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Jirimiạ 52:34

Ar tinạkʼ din jiwetʼe tahẽkan unạkʼ din raj do din hilokʼ mitʼṭecʼ bhata lekae emaekan tahẽkana.

1 Korinthiko 16:16

Onate ape hõ nonkan hoṛko ṭhen gobolokʼ lạgitʼ iń nehõrape kana. Ar tinạkʼ do kạmireko gokʼṛokan, arko khaṭaokʼkan onko ṭhen hõ gobolokʼpe.

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 26:11

Ape ar gharońjrenko Probhu Isor oka bhage bhageakʼ jiniskoteye bhor akawatʼpe onate ape do, Liwiko ar ape talare menakʼko upriạ hoṛko sãotepe rạskạ joṅa.

Sereńko 42:8

Sińre Probhu Isor do acʼakʼ asambheṛ dulạṛ ińreye duleda; ar ńindạ do jionren Isor ṭhen ińakʼ koejoṅ ar uniyakʼ sarhao sereńge ińren gate doe hoyokʼkana.

Sosolhayic̕ 2:3

Iń do ạkilte ạyur ocokʼ tulucʼge darkha rasa ńũkate hoṛmoń loloketʼtińạ ar bebuj leka kạmikate apnartetʼ kusikʼ reakʼ iń kurumuṭukeda. Iń do ńeńel iń menana, serma latarre manwawakʼ thoṛa din reakʼ jionre uni lạgitʼ bhageakʼ do okaṭakʼ kana- ạkil horte senokʼ se bebuj horte calakʼ.

Sosolhayic̕ 6:2

Isor do jãhãe manwa nunạkʼ dhon, sompotti ar manote danae kana, one uni khojogokʼakʼ cetʼge baṅ tahenkan, menkhan Isor do suk bhog lạgitʼ ektiạri bae emakawadea, menkhan eṭakʼ mitʼ hoṛ do ona reakʼ suke joma. Noa do ạḍi duk reakʼ kangea, ar ạuṛiyakʼgea.