Sosolhayic̕ 5:16 - সান্তালী বাইবেল

¹⁶ Niạ hõ ạḍi duk reakʼ bepar kana, manwa cetʼlekae hijukʼ onkage ruạṛ calakʼ hoyokʼtaea; onate uniyakʼ lab do cetʼtae? Uni do hoe lạgitʼgeye khaṭaokʼ kana.

Sosolhayic̕ 5:16 Referans Kwoze

Sosolhayic̕ 1:3

Siń cando latarre manwa okae khaṭaokʼkan ona khaṭaokʼ reakʼ porho do cetʼ tae?

Kạhtukko 11:29

Okoe acʼakʼ gharońjre bạṛicʼakʼe ạguiyetʼ unire do hoe chaḍa ar cetʼge baṅ tahena; ar bebujko do ạkilan hoṛren golamko hoyokʼa.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Mark 8:36

Jãhãege goṭa dhạrtiye labte acʼakʼ jiwiye khuạutae enḍekhan cetʼ porho hoyokʼtaea?

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jesaea 26:18

Ale dole bhạrti hoṛmo akana, ar bedontele eṛseń toṛseń baṛaekana, menkhan ale do hoegele janam akada. Ar ale hotete disạm do baṅ rukhiyạlena, dhạrtiren hoṛ hõ ale hotete jion do bako ńamleda.

Sosolhayic̕ 5:13

Siń cando latarre mitʼṭecʼ ạḍi bạṛicʼakʼ iń ńel akada- kisạ̃ṛ hoṛ do ḍher dhonko doho jogaogea menkhan sesre ona reakʼ do lokshan hoyokʼa.

1 Samuel 12:21

Uni khon do alope sạṅgińokʼa, entepe onkale khan ape do eṛe debotako ṭhenpe calakʼa. Onko doko ạuṛiyakʼgea ar bako bhạlại daṛeapea onko do rukhiyạ hõ bako rukhiyạ daṛeapea.

1 Korinthiko 16:16

Onate ape hõ nonkan hoṛko ṭhen gobolokʼ lạgitʼ iń nehõrape kana. Ar tinạkʼ do kạmireko gokʼṛokan, arko khaṭaokʼkan onko ṭhen hõ gobolokʼpe.

Sosolhayic̕ 2:11

Enhõ okakoń ceka akatʼ ar oka ńam lạgitʼ iń khaṭaolen ona secʼ tinreń ạribạndhikeda unreń ńelkeda jotowakʼge ạuṛiyakʼ kana. Noako sanamakʼ do eken hoe tayomte ńir calakʼkan chaḍa ar cetʼge baṅkana. Siń cando latarre okaṭakʼge porhowanakʼ do baṅkana.

Sosolhayic̕ 3:9

Okoeye kạmikan uni do cetʼ acʼakʼ khaṭaokʼakʼ reakʼ jo bae ńama?