Sosolhayic̕ 5:13 - সান্তালী বাইবেল

¹³ Siń cando latarre mitʼṭecʼ ạḍi bạṛicʼakʼ iń ńel akada- kisạ̃ṛ hoṛ do ḍher dhonko doho jogaogea menkhan sesre ona reakʼ do lokshan hoyokʼa.

Sosolhayic̕ 5:13 Referans Kwoze

Genesis 19:14

Unre Lot do bahrete senkate acʼren okoe jãwãe goṅkekin hoyokʼ onkine metatʼkinạ, “Usạrate noa jaega khon dela oḍok hijukʼben, Probhu Isor do noa nagraha ḍahao marao lạgitʼe sapṛao akana.” Menkhan unkin dokin hudiskeda uni doe khiloḍ kana.

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Sosolhayic̕ 8:9

Siń cando latarre jãhãnakʼge hoyokʼ ona ạribạndhi kateń ńelkeda, mitʼṭen hoṛ do eṭakʼko cetanre ektiạriye calaoeda ar onate onkoe duk ocoyetʼkoa.

Sosolhayic̕ 4:8

Mitʼṭen hoṛ doe eskargea-uniren do gidrạ hõ bạnukʼkotaea; ar boeha hõ bạnukʼkotaea; enhõ uniyakʼ khaṭaokʼ reakʼ ses do bạnukʼtaea ar dhon duribte hõ mẽtʼ do baṅ tirpitokʼ kantaea. Uni doe kuliyana, “Okoe lạgitʼ iń khaṭaokʼ kana? Ar hesecʼ sekrecʼjokʼ khon do cedakʼ iń pharak akana?” Niạ do ạuṛiyakʼgea, ar haron bạḍkana.

Kạhtukko 11:4

Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Kạhtukko 1:32

Lelha hoṛ do muhinteko calakʼge onkoakʼ gujukʼ reakʼ karon do hoyokʼa, bebujko do akoakʼ nicindokʼgeye ḍahao maraokoa;

Kạhtukko 1:19

Bạṛicʼ upạite jãhãnakʼ lab lạgitʼ okoeko dạdạrkan onko sanamkoakʼ dosa do onkage hoyokʼtakoa; ar okako lab onate onkoakʼ jion do nosṭokʼtakoa.

Genesis 14:16

Uni do luṭakʼ sanam jiniskoe ruạṛ ạgukeda ar acʼren bhạcạt koṛa ar uniyakʼ dhon duribko hõe ruạṛ ạguketʼtaea. Ona sãote maejiuko ar eṭakʼ sanam hoṛko hõe chaḍao ạguketʼkoa.

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

Genesis 19:26

Lotren bạhu do tayomreye tahẽkana ar uni do tayom secʼe koyokʼ ruạṛkeda, ar onate uni doe buluṅ ḍhipiyena.

Jobakʼ 20:20

“Uni do jao oktegeye hạ̃sakʼ kana, ona iạte cetʼge bae rukhiyạ doho daṛeakʼ kana.

Sosolhayic̕ 5:14

Jãhãnakʼ ghoṭonare paṛaokate ona do caba utạrokʼa. Onate uniren hopon lạgitʼ do ar cetʼge baṅ tahena.

Kạhtukko 23:4

Dhon lab lạgitʼ do alom dhãoṛa dhạ̃uṛi baṛaea; ar noa lạgitʼ amakʼ budre hõ alom bhorsakʼa.

Kạhtukko 27:24

ente dhon do jaejug baṅ tahena, raj mukuṭ hõ piṛhike piṛhi do baṅ tahena.