Sosolhayic̕ 5:1 - সান্তালী বাইবেল

¹ Isorakʼ oṛakʼte bolokʼ jokhecʼ sontorte taṛamme. Okoe apnarakʼ behokakʼ bae bujhạu akatʼ uni bebujicʼ leka samaṅokʼakʼ porob manao khon bickom Isorakʼ bataotaege bhagea.

Sosolhayic̕ 5:1 Referans Kwoze

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Sereńko 89:7

Sonot goḍetkoakʼ bạisire sanamkoge Isor do botor arko bhoktiaea; uni beṛhaeten sanamko khon uni kangeae ḍher botoranicʼ do.

Josuạ 5:15

Probhu Isorren palṭon dolren senapotiye roṛ ruạṛkeda, “Amakʼ jaṅga reakʼ kharpa bojtam, ente am oka ṭhạ̃irem teṅgo akan ona do sonotgea.” Ar Josuạ do kharpae bocʼketʼtaea.

Exodus 3:5

Probhu Isore menkeda, “Ar alom sorokʼa. Amakʼ jaṅga reakʼ panahe bojtam. Ente am do sonot ṭhạ̃irem teṅgo akana.

Ibriko 10:26

Isorakʼ sạriyakʼtetʼ baḍaekate hõ dikhitege bon kại khan, enḍekhan kại ńutumte ar jãhãn dãṛẽ do bạnukʼ anaṅ;

1 Korinthiko 11:22

Jom ńũi lạgitʼ apeakʼ oṛakʼ do cetʼ bạnukʼtapea? Se Isorakʼ manḍerkope nihạ̃teda ar okoeyakʼ cetʼge bạnukʼtako onkope lajao ocoyetʼkoa? Iń do cetʼiń metapea? Noa iạteń sarhaopea? Khạṭige baṅa.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Aposkạmi 17:11

Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

2 Bõsbudạ 26:16

Usiại keṭecʼ idiyen khan uniyakʼ monre bạḍại boloyena ar onate uni doe ńurena. Uni do Probhu Isorakʼ oṛakʼre bolokate dhudhup pinḍre dhup jeredkate Probhu Isor upạrteye kạikeda.

Exodus 30:18

“Ti-jaṅga ạbukokʼ lạgitʼ pitạl reakʼ mitʼṭecʼ hanḍha ar ona doṛomkakʼ lạgitʼ pitạl reakʼ mitʼṭecʼ ganḍom benao ocoya. Ńapamokʼ tạmbu ar pinḍ reakʼ adha ṭhạ̃ire onam doṛom ocokoa ar onare dakʼem dohoya.

Jobakʼ 11:2

“Niạko reakʼ roṛ ruạṛ do cetʼ baṅ emogokʼa? Mocawan hoṛ do cetʼ dhorome ṭarhaokokʼa?

Jobakʼ 22:12

“Isor do cetʼ coṭ sermare bae tahẽnkana? Ipilko ńelkom, tinạkʼ coṭre menakʼkoa!

Kạhtukko 10:19

Ḍher kathare bedhorom do baṅ okulạnokʼa, menkhan okoe mocae ḍanṭaoetʼtae uni doe budangea.