Sosolhayic̕ 3:7 - সান্তালী বাইবেল

⁷ oṛecʼ giḍikakʼ okte ar rog lạgitʼ okte, thir hapekokʼ okte ar roroṛ lạgitʼ okte,

Sosolhayic̕ 3:7 Referans Kwoze

Mikạ 7:5

Aḍepaseren hoṛko cetanre bhorsa alope dohoya, ar jãhãe gateko cetanre hõ pạtiạu alope dohoya; hẽ, amakʼ koṛam pheḍreye giticʼkan amren bạhu ṭhen katha hõ sontorte roṛme,

Amos 5:13

Ar onatege budan hoṛ do nonkan oktere thir hape akane tahenkana, ente okte do bạṛicʼgea.

Aposkạmi 4:20

Ạliń do okaliń ńelakatʼ arliń ańjomakatʼ ona begor lạite do ohoge liń tahẽdaṛelena.”

Rak̕joṅ 3:28

Probhu Isorge ona arãṛ do uniye gokʼ akawadea, onate uni do hape akane tahenma.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Ester 7:4

ente ale gocʼle ar marao utạrle lạgitʼte iń ar iń jạtren hoṛko dole ạkhriń akana. Ale do eken guti ar kạ̃ṛmĩ hoyokʼ lạgitʼle ạkhrińlen khan do hape akangeń tahẽkokʼa, ente onkan kosṭo reakʼ katha maharaj baḍae ocoye do lek baṅ tahẽkokʼa.”

Amos 8:3

Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

Jirimiạ 8:14

Nonḍe do cedakʼ bon duṛupʼ akana? Dela, mitʼ sãote ona gaṛ nagrahate bon bolokʼma ar onḍege bon maraokʼ ma, ente aboren Probhu Isor do nosṭokʼ lạgitʼe alae akatʼ bona ar ńui lạgitʼ bis dakʼe em akatʼbona, ente uni upạrte bon kại akada.

Jesaea 36:21

Menkhan hoṛko do hapegeko tahẽyena, cetʼge bako roṛ ruạṛleda, ente Hiskiạ raj do jãhãnakʼ roṛ ruạṛ lạgitʼe baronletʼkoa.

Sereńko 39:2

Menkhan mocań bondketʼ tiń khan, okaṭakʼ bhageakʼkan ona bạń roṛletʼte, ińakʼ mon reakʼ kosṭo do ḍherena.

2 Rapajko 6:30

Maejiuakʼ katha ańjomte raj do acʼakʼ kicricʼe oṛecʼketʼtaea. Uni do unrehõ pạcri cetanreye tahẽkana. Onate hoṛkoko ńelkeda, uniyakʼ horokʼakʼ latarre do gõṛẽ kicricʼteye bande akana.

2 Rapajko 5:7

Unre Israelren raj do ciṭhi paṛhaokate ona or cirạketʼteye menkeda, “Iń do cetʼ Isor kạnạń? Iń do cetʼ gocʼkate arhõ jiwiń em ruạṛ daṛeakʼa? Murhucʼ jom rog khon bogekʼ lạgitʼ cedakʼ uni do iń ṭhen nui hoṛe kolkedea? Ńelpe, uni do iń sãote lạṛhại lạgitʼ susiye ńam bakʼṛakana.”

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

2 Samuel 3:31

Inạ tayom Dạud do Joab ar uni soṅgeten sanam hoṛkoe metatʼkoa, “Ape do apan ạpin kicricʼ oṛecʼkate coṭ horogpe ar homor halaṅate Abnerakʼ mạ̃ṛĩ laha lahate calakʼpe.” Ar Dạud hõ mạ̃ṛĩ gokʼ idikoe pańja idiketʼkoa.

2 Samuel 1:11

Niạ katha ańjomkate Dạud ar uni sãoten hoṛko do akoakʼ kicricʼko oṛecʼketʼtakoa.

Genesis 44:34

Nui koṛa begorte iń do cekate iń baba ṭheniń ruạṛ calakʼa? Ariń onkae khan uniyakʼ duk do ińakʼ mẽtʼte ńeńel hoyokʼtińạ.”

Genesis 44:18

Unre Jihudạ do Joseph ṭhen senkateye menkeda, “Hujur, am do Pharaoakʼ jaegare menama, onate amren golam am ṭhen thoṛa katha roṛ lạgitʼ aṛakʼạńme. Amren golam cetanre alom edrekʼa.

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

Aposkạmi 9:39

Unre Patras do unkin soṅgeteye calaoena. Ar onḍeye seṭeren khan ona cetan koṭha kandhateko idikedea. Unre sanam rạnḍi maejiuko do Patras beṛhaete teṅgokate rarakʼko ehopʼena ar Dorkas jiwetʼe tahẽkanre okako aṅgrop ar eṭakʼ kicricʼkoe benao akatʼ tahẽkan onakoko udukʼadea.

Jirimiạ 36:24

Ar onko do okoehõ bako toraslena raj hõ baṅ ar uniren golamko modren tinạkʼko ańjomketʼ onko hõ baṅ. Ar akoakʼ kicricʼko hõ bako oṛecʼletʼtakoa.

Jobakʼ 2:13

Ar ona tayom do eae siń ar eae ńindạ uni sãote otreko duṛupʼ tahẽyena. Ar uni do cetʼhõ bako metadea, ente uniyakʼ harkhet do ạḍitetʼ maraṅge tahẽkana.

Sosolhayic̕ 3:6

sendra ńam okte ar adokʼ okte, dohoy okte ar giḍikakʼ lạgitʼ okte,

1 Samuel 10:16

Sạul do acʼren kakattetʼe metadea, “Uni do pusṭạuteye metatʼlińạ, gadha eṅga doko ńamakana.” Menkhan uniyakʼ rajokʼ reaṅ Samuel oka kathae men akawade ona do kakattetʼ bae lạiyadea.

2 Rapajko 18:36

Menkhan hoṛko do hapegeko tahẽyena, cetʼge bako roṛ ruạṛleda, ente Hiskiạ raj do jãhãnakʼ roṛ ruạṛe baronletʼkoa.