Sosolhayic̕ 3:2 - সান্তালী বাইবেল

² Janamokʼ okte ar gujukʼ okte, rohoe okte ar totʼ giḍikakʼ okte,

Sosolhayic̕ 3:2 Referans Kwoze

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

Jobakʼ 14:5

Manwakoakʼ bahaokʼ din do niṭ dohoakante; uniyakʼ candoko reakʼ lekhawakʼem ṭhik dohoakada; ar uniyakʼ simạnakom ṭhik dohoakatʼte, uni do ona bae parom daṛeakʼa.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Luk 1:20

Ńelme, ińakʼ katha do okterege purạukʼa, menkhan ińakʼ katha bam pạtiạuatʼte am do guṅgạm tahena. Ar noako ạuri hoyokʼ hạbicʼ katha bam roṛ daṛeakʼa.”

Mathae 15:13

Uniye roṛ ruạṛatʼkoa, “Sermaren ạpuń bae rohoe akatʼ mitʼke mitʼ poha do totʼ giḍi ocokʼa. Onate onkoakʼ katha do bạgiyakʼpe.

Johan 16:21

Maejiu do gidrại janame jokhecʼ kosṭoe ńama, ente uniyakʼ okte do seṭerentaea. Menkhan gidrại janamlere, dhạrtire mitʼṭen nãwã manwae hecʼen reakʼ rạskạte ona kosṭo do ar bae disạea.

Jesaea 38:1

Onako dinre Hiskiạ do gujukʼ dạkhile ruạ kạhil akan tahẽkana. Unre Amosren hopon Jesaea nạbi do uni ṭhen senkateye menkeda, “Probhu Isore meneda, amakʼ oṛakʼ duạr sạriạutam, ente am dom gujukʼgea, ar bam bogekʼa.”

Jobakʼ 7:1

“Niạ dhạrtire manwa do ạḍi khaṭaokʼ lagaoaea, ar din mujuriko leka uni do dine ṭalaoa.

Aposkạmi 7:20

“Ona jokhecʼ Moseye janamena. Uni do ńelokʼte ạḍi mońje tahẽkana. Ar pe cando hạbicʼ acʼren apatakʼ oṛakʼreye ạsul ocoyena.

Aposkạmi 7:17

“Abraham ṭhen Isor okaṭakʼe gokʼletʼ tahẽkan ona purạukʼ reakʼ okte seṭeren khan Misorre aboren hoṛ doko saṅge idiyena.

Johan 7:30

Noa iạte onko hoṛ do Jisu sabeko menetʼ tahẽkana, menkhan un hạbicʼ hõ okte do baṅ hoyakantae tahẽkante okoe hõ bako joṭetʼledea.

Luk 1:36

Ar ńelme, niạ buḍhi umerre amren peṛa Elisabet hõ hoṛmore koṛa gidrại ńam akawana. Hoṛko menetʼ tahẽkana uniren do gidrạge bako hoyokʼtaea, menkhan ńitokʼ do turui candoreye paṛao akana.

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Mathae 13:41

Onko do uniyakʼ rajosṭi khon sanam tạkicʼakʼ ar sanam lekan bedhorom kạmikan hoṛko jarwa mitʼkoa ar jolokʼkan seṅgelreko khadlekoa.

Jirimiạ 45:4

“Probhu Isor do niạ katha am lạiyam lạgitʼe metadińa, ‘iń Probhu Isor do goṭa disạm talare okaṭakʼ iń benaoakatʼ ona doń rạputʼ dhaṅ dhasera ar okań rohoe akatʼ ona doń or totʼ giḍikakʼa.

Jirimiạ 1:10

Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”

Jesaea 54:1

Probhu Isore meneda, “E bạńjhi, one tisge gidrạ bam janam akatʼko, am do rạskạte sereńme; ar am okoe do tishõ bedon baṅ rakapʼ akatʼme, am do hulạsokʼme ar andoṛme; ente jãwãe menaetayicʼ khon bạgi giḍiyicʼren hopongeko saṅgegetaea.

Jesaea 38:5

“Am do senkate Hiskiạm metaea, amren hapṛam Dạudren Probhu Isor do niạ kathae meneda, ‘amakʼ koejoṅiń ańjom akada ar amakʼ mẽtʼ dakʼ iń ńel akada; iń do amakʼ bahaokʼ din arhõ gelmõṛẽ bochor iń jutucʼatʼtama.

Sereńko 113:9

Bạńjhi do gidrạkoren rạskạwạnicʼ gogoye hoyocoyedea ar soṅsar reakʼ purạ ạidạri hõe emaekana. Probhu Isorakʼge sarhao hoyokʼtae ma.

Sereńko 52:5

Menkhan Isor do jaejug lạgitʼe marao giḍikama; uni do ame or ạgumea, amakʼ tạmbu khone chingạu ạgumea, ar jiwetʼkoakʼ disạm khone or totʼ giḍikama. (Sela)

Jobakʼ 14:14

Manwa gujukʼ tayom do cetʼ arhõe jiwetʼ ruạṛokʼa? Are onkae khan, ińakʼ khaṭaokʼ reakʼ sanam dinkore nãwã arokʼ lạgitʼ ńel hor akae iń tahena, kạmi khon khalasokʼ din ạuri seṭerokʼ hạbicʼ.

2 Rapajko 4:16

Elisaeye menkeda, “Hijukʼkan bochor ṭhik niạ oktere amakʼ hoborre mitʼṭen koṛa gidrại tahena.” Maejiue menkeda, “Baṅa, E ińren mạlik, E Isorren hoṛ, amren kạ̃ṛmĩ do alom eṛeyińạ.”

1 Rapajko 13:2

Uni do Probhu Isorakʼ katha leka pinḍ upạrteye roṛ saḍekeda, “E pinḍ, E pinḍ, Probhu Isor do niạ kathae meneda, ‘Dạud bõsre Josiạ ńutuman mitʼṭen hopone janamokʼa. Ar usul than boṭkocʼkore okoe naekeko ńitokʼ am cetanre janwarko samaṅetʼko uni do onko naekeko am cetanreye samaṅkoa ar manwakoakʼ jaṅ hõe atar giḍikatakoa.’ ”

1 Samuel 2:5

Okoekoakʼ lacʼ bige tahẽkan onko do ńitokʼ jomakʼ lạgitʼ eṭakʼkoakʼko kạmikana; menkhan okoe reṅgecʼko tahẽkan onko do reṅgecʼ cabayentakoa. Ar bạńjhiye tahẽkanicʼ do eae goṭen hoponren eṅgate hoyakana, menkhan ḍher hopon menakʼkotayicʼ doe nijor akana, uni do gidrạ bae janam daṛeako kana.

Dosar Biboron 34:5

Probhu Isor okae menletʼ onkage Probhu Isorren guti Mose do Moab disạmreye gocʼena.

Genesis 47:29

Gujukʼ thoṛa din lahare Israel do acʼren hopon Joseph hohowadeteye metadea, “Am nońjorre dayań ńamakatʼ khan ińakʼ bulu latarre amakʼ ti dohoyme ar gokʼạńme, ińre am do biswạsem tahena. Misorre iń do alom topayińạ,

Genesis 17:21

Menkhan iń do Isahak lạgitʼge bondobosiń dohoya. Hijukʼkan bochor niạ oktege uni do Sarawakʼ hoborreye hijukʼa.”

Kạhtukko 24:27

Amakʼ khet baṛge ṭhik ṭhakme ar amakʼ bahre kạmi sạtme, ar ona tayom do amakʼ oṛakʼ duạr benaojoṅme.

Jesaea 28:24

Casokʼicʼ do itạ erokʼ lạgitʼ cacastegeye tahena? Uni do cetʼ jaoge ḍhelake gejera are ãṛgom somana?