Sosolhayic̕ 3:17 - সান্তালী বাইবেল

¹⁷ Iń do mone moneteń menkeda, “Isor do dhoromicʼ ar bedhoromicʼ nukin bana hoṛgeye bicạrkinạ, ente uni ṭhen do sanamakʼ babotre ar sanamakʼ kạmire mitʼṭecʼ niṭ akan okte menakʼa.”

Sosolhayic̕ 3:17 Referans Kwoze

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Sosolhayic̕ 12:14

Isor do mitʼke mitʼ kạmi reakʼ, se mitʼke mitʼ okoakʼko hõe bikʼcạra-baṅ do bạṛicʼakʼ kan ar baṅ do bhageakʼ kan.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Sosolhayic̕ 3:1

Jotowakʼ lạgitʼge mitʼṭecʼ okte menakʼa; serma latarre mitʼke mitʼ kạmi reakʼ mitʼṭecʼ niṭ akatʼ okte do menakʼgea-

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Johan sodor 20:2

Uni do uni biń, metakʼme okoe do mare biń Diabol Soetanko metaekan uni sapʼkate mitʼ hajar bochor hạbicʼe tolkedea ar ona athan kunḍreye khadlekadea.

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Aposkạmi 17:31

ente uni do nonkan mitʼṭecʼ dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Aposkạmi 1:7

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

Johan 5:22

Baba do okoe hõ bae bicạrkoa, menkhan joto bicạr reakʼ dạyik do Hopone emakawadea,

Daniel 12:9

Uniye menkeda, “E Daniel, noako reaṅ do alom cintạkʼa, ente mucạtʼ okte ạuri hijukʼ hạbicʼ noako katha do bondkate chap dohoakana.

Daniel 12:4

Menkhan am, Daniel do, mucạtʼ okte ạuri hijukʼ hạbicʼ noa nạbi katha reakʼ puthi bondkate ona reakʼ kathako chapkate dohokakʼme. Onako dinre ḍherkoge hanḍe nanḍeko calakʼa ar ạkil do baṛhaokʼtakoa.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Sosolhayic̕ 8:6

Jotowakʼ lạgitʼge ṭhik okte ar kạmi reakʼ dhara do menakʼa, menkhan manwawakʼ ạkil do thoṛagetaete ạḍi kosṭoe ńameda;

Sosolhayic̕ 2:1

Iń do apnartetʼ iń menjoṅana, “Suk do cetʼ kana, ar ona aṭkar lạgitʼ iń doń hesecʼ sekrejokʼa jemon onań biḍạu aṭkar daṛeakʼ.” Menkhan ińiń ńelkeda, ona hõ ạuṛiyakʼgea.

Sosolhayic̕ 1:16

Iń do mone moneteń menkeda, “Iń lahate okoe Jerusalemreko rajokʼkan tahẽkan onko khon iń do ạkilteń sorosgea; ińakʼ bud ar ạkil do ḍhergetińạ.”

1 Thessalonikikko 5:1

E boehako, oka okte ar oka dinre ona hoyokʼa, ona reaṅ thoṛa olape reakʼ do jãhãn jạruṛ bạnukʼa. Ape do pusṭạutepe baḍaegea, ńindạ cetʼleka kombṛoe hijukʼa, onkage Probhu Isorakʼ ona din hõ hijukʼa.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.