Sosolhayic̕ 3:11 - সান্তালী বাইবেল

¹¹ Uni do sanamakʼ reakʼ okteye ṭhik dohoakada. Uni do manwa ontorre jaejug reaṅ bujhạu reakʼ mone emakawadea, menkhan manwa do pạhil khon mucạtʼ hạbicʼ cetʼe cekaea ona bae bujhạu daṛeakʼa.

Sosolhayic̕ 3:11 Referans Kwoze

Romiko lạgitʼ Pạul Apostolakʼ ciṭhi 11:33

Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Jobakʼ 11:7

Isorakʼ okoakʼko reakʼ khạndritetʼ do cetʼem baḍae daṛeakʼa? Sanam daṛeanicʼakʼ simạna baṅ tinạkʼ sạṅgiń ona do cetʼ suṭhik katem ńel daṛekea?

Jobakʼ 5:9

Uni do nonkan maraṅakʼkoe kạmiyeda one ona reakʼ khạndritetʼ do oho jokhalena; uni do nonkan hahaṛawakʼkoe kạmikana ona do tisge oho lekha cabalena.

Genesis 1:31

Isor do acʼakʼ sirjạuakʼ reakʼ sanamakʼe ńelkeda. Ar sạrige onako do ạḍi mońjge hoyakana. Ado ạyupʼena ar setakʼena, ar ona do turuiyakʼ din hoyena.

Mark 7:37

Onate hoṛko do hahaṛayenteko menkeda, “Jotowakʼ tinạkʼ bhageye kạmiyeda. Uni do kalakoe ańjom ocoyetʼkoa ar guṅgạko hõ katha roṛ reakʼ daṛeye emako kana.”

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Sereńko 104:24

E Probhu Isor, am do ạḍi utạrakʼkom sirjạu akada; ar amakʼ akelte onako dom benao akada; amakʼ sirjạuakʼ jiniskotege dhạrti do perecʼ akana.

Sosolhayic̕ 7:29

Eken niạgeń baḍae daṛeada, Isor do manwa khạṭigeye benaoledea, menkhan manwa do aema lekan ghạṭ secʼko calaoena.”

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Mathae 13:22

Jạnum jhạuạre eren itạ reakʼte do nonkanko lạgitʼge roṛ akana okoe do ona kathako ańjomketʼ, menkhan gharońj reakʼ dạndi ar dhon reakʼ mãyãte ona katha doko ten dohokakʼ kana. Onate onkore jãhãn jo do baṅ hoyokʼ kana.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Jobakʼ 37:23

Sanam daṛeanicʼ do babo ńam daṛeaea; daṛe ar hokre uni doe maraṅgea, asambheṛ dhorom iạte bae santaoa.

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Sosolhayic̕ 1:13

Serma latarre okako cekae hoyokʼ ona do ạkil hotete biḍạu ar ḍunḍhạu lạgitʼ iń mone murukleda. Ariń ńelkeda, Isor do manwako cetanre tinạkʼ duke lade akatʼkoa!

Sosolhayic̕ 7:13

Isorakʼ kạmiko ạribạndhitae pe. Uniye konḍea akatʼakʼ do okoeye sojhe daṛekea?

Sosolhayic̕ 7:23

Iń do niạko ińakʼ ạkilte biḍạukateń ńelkeda, ariń menkeda, “Ạkilan hoyokʼte hõń hoyokʼgea.” Menkhan ona do iń khon sạṅgińre tahẽyena.

Sosolhayic̕ 11:5

Eṅgatakʼ kukhire menae gidrạre jiuakʼ bolokʼ cetʼleka bam baḍaekan, onkage sanamakʼren sisirjạuicʼ Isorakʼ kạmi hõ bam bujhạu daṛeakʼa.